بيىل قازاقتىڭ باس اقىنى, ويشىل, فيلوسوف, اۋدارماشى, كومپوزيتور, عۇلاما عالىم, كەمەڭگەر تۇلعا اباي قۇنانباي ۇلىنىڭ 175 جىلدىق مەرەيتويى. وسى ورايدا, ۇلى اقىننىڭ ناعاشى جۇرتى سانالاتىن قاراعاندى وبلىسىنداعى اباي ەسىمىن يەلەنگەن ەلدى مەكەندەر مەن نىساندارعا تاعى ءبىر مارتە شولۋ جاساي كەتكەندى ءجون كوردىك.
وبلىس ورتالىعىنداعى بۇقار جىراۋ داڭعىلى بويىندا ورنالاسقان «قاراعاندى وبلىستىق بالالار كىتاپحاناسىنا» 1954 جىلى اباي ەسىمى بەرىلگەن. سول جىلى قارقارالى اۋدانىندا اباي سەلولىق وكرۋگى پايدا بولدى. وبلىستاعى اباي قالاسىندا 1969 جىلى «اباي اتىنداعى تىگىن فابريكاسى» قۇرىلعان. 1973 جىلى وڭىردە اباي اتىنداعى اۋدان قۇرىلدى. 2008 جىلى كەنشىلەر استاناسىنداعى «شالقىما» كونتسەرت زالىنىڭ الدىندا اباي قۇنانباي ۇلىنا ەسكەرتكىش قويىلدى. سونىمەن قاتار وسى جىلى اباي اۋدانىنىڭ «اbai-aqiqat» گازەتى جارىققا شىعا باستادى. 1985 جىلى اقتوعاي اۋدانىنداعى اباي قۇنانباي ۇلى اۋىلىندا حاكىمگە ەسكەرتكىشى ورناتىلدى. 1997 جىلدان باستاپ اباي قالاسى اباي اۋدانىنىڭ ورتالىعى بولىپ قۇرىلدى.
بۇدان بولەك, وبلىستا كەمەڭگەر اقىن اتىنداعى كوپتەگەن نىسان بار. مىسالى, اباي قالاسىنىڭ باستى كوشەسىنە اباي ەسىمى بەرىلگەن. اباي اتىنداعى ادەبي-مەموريالدىق مۇراجاي بار. اباي قالاسىندا «اباي جانە كالينين» اتىنداعى شاحتا جۇمىس ىستەدى. اباي قالاسىندا اقىننىڭ ەسىمىمەن كوشە اتالدى. اقتوعاي اۋدانىندا اباي قۇنانباي ۇلى اتىندا اۋىل بار. اباي اۋدانىنداعى توپار اۋىلىندا ابايدىڭ ەسىمىن يەلەنگەن مەكتەپ بار. وبلىستاعى ساتباەۆ قالاسىندا اباي اتىنداعى №4 مەكتەپ-ليتسەي جۇمىس ىستەيدى. اباي قالاسىندا اباي اتىنداعى №5 مەكتەپ-گيمنازيا بار. شەت اۋدانىنىڭ جۇمىسكەر اۋىلىنداعى ورتا مەكتەپ اباي قۇنانباي ۇلى ەسىمىن يەلىك ەتكەن. اقتوعاي اۋدانىنداعى اباي اۋىلىندا اباي اتىنداعى نەگىزگى ورتا مەكتەپ بار. نۇرا اۋدانىنىڭ شۇباركول اۋىلىنداعى مەكتەپ تە اباي ەسىمىمەن اتالادى. قارقارالى اۋدانىنداعى اباي سەلولىق وكرۋگىنىڭ مەكتەبىنە قازاقتىڭ بەتكە ۇستار اقىنىنىڭ ەسىمى بەرىلگەن. 2019 جىلى قارقارالى قالاسىندا قۇنانباي قاجى مەن بالا ابايعا ەسكەرتكىش قويىلدى. ال كۇنى كەشە قاراعاندى كوشەلەرىنىڭ اتاۋلارىن اۋىستىرۋ جونىندەگى كوپشىلىك تىڭداۋدا قالا تۇرعىندارى وبلىس ورتالىعىنداعى لەنين كوشەسىن اباي ەسىمىمەن اتاۋعا ءبىر كىسىدەي داۋىس بەردى.
گۇلدانا جاركەەۆا,
ن.گوگول اتىنداعى وبلىستىق امبەباپ عىلىمي كىتاپحاناسى مەرزىمدى باسىلىمدار ءبولىمىنىڭ قىزمەتكەرى
قاراعاندى
