ايماقتار • 23 قاڭتار، 2020

ماڭعىستاۋدا QR-Mangystau ءموبيلدى قوسىمشاسى جۇمىس ىستەيدى

152 رەتكورسەتىلدى

بۇل قوسىمشا ايماقتىڭ تاريحي-مادەني ەسكەرتكىشتەرى تۋرالى باياندايدى جانە ءوڭىردىڭ 49 كورىكتى جەرلەرىن بىرىكتىرەدى. ول بەكەت اتا، شاقپاق اتا مەشىتتەرى، وتپان تاۋ كەشەنى جانە باسقا دا QR كودتارى ورناتىلعان جەرلەر. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى مەملەكەتتىك تاريحي-مادەني قورىق ديرەكتورىنىڭ ورىنباسارى مارات وتەسىنوۆ ءمالىم ەتتى.

سمارتفوندى قولدانا وتىرىپ ساياحاتشىلار ءار ەسكەرتكىش تۋرالى تولىق اقپارات الا الادى. ءبىر ەرەكشەلىگى – اتالعان ءموبيلدى قوسىمشا ينتەرنەتسىز دە جۇمىس ىستەيدى. اقپارات ءۇش تىلدە ۇسىنىلادى: قازاق، ورىس جانە اعىلشىن.

سونىمەن قاتار وبلىستا «ماڭعىستاۋدىڭ كيەلى جەرلەرىنىڭ» ينتەراكتيۆتى كارتاسىن جاساقتادى. قازىرگى ۋاقىتتا ينتەراكتيۆتى كارتادا قازاقستاننىڭ قاسيەتتى جەرلەرىنىڭ ۇلتتىق جانە ايماقتىق تىزىمىنە ەنگەن 43 قاسيەتتى نىسان بار. ولاردىڭ ارقايسىنىڭ اقپاراتى بار (اڭىزدار، تاريح، فوتوسۋرەتتەر، ۆيدەو، 3D پانورامالار). ونىڭ بارلىعىن ينتەرنەتتىڭ كومەگىمەن الەمنىڭ كەز كەلگەن نۇكتەسىنەن كورۋگە بولادى.

بۇل - «رۋحاني جاڭعىرۋ» مەملەكەتتىك باعدارلاماسى اياسىندا وبلىستا اتقارىلىپ جاتقان اۋقىمدى جۇمىستاردىڭ از عانا بولىگى. جوعارىدا اتالعان جۇمىسپەن قاتار، 7 انيماتسيالىق بەينەجازبالار جاسالدى. ياعني، كورەرمەن كەز-كەلگەن ەسكەرتكىشتىڭ ىشىنە كىرىپ، ونىڭ قالاي تۇرعىزىلعانىن جانە قازىرگى كەزدەگى كورىنىسىن كورە الادى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار