پارلامەنت • 23 قاڭتار، 2020

ماجىلىستە بيزنەس-احۋالدى جاقسارتۋ ماسەلەلەرىنە قاتىستى زاڭنامالىق تۇزەتۋلەر تانىستىرىلدى

237 رەتكورسەتىلدى

بۇگىن ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس-احۋالدى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

وتىرىستى اشقان ءماجىلىس دەپۋتاتى، ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ اتالعان زاڭ جوبا ەلدەگى بيزنەس احۋالدى جاقسارتۋ ماقساتىندا ازىرلەنگەن جانە بيزنەس قۇرۋ راسىمدەرىن وڭايلاتۋعا، وتاندىق كاسىپكەرلىكتى دامىتۋ ءۇشىن قولايلى جاعدايلاردى قالىپتاستىرۋعا، سونىمەن قاتار باسەكەلەستىككە كەدەرگى جاسايتىن توسقاۋىلداردى جويۋعا باعىتتالعانىن اتاپ ءوتتى.

وتاندىق بيزنەستى جۇرگىزۋ شارتتارىن جاقسارتۋعا باعىتتالعان رەفورمالاردى كوزدەيتىن قۇجات تۋرالى ۇلتتىق ەكونوميكا ۆيتسە-ءمينيسترى جاسلان ماديەۆ بايانداپ، دەپۋتاتتاردىڭ سۇراقتارىنا جاۋاپ بەردى. ءمينيستردىڭ ايتۋىنشا، بيزنەستى دامىتۋ ءۇشىن قولايلى جاعدايلار جاساۋ باعىتىندا، جىلجىمايتىن م ۇلىككە سالىناتىن اۋىرتپالىقتار تۋرالى، سونداي-اق زاڭدى تۇلعالارعا جىلجىمايتىن م ۇلىككە مەنشىك قۇقىقتارى تۋرالى اقپاراتقا جاپپاي قولجەتىمدىلىكتى اشۋ، وعان ساتۋ-ساتىپ الۋ مامىلەسىن وندىرىستىك تىركەۋ تۋرالى بەلگىنىڭ مىندەتتىلىگىن الىپ تاستاۋ، ەلەكتر جەلىلەرىنە قوسىلۋعا ءوتىنىشتى ەلەكتروندىق تۇردە عانا بەرۋ جۇيەسىن ەنگىزۋ سياقتى باسقا دا رەفورمالارى كوزدەلەدى.

سونىمەن بىرگە، باسەكەلەستىكتى دامىتۋعا كەدەرگى كەلتىرەتىن توسقاۋىلداردى جويۋعا باعىتتالعان تۇزەتۋلەر ۇسىنىلىپ وتىر.

ونىڭ ىشىندە:

- كاسىپكەرلىك قىزمەتكە مەملەكەتتىك قاتىسۋدىڭ نەگىزدەرىن قىسقارتۋ - ۇكىمەتتىڭ مەملەكەتتىك كاسىپورىندار جۇزەگە اسىراتىن قىزمەت تۇرلەرىنىڭ تىزبەسىن بەكىتۋى.

- مەملەكەتتىڭ نارىق سۋبەكتىلەرىنە ايرىقشا قۇقىقتار بەرۋىنىڭ كونكۋرستىق ءتارتىبىن جانە ولاردىڭ قىزمەتىن شەكتەۋدى ەنگىزۋ.

- تەلەكوممۋنيكاتسيالىق ينفراقۇرىلىمعا جانە راديوجيىلىك رەسۋرستارىنا قول جەتكىزۋ قاعيدالارىن بەكىتۋ.

- اۋەجايلار اۋماعىندا نەگىزگى اۋەجاي قىزمەتىنە جاتپايتىن قىزمەتتەر كورسەتۋگە قول جەتكىزۋ قاعيدالارىن بەكىتۋ. جەكە تۇلعالار ءۇشىن كاسىپكەرلىك قىزمەتتىڭ جەكەلەگەن تۇرلەرىن جانە بيزنەستى جۇرگىزۋدىڭ جەكەلەگەن اكىمشىلىك، ەكونوميكالىق شىعىندارىن جۇزەگە اسىرۋعا شەكتەۋلەردى الىپ تاستاۋ.

- مونوپولياعا قارسى زاڭنامانى بۇزعانى ءۇشىن نارىق سۋبەكتىلەرىنىڭ جاۋاپكەرشىلىگىن ارتتىرۋ.

زاڭ جوباسىندا «Doing Business» رەيتينگى شەڭبەرىندە 6 كودەكس پەن 33 زاڭعا وزگەرىستەر مەن تولىقتىرۋلار قاراستىرىلعان. تانىستىرىلىمعا ءماجىلىس دەپۋتاتتارى، مينيسترلىكتەر، پارلامەنتتىك ەمەس ساياسي پارتيالار، قاۋىمداستىقتار مەن قوعامدىق بىرلەستىكتەردىڭ، سونداي-اق «اتامەكەن» ۇلتتىق كاسىپكەرلەر پالاتاسىنىڭ وكىلدەرى قاتىستى.

زاڭ جوباسى بويىنشا تالقىلاۋ ودان ءارى ءماجىلىس دەپۋتاتى، ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ساكەن وتەباەۆ باستاعان جۇمىس توبىندا جالعاسادى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار