ايماقتار • 23 قاڭتار، 2020

وقمۋ شاكىرتاقىنى ءبىرىنشى بولىپ كوتەردى

21 رەتكورسەتىلدى

شىمكەنتتەگى م.اۋەزوۆ اتىنداعى وقمۋ ستۋدەنتتەر مەن ماگيسترانت، دوكتورانتتاردىڭ ستيپەندياسىنىڭ كولەمىن ەلىمىزدەگى جوعارى وقۋ ورىندارى ىشىندە العاش بولىپ كوتەردى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.

پرەزيدەنت قاسىم-جومارت توقاەۆ جاستار فورۋمىندا 2020 جىلدىڭ قاڭتار ايىنان باستاپ ۋنيۆەرسيتەت پەن كوللەدج ستۋدەنتتەرىنىڭ شاكىرتاقىسى 25 پايىزعا وسەتىنىن مالىمدەگەن بولاتىن. بۇل تۇرعىدا ەلىمىز بويىنشا شامامەن 130 مىڭ ستۋدەنتتىڭ ستيپەندياسى جوعارىلايتىنى بەلگىلى بولدى.

وسىعان وراي، ۋنيۆەرسيتەتتەگى «جاستار ورتالىعىنىڭ» مۇشەلەرى جيىن وتكىزىپ، پىكىرلەرىن ءبىلدىردى. توقىما جانە تاماق ينجەنەرياسى جوعارعى مەكتەبىنىڭ 2-كۋرس ستۋدەنتى ايتورە سادىباي كۇنى كەشە 26 180 تەڭگە شاكىرتاقى العانىن ايتادى.

1

– بۇرىن 20 000 تەڭگە الاتىن ەدىم. 25 پايىز شاكىرتاقى قوسىپ بەرگەن مەملەكەت باسشىسىنا، ۋنيۆەرسيتەت رەكتورى داريا قوجامجاروۆاعا العىسىمىزدى بىلدىرەمىز. الداعى ۋاقىتتا وقۋدا وزات، عىلىمدا ۇزدىك بولۋعا ءسوز بەرەمىز، دەيدى ستۋدەنت.

ايتا كەتۋ كەرەك، بۇگىندە م.اۋەزوۆ اتىنداعى وقمۋ-دا 28 مىڭ ستۋدەنت كۇندىزگى بولىمدە ءبىلىم الۋدا. ونىڭ 9 مىڭعا جۋىعى مەملەكەتتىك گرانت نەگىزىندە وقىپ، شاكىرتاقى الادى. ولاردىڭ اراسىندا ماگيسترانتتارعا 66 913 تەڭگە، دوكتورانتتارعا 102 498 تەڭگە شاكىرتاقى بەرىلگەن.

سوڭعى جاڭالىقتار

ۇقساس جاڭالىقتار