ۇكىمەت • 23 قاڭتار، 2020

مارات قوجاەۆ اسكەري قىزمەتشىلەردى ماراپاتتادى

9 رەتكورسەتىلدى

ءمينيستردىڭ ءبىرىنشى ورىنباسارى مارات قوجاەۆ اعا لەيتەنانت ايدوس ءسادۋوۆ پەن سەرجانت جاندوس شايماردينوۆتى «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالدارمەن ماراپاتتادى. 2019 جىلعى جەلتوقسان ايىندا كەزەكتى پاترۋلدەۋ بارىسىندا ولار جوعارى ۆولتتى كابەل ۇرلاۋعا ارەكەت جاساعان ءتورت ادامدى قولعا ءتۇسىردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


2019 جىلدىڭ قازان ايىنان باستاپ الماتى، سەمەي، وسكەمەن، تالدىقورعان، اقتاۋ جانە باسقادا قالالاردا اسكەري قىزمەتشىلەر قازاقستان رەسپۋبليكاسىنىڭ ءىىم بولىمشەلەرىمەن بىرلەسكەن پاترۋلدەۋ جۇرگىزۋدە.

«مەن ازاماتتاردىڭ تىنىشتىعىن قورعايتىن اسكەردىڭ بار ەكەنىن بىلە وتىرىپ، ءاربىر قازاقستاندىق ءوزىنىڭ قاۋىپسىز ەكەنىن سەزىنسە دەيمىن. بۇل ءۇشىن مەنىڭ قىزمەتتەستەرىم قولىنان كەلگەنىن بارلىعىن جاساۋدا. پوليتسيا قىزمەتكەرلەرىمەن بىرگە كۇندىز جانە تۇندە دە كوشەلەردى پاترۋلدەۋ كەزىندە  - ءبىز ءوز حالقىمىزدى قورعاۋعا جانە قىزمەت ەتۋگە سانالى تاڭداۋ جاسايمىز» دەپ اتاپ ءوتتى ماراپاتتالۋشى اعا لەيتەنانت ايدوس ءسادۋوۆ.

قوعامدىق قاۋىپسىزدىكتى قامتاماسىز ەتۋ ماقساتىندا ادامدار كوپ جينالاتىن جەرلەر، ۆوكزالدار مەن اۆتوۆوكزالداردا، ۇساق جانە ءىرى بازارلاردا، دەمالىس جانە ويىن-ساۋىق ورىندارىندا پاترۋلدەۋ جۇرگىزىلەدى. پاترۋلدەۋ باعىتتارى كريمينوگەندىك جاعدايدى ەسكەرە وتىرىپ ازىرلەنگەن.

جازاتايىم وقيعالاردىڭ الدىن الۋ ءۇشىن سۋعا شومىلۋعا جابدىقتالماعان سۋ ايدىندارىندا، بوگەتتەر مەن وزەندەر اۋداندارىندا رەيدتىك ءىس-شارالار ۇيىمداستىرىلدى. اسكەري قىزمەتشىلەر قوعامدىق ءتارتىپتى ساقتاۋ بويىنشا حالىققا ءتۇسىندىرۋ جۇمىستارىن جۇرگىزۋدە.

2020 جىلدىڭ باسىنان 6 اكىمشىلىك بۇزۋشىلىق، سونداي-اق ەسىرتكى قۇرالدارىنىڭ زاڭسىز اينالىمى فاكتىسى انىقتالدى.

بۇدان باسقا، قۇقىقتىق ءتارتىپتى قامتاماسىز ەتۋ جانە قازاقستان رەسپۋبليكاسىنىڭ قك ءاپو (اسكەري پوليتسيا ورگاندارى) مەن قازاقستان رەسپۋبليكاسىنىڭ ءىىم پد (پوليتسيا دەپارتامەنتى) بولىمشەلەرى اراسىنداعى ءوزارا ءىس-قيمىل ماسەلەلەرى بويىنشا تاجىريبە الماسۋ بويىنشا جۇمىس جۇرگىزىلۋدە. قۇقىقتىق ءتارتىپتى قامتاماسىز ەتۋ جۇمىستارى جالعاسۋدا.


سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار