قوعام • 23 قاڭتار، 2020

نۇر-سۇلتاندا «ءبىز بىرگەمىز» چەللەندجى باستاۋ الدى

42 رەتكورسەتىلدى

ەلوردا جاستارى الەۋمەتتىك جەلىدە قار تازالاۋ بويىنشا چەللەندجدى باستادى. ولار تۇرعىنداردى ءوز اۋلاسىنداعى قاردى تازالاپ، ونى بەينەجازباعا جازىپ، #بىزبىرگەمىز حەشتەگىمەن الەۋمەتتىك جەلىگە سالۋعا شاقىرادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


ۆولونتەرلەر اتالمىش چەللەندجدى باستاۋ يدەياسىن قالىڭ قاردىڭ ءتۇسۋى مەن كوممۋنالدىق قىزمەت جۇمىسشىلارىنا قولداۋ كورسەتۋمەن بايلانىستىرادى. بۇگىنگى كۇننىڭ وزىندە ەلوردا ەرىكتىلەرىن بەلگىلى ءازىل-سىقاقشى، تەلەجۇرگىزۋشىسى تۇرسىنبەك قاباتوۆ، جۋرناليست، تەلەجۇرگىزۋشى اسحات سادىرباي، «نازار اۋدار» تەاترىنىڭ ارتىستەرى قولدادى.

ء«بىزدىڭ قالامىز، ەلىمىز - ول ءبىزدىڭ ۇلكەن ءۇيىمىز. ءار ازامات قالا تازالىعىنا، تارتىبىنە ءوز ۇلەسىن قوسۋ كەرەك. ءبىز كوممۋنالدىق قىزمەتكەرلەرگە وسىلاي كومەكتەسكىمىز كەلەدى. بۇگىن ءبىراز قالىڭ قار ءتۇستى. ءبىز بۇل باستامانى قولدايمىز جانە دە باسقا ارىپتەستەرىمىزدى ءبىزدى قولداۋعا شاقىرامىز» دەدى تۇرسىنبەك قاباتوۆ.

1

سونىمەن قاتار ول ەستافەتانى «فورمات» توبىنا، «ا.ي.» مۋزىكالىق-تەاتر ورتالىعى مەن «استانا» فۋتبول كلۋبىنا تابىس ەتتى.

بۇل ورايدا قار تازالاۋ بويىنشا اكتسيانى ۆولونتەرلەر ۇنەمى وتكىزىپ تۇراتىندىعىن ايتا كەتكەن ءجون.

ەستەرىڭىزگە سالساق، پرەزيدەنت قاسىم-جومارت توقاەۆتىڭ تاپسىرماسىمەن 2020 جىل «ۆولونتەرلەر جىلى» بولىپ جاريالانعان بولاتىن.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار