ۇكىمەت • 22 قاڭتار، 2020

ا. ساپاروۆ GFA Group GmbH كومپانياسىنىڭ وكىلدەرىمەن كەلىسسوزدەر جۇرگىزدى

20 رەتكورسەتىلدى

ايداربەك ساپاروۆتىڭ باسشىلىعىمەن قازاقستان دەلەگاتسياسى بەرليندە وتكەن «جاسىل اپتا 2020» (International Green Week 2020) حالىقارالىق ازىق-ت ۇلىك كورمەسىنىڭ اشىلۋ بارىسىندا «قازاقستان-گەرمان اگرارلىق-ساياسي ديالوگ» جوباسى شەڭبەرىندە گەرمانيا فەدەرالدى ازىق-ت ۇلىك جانە اۋىل شارۋاشىلىعى مينيسترلىگىنىڭ (BMEL) جانە GFA Group GmbH كومپانياسىنىڭ وكىلدەرىمەن كەلىسسوزدەر جۇرگىزدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

تاراپتار ەكى جاقتى كووپەراتسيالىق جوبانى جۇزەگە اسىرۋدى تالقىلادى. گەرمانيالىق سەرىكتەستەرگە نەگىزگى ءۇش باعىت ۇسىنىلدى: ورگانيكالىق اۋىل شارۋاشىلىعى، قارجى قۇرالدارى جانە اگرارلىق ساياساتتىڭ ستراتەگيالىق ماسەلەلەرى بويىنشا تاجىريبە جانە ءبىلىم الماسۋ جۇزەگە اسىرىلاتىن بولادى.

ا.ساپاروۆ ارىپتەستەرىنە كوپجىلدىق تىعىز ىنتىماقتاستىعى ءۇشىن العىسىن ءبىلدىرىپ، قازاقستاندىق تاراپتىڭ اۋىل شارۋاشىلىعى سالاسىنداعى، اسىرەسە يمپورت الماستىرۋ ماسەلەلەرىمەن بايلانىستى باعىتتار بويىنشا مەملەكەتارالىق قارىم-قاتىناستاردى ودان ءارى دامىتۋعا دايىندىعى تۋرالى مالىمدەدى.

ءوز كەزەگىندە ۇكىمەت ينسپەكتورى، BMEL وكىلى نادين كونلە دە قازاقستاندىق ارىپتەستەرىنە جان-جاقتى قولداۋ كورسەتۋگە دايىن ەكەنىن ايتتى. سونىمەن قاتار، ول قازاقستاندا نەمىس ماماندارىنىڭ قاتىسۋىمەن ەكى ماڭىزدى جوبا تابىستى جۇزەگە اسىرىلىپ جاتقانىن ەسكە سالدى.

ء«بىز بىرلەسكەن ىنتىماقتاستىقتى قولدايمىز جانە ءبىر ۇلكەن قازاق-نەمىس كومانداسى رەتىندە جۇمىس ىستەيمىز. ەگەر سىزدە بالىق ءوسىرۋ، ساندىق جابدىقتاۋ ماسەلەلەرى بويىنشا كەڭەس بەرۋ قاجەتتىلىگى تۋىنداسا، ءبىز كومەك كورسەتۋگە دايىنبىز»، - دەپ اتاپ ءوتتى ول.

سونىمەن قاتار نادين كونلە قۇرامىنا بىلىكتى ماماندار كىرەتىن جۇمىس توپتارىن قۇرۋدى ۇسىندى. ايداربەك ساپاروۆ بۇل باستامانى قولداپ، جۇمىس توبىنىڭ مۇشەلەرىن قابىلداپ، ولارمەن قازاقستاننىڭ اۋىل شارۋاشىلىعى سالاسىنىڭ وزەكتى ماسەلەلەرىن تالقىلاۋعا دايىن ەكەندىگىن جەتكىزدى.

ەستەرىڭىزگە سالا كەتەيىك، 2019 جىلعى 5-6 جەلتوقساندا پرەزيدەنت قاسىم-جومارت توقاەۆتىڭ گەرمانيا فەدەراتيۆتىك رەسپۋبليكاسىنا رەسمي ساپارى بولىپ ءوتتى. ساپار بارىسىندا مەملەكەت باسشىسى گەرمانيالىق ءىرى كومپانيالاردىڭ، ونىڭ ىشىندە CLAAS جانە BAUMANN باسشىلارىمەن كەزدەستى.

وسى كەزدەسۋلەر بارىسىندا اۋىل شارۋاشىلىق ءمينيسترى ساپارحان وماروۆ قازاقستان مەن گەرمانيا اۋىل شارۋاشىلىعى مينيسترلىكتەرىنىڭ «قازاقستان-گەرمان اگرارلىق-ساياسي ديالوگ» ەكىجاقتى كووپەراتسيالىق جوباسى اياسىندا ىنتىماقتاستىقتى ودان ءارى دامىتۋ جانە تەرەڭدەتۋ تۋرالى بىرلەسكەن مالىمدەمەسىنە قول قويدى.

سوڭعى جاڭالىقتار

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇقساس جاڭالىقتار