مادەني استانا مارتەبەسىن جوعارى دەڭگەيدە اتاپ ءوتۋ ءۇشىن قالا اكىمدىگىمەن نەگىزگى 6 باعىتتى قامتيتىن تاپسىرما-جوسپار بەكىتىلىپ, بۇگىندە ولارمەن ءتيىستى جۇمىستار باستالىپ كەتتى.
مادەني استانا جىلى تمد ەلدەرى مەن يۋنەسكو كولەمىندە اتالىپ وتىلەتىنىن ايتقان قالا باسشىسى وسى ارقىلى قازاق حالقىنىڭ سالت-ءداستۇرى مەن مادەنيەتىن الەمگە تانىتۋعا مۇمكىندىك مول ەكەنىن ايتىپ, ءىس-شارانى جوعارى دەڭگەيدە وتكىزۋ بويىنشا جاۋاپتى سالا جەتەكشىلەرىنە ناقتى بىرقاتار تاپسىرما جۇكتەدى.
تاپسىرما-جوسپاردا سالالىق باسقارمالارعا قۇرىلىس جانە كولىك ينفراقۇرىلىمى مەن تۋريستىك ينفراقۇرىلىمدى دامىتۋ, دەنساۋلىق ساقتاۋدى ۇيىمداستىرۋ جانە ەرىكتىلەردى تارتۋ باعىتىندا مەديتسينالىق پۋنكتتەردىڭ جۇمىسىن ۇيىمداستىرۋ, ينجەنەرلىك ينفراقۇرىلىمدى دامىتۋ, ءورت قاۋىپسىزدىگى جانە قۇقىقتىق ءتارتىپتى قامتاماسىز ەتۋ, سونىمەن قاتار, اقپاراتتىق قولجەتىمدىلىكتى قامتاماسىز ەتۋ مەن الەۋمەتتىك-مادەني قوعاممەن بايلانىس ءىس-شارالارىن وتكىزۋ باعىتى بويىنشا ناقتى مىندەتتەردى تاپسىردى.
