الەم • 23 قاڭتار، 2020

كوروناۆيرۋس: ۋحان قوعامدىق كولىكتەر جۇمىسىن توقتاتتى

102 رەتكورسەتىلدى

ون ءبىر ميلليون تۇرعىنى بار قىتايدىڭ ۋحان قالاسىندا باستالعان كوروناۆيرۋستىڭ ءتۇرى وزگە دە ەلدەردە تارالىپ جاتىر. وسىعان الاڭداعان قالا باسشىلارى ۋحانداعى قوعامدىق كولىكتىڭ جۇمىسىن توقتاتى. 

سونداي-اق دەنساۋلىق ساقتاۋ وكىلدەرى قىتاي جاڭا جىلىندا بەرىلەتىن ءبىر اپتالىق دەمالىستا قالا حالقىن ساياحاتتاماۋعا شاقىردى.

قىتاي شەنەۋنىكتەرى بەيسەنبى كۇنى ۋحاننان كەلگەن بارلىق رەيستەر مەن جولاۋشىلار پوەزدارى توقتايتىنىن مالىمدەدى. اۆتوبۋس، مەترو جانە پارومدار جەرگىلىكتى ۋاقىت بويىنشا 10.00-دەن باستاپ جۇمىس ىستەمەيدى.

سينحۋا مەملەكەتتىك اقپاراتتىق اگەنتتىگى قالانىڭ تۋريستىك جەرلەرى مەن قوناق ۇيلەرىنە ءىرى اۋقىمدى ءىس-شارالاردى توقتاتا تۇرۋ تۋرالى تاپسىرما بەرىلگەنىن حابارلادى. ال كىتاپحانالار، مۇراجايلار مەن تەاترلار كورمەلەر مەن قويىلىمداردىڭ بولمايتىنىن مالىمدەدى.

ىندەت بەلگىلەرى قىتايدان بولەك اقش، تايلاند جانە وڭتۇستىك كورەيا ەلدەرىندە دە تىركەلگەن.   

سوڭعى دەرەكتەرگە سەنسەك، ۆيرۋستى جۇقتىرعاندار سانى 500-دەن، ال ىندەتتەن كوز جۇمعاندار سانى 17-گە جەتكەن. ادام ءومىرىن جالماعان جاعدايلار ۋحان قالاسىنىڭ ماڭىنداعى حۋبەي پروۆينتسياسىندا بولعان.

ماماندار 2019-nCoV دەگەن اتپەن بەلگىلى ۆيرۋستى بۇرىن سوڭدى ادامدا بايقالماعان كوروناۆيرۋستىڭ جاڭا ءتۇرى دەپ وتىر. ادەتتەگى سۋىق تيۋمەن قاتار، 2000 جىلداردىڭ باسىندا الەم بويىنشا 800-گە جۋىق ادامنىڭ ولىمىنە سەبەپ بولعان Sars ۆيرۋسى دا وسى كوروناۆيرۋستىڭ ءبىر ءتۇرى.

سونىمەن قاتار، جەنەۆاداعى كەزدەسۋدەن كەيىن دۇنيەجۇزىلىك دەنساۋلىق ساقتاۋ ۇيىمى (ددۇ) توتەنشە جاعدايلار جونىندەگى كوميتەتىنىڭ ازىرگە جاڭا ۆيرۋسقا قاتىستى «جاھاندىق توتەنشە جاعداي» جاريالامايتىنى بەلگىلى بولدى.

ۇيىمنىڭ باس ديرەكتورى تەدروس گەبرەيەسۋس ينفەكتسيانىڭ تارالۋى تۋرالى قوسىمشا اقپارات قاجەت ەكەنىن ايتتى. دەنساۋلىق ساقتاۋ سالاسىنداعى ساراپشىلار كوميتەتى بەيسەنبى كۇنى تاعى دا جينالادى.

جاھاندىق توتەنشە جاعداي – بۇل دۇنيەجۇزىلىك دەنساۋلىق ساقتاۋ ۇيىمى جاريالاي الاتىن دابىلدىڭ ەڭ جوعارى دەڭگەيى. وسىعان دەيىن شوشقا تۇماۋى، زيكا ۆيرۋسى جانە ەبولا ىندەتتەرى تاراعان كەزدە جاريالانعان.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار