وسى ورايدا ءبىلىم جانە عىلىم مينيسترلىگى جەرگىلىكتى اتقارۋشى ورگاندارمەن بىرلەسە وتىرىپ, اتالعان تاپسىرمانى ورىنداۋ اياسىنداعى شارالاردى قابىلدادى. ۆەدومستۆونىڭ ءباسپاسوز قىزمەتىنىڭ حابارلاۋىنشا, ەلىمىزدىڭ 30-دان استام جوعارى وقۋ ورنىنىڭ ستۋدەنتتەرىنە كوبەيتىلگەن شاكىرتاقى, سونداي-اق جەرگىلىكتى اتقارۋشى ورگاندار تاراپىنان كوللەدج ستۋدەنتتەرىنە ستيپەنديا تولەنە باستادى. وسىلايشا, جوعارى وقۋ ورنىنىڭ 179 مىڭ ستۋدەنتى مەن كوللەدجدەردىڭ 136 مىڭ ستۋدەنتىنىڭ شاكىرتاقى كولەمى ارتىپ وتىر.
ايتا كەتكەن ءجون, باكالاۆريات ستۋدەنتتەرىنىڭ ستيپەندياسى 20 949 تەڭگەدەن 26 186 تەڭگەگە دەيىن, ينتەرناتۋرا – 37 945 تەڭگەدەن 47 431 تەڭگەگە دەيىن, ماگيستراتۋرا – 53 530 تەڭگەدەن 66 913 تەڭگەگە دەيىن, دوكتورانتۋرا – 81 998 تەڭگەدەن 102 498 تەڭگەگە دەيىن ءوستى.
كوللەدج ستۋدەنتتەرىنىڭ ستيپەندياسى 16 759 تەڭگەدەن 20 948 تەڭگەگە ارتتى.
