2020 جىلى قازاقتىڭ ۇلى اقىنى اباي قۇنانباەۆتىڭ 175 جىلدىق مەرەيتويى اياسىنداعى مادەني ءىس-شارالار مەن «اباي الەمى جانە قازىرگى زامان» اتتى حالىقارالىق عىلىمي-تاجىريبەلىك كونفەرەنتسيادان بولەك وبلىس كولەمىندە بىرقاتار جۇمىستار اتقارىلماق.
بيىل سونىمەن قاتار ونەرسۇيەر قاۋىم ءپىر-بەكەت اتانىڭ 270 جىلدىعىنا وراي قالالىق اقىندار ءمۇشايراسى مەن اقتاۋ قالالىق «جىر-عۇمىر» اتتى كاسىبي جىرشى-تەرمەشىلەر بايقاۋىن تاماشالاي الادى.
قازاق حالقىنىڭ قۇندى جادىگەرى كيىز ءۇي تۇرلەرى, ونىڭ قۇرىلىمى, جاساۋشى شەبەرلەر تۋرالى دەرەكتەر جيناقتالىپ, «تىرشىلىك ءنارى, كونەنىڭ كوزى - ماڭعىستاۋ قۇدىقتارىن» زەرتتەۋ, ولاردىڭ ءتىزىمىن جاساقتاپ كارتاسىن دايىنداۋ, مەملەكەت قورعاۋىنا الۋ باعىتتارىندا كەشەندى ءىس-شارالار جاسالادى.
سونداي-اق وڭىرلىك ساراپتاۋ كەڭەسى توراعاسىنىڭ ورىنباسارى, ولكەتانۋشى القاجان ەدىلحانتەگىنىڭ ايتۋىنشا, قازاقستاندىق عالىمدار «اداي جىلقىسى» مارتەبەسىن الۋ ماقساتىندا وسى جىلدىڭ سوڭىنا دەيىن جۇمىلا جۇمىستانباقشى.
