ايماقتار • 23 قاڭتار، 2020

«انا مەن بالانى قورعاۋ ورتالىعىندا» 20 ايەل تۇرىپ جاتىر

41 رەتكورسەتىلدى

وبلىستىق پوليتسيا دەپارتامەنتىنىڭ مالىمەتىنشە، وتكەن جىلى وڭىردە 178 وتباسى كيكىلجىڭدەرى تىركەلگەن. وتباسىلىق ءوزارا كەلىسپەۋشىلىك كيكىلجىڭدەرى  پاۆلودار، ەكىباستۇز قالالارى، اقتوعاي، باياناۋىل، جەلەزين، ماي، ۋسپەن، پاۆلودار اۋداندارىندا انىقتالعان.

ال، تۇرمىستىق زورلىق-زومبىلىق فاكتىلەرىنىڭ كوبى جۇمىسسىز جۇرگەندەردىڭ ارەكەتىنەن، ىشىمدىك سالدارىنان ورىن العان.

وڭىردە پروفيلاكتيكالىق شارالار اۋقىمدى تۇردە جۇرگىزىلگەنىمەن، ماسەلە ءالى دە وزەكتى.

وبلىس ورتالىعىندا قامزين كوشەسى، 20-ءۇي مەكەنجايىندا ورنالاسقان «انالار مەن بالالاردى قورعاۋ ورتالىعى» اشىلعان.

قازىر ورتالىقتا وتباسى كيكىلجىڭىنەن  كەيىن  بالالارىمەن بىرگە 20 ايەل تۇراقتاۋدا. ال، وتباسىندا قورلىق كورگەن ايەلدەر ءۇشىن پوليتسيانىڭ كوپ ارنالى «102» ءنومىرى مەن 87057072879 ۇيالى تەلەفونى ۇزدىكسىز جۇمىس ىستەيدى.

پوليتسيا مالىمەتىنشە، دۇيسەنبى-جۇما ارالىعىندا جەدەل قىزمەت كورسەتۋ ورتالىعىنا 5-6 شاقىرتۋ تۇسسە، دەمالىس كۇندەرى قوڭىراۋلار سانى 10-15-كە ارتادى ەكەن. قالالىق پوليتسيا باسقارماسىنىڭ وكىلدەرى انالار مەن بالالاردى بەيىمدەۋ ورتالىعىنىڭ مۇشەلەرىمەن بىرلەسىپ، ءتۇرلى شارالار ۇيىمداستىرادى. بۇل رەتتە 8-11-سىنىپتار اراسىندا وتباسىلىق قۇندىلىقتارعا بايلانىستى ساۋالناما جۇرگىزىلىپ، ترەنينگتەر، سەمينارلار وتكىزىلەدى.

مەكتەپتەردە «دوڭگەلەك ۇستەلدەر» ۇيىمداستىرىلىپ، «وتباسىنداعى زورلىق-زومبىلىققا جول جوق!» تاقىرىبىندا اتا-انالار جينالىسى وتكىزىلىپ، سەنىم تەلەفونى جازىلعان بۋكلەتتەر تاراتىلدى.

شارا اياسىندا جەرگىلىكتى پوليتسيا قىزمەتكەرلەرىنىڭ كومەگىمەن 23 ادامعا  اكىمشىلىك قۇقىق-بۇزۋشىلىق كودەكسىنىڭ 73-بابىنا سايكەس، قورعاۋ نۇسقاماسى بەرىلدى. قالالىق سوتتىڭ كومەگىمەن وتباسىلاردىڭ اراسىندا 38 كەزدەسۋ وتكىزىلىپ، 27 وتباسى قايتا تابىستى. دەپارتامەنتتىڭ مالىمەتىنشە،پوليتسيا وكىلدەرى بيىلعى جىلدىڭ العاشقى كۇندەرى تۇرمىسى تومەن 42 وتباسىنى ارالاعان. تەكسەرۋ ناتيجەسىندە اتا-انا قۇقىعىن دۇرىس ساقتاماعانى ءۇشىن 5 ادام اكىمشىلىك جاۋاپكەرشىلىككە تارتىلعان.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار