سونىمەن بىرگە اتالعان مادەني شارا اياسىندا كارىپبەكتىڭ «شىن جۇرەگىممەن قۇتتىقتايمىن» اتتى كىتاپ-البومىنىڭ تۇساۋكەسەر ءراسىمى ۇيىمداستىرىلدى.
ءۇش بولىمنەن تۇراتىن جاڭا تۋىندىدا كارىپبەكتىڭ ءومىرى مەن شىعارماشىلىعى جان-جاقتى قامتىلعان. ءبىرىنشى بولىمدە ونىڭ ءار جىلدارى سالىنعان 100 كارتيناسى ونەرتانۋشىلىق تالداۋ ماتەريالدارىمەن قوسا كورىنىس تاپسا, ەكىنشى ءبولىم تۇتاستاي قازاقستاننىڭ يادرولىق قارۋسىز بولاشاققا قارسى كۇرەستەگى قىزمەتىنە ارنالعان. ال سوڭعى بولىمدە انتيادرولىق قوزعالىس بەلسەندىسى قاتىسقان بارلىق حالىقارالىق فورۋم, ونىڭ جۇمىستارى ۇسىنىلعان كورمەلەر تۋراسىنداعى ماعلۇماتتار توپتاستىرىلىپتى.
«كىتاپتا كارىپبەكتىڭ بالالىق شاعى تۋرالى ماتەريالدار جانە ونىڭ ءومىربايانىنان الىنعان دەرەكتەر بار. تۋىندى سۋرەتشىنىڭ «كارىپبەك كۇيىكوۆتىڭ ءومىر ءسۇرۋ ەرەجەلەرى» اتتى سۇحباتىنىڭ توپتاماسىمەن تۇيىندەلەدى. بۇل كىتاپ ءتورت اي ىشىندە قۇراستىرىلدى», دەيدى وبلىستىق بەينەلەۋ ونەرى مۇراجايى باسشىسىنىڭ ورىنباسارى الەكساندر گەحت.
«رۋحاني جاڭعىرۋ» جوباسى اياسىندا جارىق كورگەن «شىن جۇرەگىممەن قۇتتىقتايمىن» كىتاپ-البومى جوباسىنا مۇراجاي ديرەكتورى بيبىگۇل قۇداباەۆانىڭ جەتەكشىلىك ەتكەنىن ايتا كەتكەن ءلازىم. سونداي-اق بۇل شاراپاتتى ىسكە ونەرتانۋشى ناتاليا يۆانينا, اۋدارماشى دايانا ىسقاقوۆا, ديزاينەر بالاۋسا تۋرالىقوۆا دا مول ۇلەس قوسقان.
قاراعاندى
