ايماقتار • 23 قاڭتار، 2020

ابىلقايىر سقاقوۆ وبلىس ورتالىعىنداعى قار تازالاۋ جۇمىستارىن جۇرگىزۋ بارىسىن تەكسەردى

16 رەتكورسەتىلدى

ايماق باسشىسى قالانىڭ ورتالىق كوشەلەرىن ارالاپ، زەلەنستروي، ۆوستوچنىي جانە ەكىنشى پاۆلودار شاعىن اۋداندارىندا بولدى. ول قالالىق  باسشىلار مەن كوممۋنالشىلارعا الەۋمەتتىك نىسانداردىڭ جانىنداعى جولدار مەن جاياۋ جۇرگىنشىلەر جولاقتارىن  تازالاۋعا باسا نازار اۋدارۋدى تاپسىردى. بۇل تۋرالى پاۆلودار قالاسى اكىمدىگىنىڭ ءباسپاسوز قىزمەتى حابارلادى.

– الەۋمەتتىك نىساندار مەن ولاردىڭ جانىنداعى تەرريتوريالارعا باسىمدىق بەرىلۋى ءتيىس، – دەدى ابىلقايىر سقاقوۆ №2 ەمحانانىڭ جانىندا. – قالا تۇرعىندارى اۋرۋحانالار، مەكتەپتەر مەن بالا باقشالارعا باراتىن جولدار تازا بولۋى كەرەك. وسى جەردەن تاڭەرتەڭ وتكەندە قار جاتقان ەدى، ءالى دە تازالانباعان. كولىك تۇراقتارىنداعى قاردى دا شىعارۋ كەرەك. بۇل الەۋمەتتىك نىساندارعا عانا ەمەس، جاقىن ماڭداعى ادامدار پايدالاناتىن تۇراقتارعا دا قاتىستى.

قالانى ارالاپ بولعان سوڭ ايماق باسشىسىنىڭ ءبىرىنشى ورىنباسارى كوممۋنالدىق قىزمەتتەردىڭ وكىلدەرىمەن جينالىس وتكىزدى. قالالىق تۇكش ءبولىمى مەن كوممۋنالدىق قىزمەتتەر قار تازالاۋ جۇمىستارىن قولعا الۋدى جانە جاقىن ارادا قالانى قاردان ارىلتۋعا ۋادە بەردى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار