قازاقستان • 23 قاڭتار، 2020

«بالقاش» اۋەايلاعى كۇردەلى جوندەۋدەن كەيىن قايتا اشىلدى

19 رەتكورسەتىلدى

«بالقاش» اسكەري اۋەايلاعى ەندى كەز-كەلگەن جويعىش، بومبالاۋشى، اسكەري-كولىك اۆياتسياسى سىندى ۇشۋ اپپاراتتارىنىڭ، سونىمەن قاتار، Boeing جانە Airbus تۇرىندەگى اۋىر سالماقتى تىكۇشاقتارى قونىپ، ۇشاتىن بولادى. اۋەايلاق پايدالانۋعا بەرگەن ساتتەن كەيىن 52 جىلدان سوڭ جوندەۋدەن وتكەن. العاش رەت 52 جىل ىشىندە اۋەايلاقتا كۇردەلى جوندەۋ جۇرگىزىلدى، ول 2 جىلعا سوزىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


اۋەايلاق 1967 جىلى كولەمى شاعىن ۇشاقتاردى قابىلداۋ ءۇشىن سالىنعان. ۇشۋ-قونۋ جولاعى مەن اۋەايلاقتىڭ ينفراقۇرىلىم نىساندارىنىڭ كۇردەلى جوندەۋ جۇمىستارىنان كەيىن قونۋ جولاعىنا، ۇشۋعا دەيىنگى جولدارعا، ورتالىق جانار-جاعارماي جانە ۇشۋ اپپاراتتارىنىڭ تۇراعىنا، الاڭ ورىندارىنا بەتون جابىندارى توسەلگەن. جانار-جاعارماي ماتەريالدارىنىڭ جاڭا قويماسى سالىنىپ، جوعارى قارقىندى جارىق بەرەتىن جابدىقتار، جەكە جانارماي قوندىرعىلارى ورناتىلدى.

كۇردەلى جوندەۋ جۇمىستارى مەن قايتا قۇرۋدان كەيىن اۋەايلاقتا جاۋىنگەرلىك كەزەكشىلىكتى اتقارۋ قالپىنا كەلتىرىلىپ، ۇشۋ كەزىندەگى قاۋىپسىزدىك ايتارلىقتاي جەتىلدىرىلگەن.

«اۋە قورعانىسى كۇشتەرىنە كەز كەلگەن ۋاقىتتا ەلدىڭ اۋە شەپتەرىن قورعاۋعا دايىن جانە قابىلەتتى بولۋ تۋرالى جاۋىنگەرلىك مىندەت جۇكتەلگەن. دايارلىقتىڭ نەگىزگى فاكتورلارىنىڭ ءبىرى اسكەري قىزمەتشىلەردىڭ قازىرگى زامانعى جاۋىنگەرلىك اۆياتسيالىق تەحنيكانى ساپالى يگەرۋ جانە ۇشۋ شەبەرلىگىن ارتتىرۋ بويىنشا قىزمەتى بولىپ تابىلادى» دەپ اتاپ ءوتتى نۇرلان ەرمەكباەۆ اۋەايلاقتىڭ اشىلۋىندا.

1

قايتا اشىلعان «بالقاش» اۋەايلاعى قازاقستان رەسپۋبليكاسىنىڭ قك اۋە كۇشتەرىن جۇمىلدىرۋدى قامتاماسىز ەتۋ، كۇش پەن قۇرالداردى اۋىستىرۋ ءۇشىن ماڭىزعا يە. ءوزىنىڭ ورنالاسۋىنىڭ ارقاسىندا ازاماتتىق اۋە كەمەلەرى ءۇشىن قوسالقى نەمەسە رەزەرۆتىك اۋەايلاق رەتىندە پايدالانىلۋى مۇمكىن.

سونىمەن قاتار اقتوبە قالاسىنداعى اۋە قورعانىسى كۇشتەرى اسكەري ينستيتۋتى كۋرسانتتارىنىڭ ۇشۋ تاجىريبەسىن جۇزەگە اسىرۋ قايتا قالپىنا كەلتىرۋ جوسپارلانۋدا. كۇردەلى جوندەۋ كەزىندە ۇشۋ جانە ينجەنەرلىك-تەحنيكالىق قۇرام الماتى وبلىسىنىڭ «جەتىگەن» اۋەايلاعىنا ورنالاستىرىلدى.  كۇردەلى جوندەۋ كەزىندە ۇشۋ جانە ينجەنەرلىك-تەحنيكالىق قۇرام الماتى وبلىسىنىڭ «جەتىگەن» اۋەايلاعىنا كوشىرىلدى. قازىرگى ۋاقىتتا قايتا كوشىرىلگەن جەكە قۇرام «بالقاش» اەرودرومىنا تۇراقتى ورنالاسۋ پۋنكتىنە ورالدى.


سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار