بۇۇ دامۋ باعدارلاماسىنىڭ جانۋارلار الەمىن باسقارۋ جۇيەسى بويىنشا ساراپشىسى ايمان وماربەكوۆانىڭ ايتۋىنشا, اتالعان اڭنىڭ كامەراعا ەكى الانىمەن جۇرگەن ەنەسى تۇسكەن ەكەن. كۇشىكتەردىڭ جاسى – شامامەن 1,5 جىل. سيرەك كادردى بيىل قاڭتار ايىنىڭ باسىندا الماتى قورىعى مەن زوولوگيا ينستيتۋتىنىڭ ماماندارى الدى.
ەلىمىزدە قار بارىسى ايرىقشا قورعالاتىن تيان-شان, جەتىسۋ, تارباعاتاي, ساۋىر مەن التاي تاۋلارىندا مەكەندەيدى. بۇۇ دامۋ باعدارلاماسى بىلتىر قار بارىسىن باقىلاۋ مەن قورعاۋ ماقساتىندا الماتى تابيعي قورىعىنا 25 فوتوقۇرىلعى ساتىپ الىپ بەرىپتى. بۇل قۇرال جاھاندىق ەكولوگيالىق قور, بۇۇ دب جانە قازاقستان ۇكىمەتىنىڭ ورتاق جوباسى اياسىندا ساتىپ الىندى. قازىرگى ۋاقىتتا قار بارىسىن باقىلاۋ ءۇشىن 294 فوتوقۇرىلعى الماتى, شىعىس قازاقستان, جامبىل جانە تۇركىستان وبلىستارىنداعى ەرەكشە قورعالاتىن 13 اۋماققا قويىلدى. ال ەلىمىزدە بارىستىڭ جالپى سانى 130-140 شاماسىندا.
