سالتاناتتى راسىمگە قىتاي مينيسترلەر كابينەتىنىڭ, پەكين قالالىق ۇكىمەتىنىڭ, سونداي-اق قازاقستان رەسپۋبليكاسىنىڭ ءسىم مەن قازاقستان رەسپۋبليكاسىنىڭ اشم وكىلدەرى قاتىستى.
بۇل وقيعا قازاقستان مەن قىتايدىڭ ۆەتەريناريالىق قىزمەتتەرىنىڭ ۇلكەن جانە ۇيلەسىمدى جۇمىسى بولدى. 2018 جىلعى 7 ماۋسىمدا پەكيندە قازاقستاندىق سيىر ەتىن ەكسپورتتاۋ ءۇشىن نارىقتى اشۋ بويىنشا تابىستى كەلىسسوزدەر ناتيجەسىندە حاتتاماعا قول قويىلدى. 2019 جىلدىڭ ساۋىرىندە ۆەتەرينارلىق سەرتيفيكات كەلىسىلىپ, ال كەلەسى ايدا قحر باس كەدەن باسقارماسى ءتورت قازاقستاندىق كاسىپورىندى سيىر ەتىن قىتايعا ەكسپورتتاۋ قۇقىعى بار تىزىمگە ەنگىزدى. قىتاي نارىعىنا ءونىم ەكسپورتتاۋ مۇمكىندىگى اشىلعاننان بەرى قازاقستاندىق كومپانيالار 4,5 مىڭ تونناعا جۋىق سيىر ەتىن جەتكىزدى.
قازىرگى ۋاقىتتا قازاقستان رەسپۋبليكاسىنىڭ اۋىل شارۋاشىلىعى مينيسترلىگى سيىر ەتىن قىتايعا ەكسپورتتاۋعا قۇقىعى بار قازاقستاندىق كاسىپورىنداردىڭ ءتىزىمىن كەڭەيتۋ بويىنشا جۇمىستاردى جالعاستىرۋدا.
