پارلامەنت • 23 قاڭتار، 2020

ماجىلىستە اتوم ەنەرگياسىن پايدالانۋ ماسەلەلەرى بويىنشا زاڭ جوباسىنا تۇزەتۋلەر تانىستىرىلدى

219 رەتكورسەتىلدى

بۇگىن ماجىلىستە ۆيتسە-سپيكەر ۆلاديمير بوجكونىڭ قاتىسۋىمەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتوم ەنەرگياسىن پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنىڭ تانىستىرىلىمى ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

ءماجىلىس دەپۋتاتى، ەكولوگيا ماسەلەلەرى جانە تابيعات پايدالانۋ كوميتەتىنىڭ توراعاسى گلەب ششەگەلسكي اتالعان زاڭ جوباسى اتوم ەنەرگياسىن پايدالانۋ سالاسىنداعى قولدانىستاعى زاڭنامانى جەتىلدىرۋگە باعىتتالعانىن اتاپ ءوتتى.

زاڭ جوباسىندا قۇقىقتىق قايشىلىقتار مەن ولقىلىقتاردى جويۋ، سونداي-اق حالىقتىڭ رادياتسيالىق قاۋىپسىزدىگىن قامتاماسىز ەتۋ سالاسىنداعى مەملەكەتتىك ورگانداردىڭ قايتالاناتىن فۋنكتسيالارىن بولدىرماۋ كوزدەلەدى. زاڭ جوباسىنىڭ نەگىزگى تۇجىرىمدارى تۋرالى ەنەرگەتيكا ۆيتسە-ءمينيسترى سۇڭعات ەسىمحانوۆ باياندادى. ول اتالعان سالادا قولدانىلاتىن تەرمينولوگيانى ناقتىلاۋ، مەملەكەتتىك ورگانداردىڭ وكىلەتتىكتەرى مەن فۋنكتسيالارىنىڭ ارا-جىگىن اجىراتۋ، اتوم ەنەرگياسىن پايدالانۋ وبەكتىلەرىندە جۇمىس جاسايتىن پەرسونالدىڭ قايتا اتتەستاتتاۋدان ءوتۋى جانە وسى سالادا كورسەتىلەتىن مەملەكەتتىك قىزمەتتەردى وڭتايلاندىرۋ ماسەلەلەرىنە توقتالدى.

ۆيتسە-ءمينيستردىڭ ايتۋىنشا، حالىقتىڭ رادياتسيالىق قاۋىپسىزدىگىن قامتاماسىز ەتۋ سالاسىنداعى مەملەكەتتىك ورگانداردىڭ وكىلەتتىكتەرىنىڭ ارا-جىگىن اجىراتۋ قورشاعان ورتانى جانە حالىقتىڭ دەنساۋلىعىن اتوم ەنەرگياسىن پايدالانۋ وبەكتىلەرىنىڭ زياندى اسەرىنەن قورعاۋدىڭ تيىمدىلىگىن ارتتىرۋعا ىقپال ەتەتىن بولادى. تانىستىرىلىمعا ۇلتتىق ەكونوميكا، قارجى، سىرتقى ىستەر، تسيفرلىق دامۋ، يننوۆاتسيا جانە اەروعارىش ونەركاسىبى، ىشكى ىستەر، ادىلەت، ەكولوگيا، گەولوگيا جانە تابيعي رەسۋرستار مينيسترلىكتەرىنىڭ، ۇلتتىق قاۋىپسىزدىك كوميتەتىنىڭ، «اتامەكەن» ۇلتتىق كاسىپكەرلەر پالاتاسىنىڭ، «قازاتومپروم» اق جانە «كاەس» جشس وكىلدەرى قاتىستى.

ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ اياسىندا وتكەن ءىس-شارادا ايتىلعان ۇسىنىستار مەن پىكىرلەر ودان ءارى دەپۋتات ارتۋر پلاتونوۆ جەتەكشىلىك ەتەتىن جۇمىس توبىنىڭ وتىرىستارىندا تالقىلاناتىن بولادى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار