ەگەر ءبىز قازىرگى زاماندى ادامزات تاريحىنداعى جاڭا ءبىر كەزەڭ دەپ قاراستىرساق, ارينە مەملەكەتىمىزدى جاڭا بەلەستەرگە جەتكىزە الاتىن, جاڭاشا ويلاناتىن جاستاردى مەملەكەتتىك قىزمەتكە تارتۋ قاجەتتىگى تۋىندايدى.
سوندىقتان پرەزيدەنتتىك جاستار كادر رەزەرۆى باعدارلاماسىنىڭ ەڭ باستى ارتىقشىلىعى – قازاقستانداعى مەملەكەتتىك قىزمەتتى ۇتىمدى ترانسفورماتسيالاۋ. ياعني, مەملەكەتتىك قىزمەت قازىرگى زاماننىڭ سىن-تەگەۋرىندەردى ەسكەرىپ, يننوۆاتسيالىق امالداردى قولدانا وتىرىپ, ەلىمىزدى الەمنىڭ الدىڭعى قاتارلى مەملەكەتتەرى قاتارىنا ەنۋىن جۇزەگە اسىرۋى قاجەت. وسى تۇرعىدان العاندا, ەلىمىزدەگى العىر جاستاردىڭ باسىن بىرىكتىرۋ – بيىك ماقساتقا جەتۋ جولىنداعى العاشقى باسپالداق.
ىرىكتەۋ پروتسەسى كۇردەلى بولعانىنا قاراماستان, قىزىقتى ءوتتى دەپ ويلايمىن. العاشقى ەكى كەزەڭ تسيفرلى جانە ۆەربالدىق تەستىلەردەن قۇرالعان. ونداعى باستى ماقسات – ادامدارىڭ قىسقا ۋاقىت ىشىندە تاپسىرمانى ءتۇسىنىپ, بەرىلگەن تسيفرلى جانە باسقا اقپاراتتى تالداي الۋىن انىقتاۋ. ءۇشىنشى كەزەڭ ءۇش نەگىزگى ەلەمەنتتەن تۇردى: جوبانى تانىستىرۋ, ەسسە جازۋ جانە الەۋەتتى باعالاۋ. مەنىڭ جوبامدا قازاقستاننىڭ سۋ قاۋىپسىزدىگى ماسەلەلەرىنە ارنالعان شەشىمدەر قاراستىرىلعان. ەسسە جازۋ بارىسىندا ۇمىتكەرلەردىڭ اناليتيكالىق داعدىلارى باعالاندى.
الەۋەتتى باعالاۋ ءبىزدىڭ قانشالىقتى كوماندامەن جۇمىس ىستەي الۋىمىز, بەرىلگەن تاپسىرماعا سونى شەشىمدەر تابا الۋىمىز سياقتى قاسيەتتەرىمىزدى كورسەتتى. مەن ءۇشىن ەڭ قىزىق كەزەڭ – ەكسپەرتتىك كوميسسيامەن اڭگىمەلەسۋ. سول كەزەڭدە مەن يدەيالارىممەن ەگجەي-تەگجەيلى ءبولىسىپ, سۋ قاۋىپسىزدىگى ماسەلەلەرىن شەشۋ بويىنشا پىكىرىممەن بولىسۋگە مۇمكىندىك الدىم.
پرەزيدەنتتىك جاستار كادر رەزەرۆى باعدارلاماسى مەملەكەت باسشىسىنىڭ بىزگە ارتقان سەنىمى دەپ بىلەمىن. مەن ءۇشىن مۇنداي سەنىم – وتە جوعارى جاۋاپكەرشىلىك. سول سەبەپتى, العان ءبىلىمىمدى ەل يگىلىگىنە جاراتىپ, ءوز پايدامدى تيگىزە اكەلە الامىن دەگەن ۇمىتتەمىن. ەلىمىزدىڭ ەكولوگياسىن جاقسارتۋعا ءوز ۇلەسىمدى قوسا الاتىنىما سەنەمىن.
زۋلفيا سۇلەيمەنوۆا,
پرەزيدەنتتىك جاستار كادر رەزەرۆىنىڭ مۇشەسى
