پارلامەنت • 22 قاڭتار، 2020

سەناتورلار دارىلىك زاتتاردىڭ باعاسىن باقىلاۋداعى وزەكتى ماسەلەلەردى تالقىلادى

19 رەتكورسەتىلدى

پارلامەنت سەناتىندا الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى تەگىن مەديتسينالىق كومەكتىڭ كەپىلدى كولەمىن جانە مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا بىرىڭعاي ديستريبيۋتەر قىزمەتىن جۇزەگە اسىراتىن «سك-فارماتسيا» سەرىكتەستىگىنىڭ باسشىلىعىمەن كومپانيانىڭ جۇمىس تيىمدىلىگى ماسەلەلەرى بويىنشا كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

كەزدەسۋگە دەنساۋلىق ساقتاۋ، يندۋستريا جانە ينفراقۇرىلىمدىق دامۋ،  ساۋدا جانە ينتەگراتسيا مينيسترلىكتەرىنىڭ، نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ، «اتامەكەن» ۇلتتىق كاسىپكەرلەر پالاتاسىنىڭ، «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامىنىڭ، مەديتسينالىق مەكەمەلەر مەن ۇكىمەتتىك ەمەس ۇيىمداردىڭ باسشىلارى مەن وكىلدەرى قاتىستى.

الەۋمەتتىك-مادەني دامۋ جانە عىلىم كوميتەتىنىڭ حاتشىسى سەرىك بەكتۇرعانوۆ شارانى اشا كەلىپ، كەزدەسۋدىڭ نەگىزگى ماقساتى امبۋلاتوريالىق ەمدەۋ مەن اۋرۋحانالار ستاتسيونارلارىندا بولعان كەزدە حالىقتى ءدارى-دارمەكپەن قامتاماسىز ەتۋ ماسەلەلەرىن كەشەندى قاراۋ جانە 2018 جىلدىڭ جەلتوقسانىندا قابىلدانعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دارىلىك زاتتار مەن مەديتسينالىق بۇيىمداردىڭ اينالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ەرەجەلەرىن ىسكە اسىرۋ ەكەنىن اتاپ ءوتتى.

«مەملەكەت باسشىسى ق.توقاەۆ ءوزىنىڭ قازاقستان حالقىنا جولداۋىندا 2020 جىلدىڭ 1 قاڭتارىنان باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ىسكە قوسىلاتىنىن، بۇل رەتتە الداعى ءۇش جىلدا 2،8 ترلن تەڭگەدەن استام قاراجات بولىنەتىن تەگىن مەديتسينالىق كومەكتىڭ كەپىلدى كولەمى ساقتالاتىنىن اتاپ وتكەن بولاتىن. مىندەتتى الەۋمەتتىك مەديتسينالىق ساقتاندىرۋدى ەنگىزۋ مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋعا باعىتتالاتىن بولادى» دەدى سەناتور.

قاتىسۋشىلار الدىندا ءسوز العان دەنساۋلىق ساقتاۋ ءمينيسترىنىڭ ورىنباسارى ق.ءنادىروۆ ەلىمىزدىڭ ۇكىمەتى 2009 جىلدىڭ اقپان ايىندا ەلباسىنىڭ تاپسىرماسى بويىنشا ءدارى-دارمەكپەن جانە مەديتسينالىق بۇيىمدار ساتىپ الۋ جانە قامتاماسىز ەتۋ ءۇشىن بىرىڭعاي ديستريبۋتسيا جۇيەسىن قۇرۋ تۋرالى شەشىم قابىلداعانىن اتاپ ءوتتى. «2018 جىلدىڭ 1 قاڭتارىنان باستاپ حالىقتى امبۋلاتوريالىق ءدارى-دارمەكپەن قامتاماسىز ەتۋ ءۇشىن ءدارى-دارمەك پەن مەديتسينالىق بۇيىمدار ساتىپ الۋ ورتالىقتاندىرىلدى. زاڭنامانى جەتىلدىرۋ بويىنشا جۇمىستار جۇرگىزىلدى. قارجى مينيسترلىگىنىڭ پورتالىنداعى ەلەكتروندىق ساتىپ الۋدى ۇيىمداستىرۋ بولىگىنە ساتىپ الۋ ەرەجەسىنە وزگەرىستەر ەنگىزىلدى. بۇل شارالار ءدارى-دارمەكتىڭ باعاسىن بەكىتۋدىڭ جاڭا تاسىلدەرىمەن بىرگە باسەكە ورتاسىنىڭ جاقسارۋىنا جانە ايتارلىقتاي - 2018 جىلى ساتىپ الۋ كەزىندە 26،5 ملرد تەڭگەدەن استام ۇنەمدەۋگە اكەلدى. 2019 جىلعى ۇنەم 22،1 ميلليارد تەڭگەنى قۇرادى» دەدى ءمينيستردىڭ ورىنباسارى.

«سق-فارماتسيا» توراعاسىنىڭ مىندەتىن اتقارۋشى ب.ءشارىپ بايانداما جاسادى جانە ول سك-فارماتسيا ستاتسيونارلىق جانە امبۋلاتورلىق سەكتورداعى 2 مىڭعا جۋىق مەديتسينالىق ۇيىمداردى ءدارى-دارمەكپەن قامتاماسىز ەتەتىنىن اتاپ ءوتتى. بىرىڭعاي ديستريبيۋتوردىڭ ءوز قاراجاتى ەسەبىنەن جىل سايىن الەۋمەتتىك ماڭىزى بار اۋرۋلار بويىنشا دارىلىك زاتتار مەن مەديتسينالىق بۇيىمداردىڭ تومەندەتىلمەيتىن ستراتەگيالىق قورى جاسالدى.

ول 2020 جىلى ءمامس اياسىندا بىرىڭعاي ديستريبيۋتور جۇيەسىندە دارىلىك زاتتار مەن مەديتسينالىق بۇيىمداردىڭ تىزبەسى 1331-دەن 1385-كە دەيىن ۇلعايعانىن اتاپ ءوتتى. وسى ءتىزىم اياسىندا مەديتسينالىق ۇيىمدارعا 259،1 ملرد تەڭگە سوماسىنداعى  دارىلىك زاتتار مەن مەديتسينالىق بۇيىمدار قاجەت ەكەنى ايتىلدى.

«ۇزاق مەرزىمدى شارتتار اياسىندا جوسپارلانعان كولەمنىڭ 99%-ى ساتىپ الىندى. وتاندىق تاۋار وندىرۋشىلەرمەن 578 زاتقا (53،7 ملردتەڭگە) كەلىسىم-شارت جاسالدى، تىكەلەي كەلىسىم-شارتتار بويىنشا 74،1 ملرد تەڭگەگە 171 زات ساتىپ الىندى. قازىرگى ۋاقىتتا حالىقارالىق ۇيىمداردان 15 زات ساتىپ الىندى، ساتىپ الۋ بارىسىندا 7،1 ملرد تەڭگەگە تاعى 7 زات الىندى» دەدى «سك-فارماتسيا» وكىلى.

سەناتورلار كەزدەسۋ بارىسىندا دەنساۋلىق ساقتاۋ جۇيەسىندەگى وزەكتى ماسەلەلەر، اتاپ ايتقاندا، حالىقتى دارىلىك زاتتارمەن جانە مەديتسينالىق بۇيىمدارمەن قامتاماسىز ەتۋ، تەگىن ءدارى-دارمەكپەن قامتاماسىز ەتۋدىڭ قوسىمشا اقى تولەۋ جۇيەسىنە كوشۋى، دارىلىك زاتتاردى ىلگەرىلەتۋدەگى ەتيكالىق ماسەلەلەر ايتىلدى، سونداي-اق فارماتسەۆتيكا سالانىن دامىتۋ جانە وتاندىق تاۋار وندىرۋشىلەردى قولداۋ ماسەلەلەرى كوتەرىلدى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار