قازاقستان • 23 قاڭتار، 2020

ەلىمىزدە كوروناۆيرۋستىق سىرقاتتانۋ جاعدايلارى تىركەلگەن جوق

90 رەتكورسەتىلدى

بۇل تۋرالى بۇگىن پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز-ماسليحاتىندا دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتىنىڭ توراعاسى ليۋدميلا بيۋرابەكوۆا جانە دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتى توراعاسىنىڭ ورىنباسارى جانداربەك بەكشين مالىمدەدى. سپيكەرلەر ەل ازاماتتارىن ەرەكشە قاجەتتىلىك بولماسا، قحر-عا ساپارعا شىعۋدان باس تارتۋعا شاقىردى.

دۇنيەجۇزىلىك دەنساۋلىق ساقتاۋ ۇيىمىنىڭ اقپاراتىنا سايكەس قىتاي حالىق رەسپۋبليكاسىندا 2020 جىلدىڭ 22 قاڭتارىندا كوروناۆيرۋستىق ينفەكتسيانىڭ جاڭا تيپىمەن سىرقاتتانۋدىڭ 571 جاعدايى تىركەلگەن، ولاردىڭ ىشىندە 17 ادام قايتىس بولعان.

الدىن الا ەپيدەميولوگيالىق تەرگەپ-تەكسەرۋگە سايكەس اۋىرعان ادامداردىڭ كوبى ۋحان قالاسىندا ورنالاسقان حۋانان تەڭىز ونىمدەرىنىڭ كوتەرمە ساۋدا بازارىندا وڭدەۋشىلەر بولىپ جۇمىس ىستەگەن جانە وعان ءجيى بارىپ تۇرعان. قىتاي بيلىگى قارقىندى قاداعالاۋ جانە كەيىنگى شارالار بويىنشا، سونداي-اق ودان ارعى ەپيدەميولوگيالىق تەرگەپ-تەكسەرۋ بويىنشا ءوز جۇمىسىن جالعاستىرۋدا.

بۇدان باسقا ددۇ اقپاراتىنا سايكەس كوروناۆيرۋستىڭ جاڭا تۇرىمەن سىرقاتتانۋ جاعدايلارى جاپونيادا، وڭتۇستىك كورەيادا، تايۆاندا جانە اقش-تا تىركەلگەن. بارلىق اۋىرعان ادامدار ۋحان قالاسىنا بارعان. ەلىمىزدە بۇل اۋرۋمەن سىرقاتتانۋ جاعدايلارى تىركەلگەن جوق.

كوروناۆيرۋستىق ينفەكتسيانىڭ بەلگىلەر:

قاراپايىم سۋىق تيۋدەن باستاپ تاياۋ شىعىس رەسپيراتورلىق سيندرومى جانە اۋىر ءجىتى رەسپيراتورلىق سيندروم سياقتى اۋىر اۋرۋلاردى تۋدىراتىن ۆيرۋستاردىڭ ۇلكەن توبى. جاڭا كوروناۆيرۋس – بۇل بۇرىن ادامداردا انىقتالماعان جاڭا شتامپ.

اۋرۋدىڭ كلينيكالىق بەلگىلەرى مەن سيمپتومدارى: كەيبىر جاعدايلاردا تىنىس الۋ قيىندايتىن قىزبا، كەۋدە قۋىسىنىڭ رەنتگەنوگرامماسىندا ەكى وكپەدە دە ءينۆازيۆتى وكپە ينفيلتراتتارى انىقتالعان.

اۋىر جاعدايلاردا ينفەكتسيا پنەۆمونيا، اۋىر ءجىتى رەسپيراتورلىق سيندروم، بۇيرەك جەتكىلىكسىزدىگىن تۋدىرۋى جانە ولىمگە اكەلۋى مۇمكىن.

قازاقستاندا قابىلدانعان شارالار:

قحر-دا ەپيدەميولوگيالىق جاعدايدىڭ كۇردەلەنۋىنە بايلانىستى قازاقستان رەسپۋبليكاسىنا اۋرۋدىڭ اكەلىنۋى مەن تارالۋىنىڭ الدىن الۋ ماقساتىندا كوميتەت سانيتاريالىق-ەپيدەمياعا قارسى جانە پروفيلاكتيكالىق شارالار كەشەنىن قابىلداۋدا.

  • «قازاقستان رەسپۋبليكاسىنىڭ اۋماعىنا ەتيولوگياسى بەلگىسىز پنەۆمونيانىڭ اكەلىنۋى مەن تارالۋىنىڭ الدىن الۋ بويىنشا سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى كۇشەيتۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ قاۋلىسى (اعىمداعى جىلعى 06 قاڭتارداعى № 1) بەكىتىلدى جانە وڭىرلەرگە جىبەرىلدى;
  • قارجى مينيسترلىگىنىڭ مەملەكەتتىك كىرىستەر كوميتەتىنە (بۇدان ءارى – مكك) اۆتوموبيل وتكىزۋ جولدارىندا قازاقستان رەسپۋبليكاسىنىڭ اۋماعىنا ەتيولوگياسى بەلگىسىز پنەۆمونيانىڭ اكەلىنۋى مەن تارالۋىنىڭ الدىن الۋ بويىنشا سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى كۇشەيتۋ قاجەتتىلىگى تۋرالى حات جىبەرىلدى (مەملەكەتتىك شەكارا ارقىلى وتكىزۋ پۋنكتتەرىنىڭ ءبىر بولىگىنىڭ مكك-ءنىڭ قاراماعىندا بولۋىن ەسكەرە وتىرىپ);
  • قازاقستان رەسپۋبليكاسى سىرتقى ىستەر مينيسترلىگىنە قحر ەلشىلىگىنە حۋبەي پروۆينتسياسىنىڭ ۋحان قالاسىنداعى ەتيولوگياسى بەلگىسىز پنەۆمونيامەن سىرقاتتانۋشىلىقتىڭ ەپيدجاعدايى تۋرالى رەسمي اقپارات بەرۋ جونىندە سۇراۋ جىبەرۋ تۋرالى حات جىبەرىلدى;
  • شەتەلگە شىعاتىن قازاقستاندىق ازاماتتاردى (تۋريستەر، ستۋدەنتتەر، ميگرانتتار جانە ت. ب.) اقپاراتتاندىرۋ ماقساتىندا ءبىلىم جانە عىلىم، ەڭبەك جانە الەۋمەتتىك قورعاۋ، مادەنيەت جانە سپورت مينيسترلىكتەرىنە ۇسىنىمدار جىبەرىلدى;
  • قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرىندە، اسىرەسە قىتاي حالىق رەسپۋبليكاسىنان كەلەتىن بارلىق ادامدارعا (جولاۋشىلار، تاسىمالداۋشىلار، ەكيپاج مۇشەلەرى، بورتسەرىكتەر جانە باسقالارى) مىندەتتى تۇردە بايلانىسسىز تەرمومەتريا جۇرگىزىلەدى;
  • كولىكتەگى تكقسقب دەپارتامەنتى اۋەجاي، شەكارا جانە كەدەن قىزمەتىنىڭ قىزمەتكەرلەرىمەن، بورتسەرىكتەرمەن، ۇشۋ قۇرامىمەن، جولاۋشىلار پوەزدارىنىڭ جولسەرىكتەرىمەن پروفيلاكتيكالىق جۇمىس جۇرگىزۋدە: سەمينارلار (43)، نۇسقاۋلار (304)، اڭگىمەلەر (1144) وتكىزىلدى.
  • قازاقستان اۋەجايلارىندا قحر-عا شىعاتىن ادامدارعا تاراتىلاتىن جادناما بەكىتىلدى;
  • اعىمداعى جىلدىڭ 24 قاڭتارىندا نۇر-سۇلتان جانە الماتى قالارىنىڭ اۋەجايلارىندا كوروناۆيرۋستىق ينفەكتسياعا كۇدىكتى ناۋقاس انىقتالعان جاعدايدا ۆەدومستۆوارالىق وقۋ-جاتتىعۋ وتكىزۋ جوسپارلاندى.

بۇگىنگى كۇنى مەملەكەتتىك شەكارا ارقىلى وتكىزۋ پۋنكتتەرىندە 14 713 ادام قارالدى، قحر-دان كەلگەن ادامدار اراسىندا دەنە قىزۋى جوعارى جانە اۋرۋ بەلگىلەرى بار ادامدار انىقتالعان جوق.

ۇسىنىمدار:

  • وتە قاجەت بولماسا، قحر-عا ساپارعا شىعۋدان باس تارتۋ;
  • قحر-عا ساپار كەزىندە ۋحان قالاسىنا جانە حۋبەي پروۆينتسياسىنا بارۋدان باس تارتۋدى ۇسىنادى;
  • قحر-دا بولعان كەزدە نەمەسە سول جاقتان كەلگەن كەزدە رەسپيراتورلىق اۋرۋ سيمپتومدارى پايدا بولعان جاعدايدا، ساپار كەزىندە نەمەسە ودان كەيىن ساياحاتشىلارعا مەديتسينالىق كومەككە جۇگىنۋ نەمەسە ءوزىنىڭ ەمدەۋشى دارىگەرىنە ينفەكتسيانىڭ تارالۋ ايماعىنا بارعانى تۋرالى حابارلاۋ ۇسىنىلادى;
  • ءجىتى رەسپيراتورلىق ينفەكتسيالارمەن اۋىراتىن ادامدارمەن تىعىز بايلانىس جاساماۋ;
  • قولدى ءجيى جۋ، اسىرەسە ناۋقاس ادامدارمەن نەمەسە ولاردىڭ اينالاسىمەن تىكەلەي بايلانىسقاننان كەيىن جۋ;
  • اۋرۋ ءۇي جانۋارلارىمەن جانە جابايى جانۋارلارمەن تىعىز بايلانىستا بولماۋ;
  • ءجىتى رەسپيراتورلىق ينفەكتسيا سيمپتومدارى بار ادامدار جوتەل ەتيكەتىن ساقتاۋى ءتيىس (قاشىقتىقتى ساقتاڭىز، جوتەلگەندە جانە تۇشكىرگەندە ءبىر رەت قولدانىلاتىن سۋلىقتارمەن نەمەسە ورامالمەن اۋىزدى جابىڭىز).
سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار