ۇكىمەت • 23 قاڭتار، 2020

اقتوتى رايىمقۇلوۆا يۋنەسكو وكىلى كريستا پيكاتتى قابىلدادى

13 رەتكورسەتىلدى

قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا يۋنەسكو-نىڭ قازاقستان، تاجىكستان، قىرعىز ەلىندەگى وكىلى، الماتىداعى يۋنەسكو بيۋروسىنىڭ ديرەكتورى كريستا پيككاتتى قابىلدادى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.

كەزدەسۋ بارىسىندا ەكى تاراپ مادەنيەت جانە تۋريزم سالاسىنداعى ىنتىماقتاستىق جايىن ءسوز ەتتى. اقتوتى رايىمقۇلوۆا بيىل ۇلى اقىن اباي قۇنانباي ۇلىنىڭ 175 جىلدىق مەرەيتويى اياسىندا وتكىزىلەتىن ءىس-شارالارمەن تانىستىردى.

«بيىل قازاقستان مادەنيەتى، رۋحانياتى ءۇشىن ەرەكشە جىل بولعالى تۇر. كەشە عانا قازاق ادەبيەتىنىڭ تەمىرقازىعى اباي قۇنانباي ۇلى مەرەيتويىنىڭ رەسمي اشىلۋ سالتاناتى ءوتتى. جالپى بۇل باعىتتا 500-دەن استام ءىس-شارا وتەدى، دەپ جوسپارلانعان. سونىمەن قوسا، شەت مەملەكەتتەردەگى ەلشىلىكتەر جانىنان اباي ورتالىعىن اشۋ بويىنشا قىزۋ جۇمىس ءجۇرىپ جاتىر. سونداي-اق، وسى جىلى «ەكىنشى ۇستاز» اتانعان عۇلاما ويشىل  ءابۋ ناسىر ءال-ءفارابيدىڭ 1150 جانە التىن وردانىڭ 750 جىلدىعىن اتاپ وتەتىن بولامىز. الداعى ۋاقىتتا ءبىز بۇۇ شتاب-پاتەرىندە ۇلى اقىننىڭ مەرەيتويىنا ارنالعان ءىس-شارا ۇيىمداستىرۋ، حالىقارالىق بىرنەشە جوبالارىمىز بار» دەدى مينيستر.

1

ال كريستا پيكات ۇلى اقىن اباي قۇنانباي ۇلىنىڭ 175 جىلدىق مەرەيتويىنىڭ رەسمي اشىلۋ سالاتاناتىندا بولعانىن اتاپ ءوتىپ، مادەنيەت، اۋدارما جانە تۋريزم سالاسىنداعى ۇسىنىستارىن جەتكىزدى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار