ساياسات • 23 قاڭتار، 2020

جاۋاپكەرشىلىككە تارتۋ ۇسىنىلدى

27 رەتكورسەتىلدى

Nur Otan پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەس «ناتيجەلى جۇمىسپەن قامتۋدىڭ جانە كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىن» جۇزەگە اسىرۋ بارىسىنىڭ كوڭىل كونشىتپەيتىنى تۋرالى قورىتىندىعا كەلدى.

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ اتاپ وتكەنىندەي، «ەڭبەك» باعدار­لا­ما­سى 2017 جىلدان بەرى ىسكە اسى­رى­­لىپ كەلەدى. وسى ۋاقىت ىشىندە 1،3 ملن ازامات باعدارلامانىڭ قاتىسۋ­شى­­سى بولدى، ولاردىڭ – 40 % جاس­تار.

ء«ۇش جىلدا كاسىپكەرلىكتى دامى­تۋعا 186 ملرد تەڭگە باعىتتالىپ، 39 مىڭ نەسيە بەرىلدى. نەسيە الۋشى­لاردىڭ 63 % – ءوز ءىسىن جاڭادان اشقان ادامدار. باعدارلامانى جۇزەگە اسىرۋ كەزىندە سۋبسيديا بەرۋ ارقىلى 414 مىڭ جۇمىس ورىنى قۇرىلدى»،  دەدى مينيستر.   

جاقسى ناتيجەلەردىڭ بولعا­نىنا قاراماستان، «ەڭبەك» باعدار­لا­ماسىن ىسكە اسىرۋ بارىسىندا كوپ­تەگەن كەلەڭسىزدىكتەر، ونىڭ ىشىندە جەمقورلىق سيپاتتاعى زاڭبۇزۋ­شىلىقتار دا ورىن العان. كەڭەس مۇشەسى، پارلامەنت ءماجىلىسىنىڭ دەپۋتاتى باقىتگۇل حامەنوۆانىڭ ايتۋىنشا، «ەڭبەك» باعدارلاماسى قولعا الىنعان 3 جىل ىشىندە 88 جەمقورلىق قىلمىس تىركەلىپ، سوتقا 56 قىلمىستىق ءىس جىبەرىلگەن.

«سونىمەن بىرگە 6 ميللياردقا جۋىق تەڭگە نارىقتا سۇرانىسقا يە ەمەس ماماندىقتارعا وقىتۋعا جۇم­سال­عان. باعدارلاما اياسىندا وقىعان 80 مىڭ ادامنىڭ بار-جوعى 23 مى­ڭى ماماندىعى بويىنشا جۇمىس­قا ورنالاسقان. كاسىپكەر رەتىندە تىر­كەلمەگەن جانە سالىقتىق تولەمدەر بويىنشا قارىزى بار ازاماتتارعا 1،3 ملرد تەڭگە بولاتىن نەسيە ءبولۋدىڭ 750 دەرەگى انىقتالدى»، دەدى باقىتگۇل حامەنوۆا.     

وتىرىس سوڭىندا كەڭەس مۇشەلەرى ماقساتتى ينديكاتورلار مەن مەم­لە­كەتتىك باعدارلاما اياسىنداعى مىن­دەت­تەرگە ەڭبەك نارىعىنداعى اعىم­داعى جاعدايلاردى بۇرمالاۋ ارقى­لى قول جەتكىزىلىپ وتىرعانى تۋرالى ورتاق قورىتىندىعا كەلدى. تال­داۋ جۇمىستارىنىڭ ناتيجەسى وسى مەم­لەكەتتىك باعدارلامانى ىسكە اسىرۋ بارى­سىندا ورىن العان سىبايلاس جەم­قورلىقتىڭ نەگىزگى سەبەپتەرى، ۋاكى­لەتتى ورگاندار مەن لاۋازىمدى تۇلعا­لار­دىڭ ۇيىمداستىرۋشىلىق قىزمە­تىنىڭ تومەندىگىنەن،  نورما­تيۆ­تىك قۇقىقتىق اكتىلەردە جەمقور­لىققا جول بەرۋگە مۇمكىندىك بەرەتىن تا­لاپ­تاردىڭ بولۋىنان جانە ەڭبەك جانە حالىقتى الەۋمەتتىك قورعاۋ مينيس­تر­لىگى باسشىلىعى تاراپىنان ءتيىس­تى ۆەدومستۆولىق باقىلاۋدىڭ بول­ماۋىنان ورىن العانىن كورسەتكەن.

كەڭەس «ەڭبەك» باعدارلا­ماسىن جۇزەگە اسىرۋ بويىنشا كەلەڭسىزدىكتەردى جويۋ مەن جۇمىستى جاقسارتۋعا قاتىستى ەڭبەك جانە حالىقتى الەۋمەتتىك قورعاۋ مينيس­ترلىگىنە بىرقاتار ۇسىنىس جاسادى. اتاپ ايتقاندا، باعدارلاما اياسىندا جاستاردىڭ تاجىريبە الۋ مەرزىمىن 6 ايدان 1 جىلعا دەيىن ۇزارتۋ ۇسىنىلدى. پارتيالىقتار اتاۋلى الەۋمەتتىك كومەك الاتىن وتباسىلارعا ەرەكشە كوڭىل ءبولىپ، ولار ءۇشىن گرانت ءبولۋ ەرەجەسىن قايتا قاراۋعا باسا نازار اۋداردى.   

«جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتاردىڭ كولەمى 200 اەك-كە دەيىن ۇلعايدى. تابىسى از وتبا­سى­لاردىڭ وسى ساناتقا جاتاتىنى ءمالىم. الايدا، گرانتپەن الىناتىن سوما وتباسىنىڭ جالپى تابىسىن ساناۋ كەزىندە ەسەپكە الىناتىندىقتان، ااك الۋشىلار گرانتتان باس تارتۋدا. وسىعان وراي، وتباسىنىڭ جالپى تابىسىن ساناعاندا بيزنەسىن جول­عا قويىپ العانعا دەيىن گرانت سو­ما­­سىن كىرىس رەتىندە ەسەپتەمەۋ كە­رەك، سوندا ولار ااك-تەن ايىرى­لىپ قالمايدى»، دەدى ومارحان
وكسىكباەۆ.

سونىمەن قاتار كەڭەس قىزىلوردا وبلىسى اكىمىنىڭ ورىنباسارى باقىت جاحانوۆتى، تۇركىستان وبلىستىق جۇمىسپەن قامتۋدى ۇيلەستىرۋ  جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆانى، شىمكەنت قالالىق جۇمىسپەن قامتۋدى ۇيلەستىرۋ  جانە الەۋمەتتىك باعدارلامالار باسقارماسىنىڭ باسشىسى عالىم­جان بالتاەۆتى جانە ەڭبەك جانە حالىقتى الەۋمەتتىك قورعاۋ مي­نيسترلىگى حالىقتى جۇمىسپەن قام­تۋ دەپارتامەنتىنىڭ ديرەكتورى ەربولات ءابىلحاتيندى پارتيالىق جانە تارتىپتىك جاۋاپكەرشىلىككە تارتۋدى ۇسىندى.

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار