ايماقتار • 22 قاڭتار، 2020

شقو-دا قار كوشكىنى ءجۇردى

47 رەتكورسەتىلدى

وسكەمەن-التاي تاس جولىنىڭ 64-شاقىرىمىندا قار كوشكىنى ءجۇردى. بۇل تۋرالى شقو تجد ءباسپاسوز قىزمەتى حابارلادى.

وبلىستىق توتەنشە جاعدايلار دەپارتامەنتىنىڭ حابارلاۋىنشا، التاي-وسكەمەن تاس جولىنىڭ 64-ءشى شاقىرىمىندا قار كوشكىنى جۇرگەن.

سالدارىنان ول جەردەگى جول بولىگىن جارتىلاي قار باسىپ قالدى. مامانداردىڭ ايتۋىنشا، جالپى 350 تەكشە مەتر قار تۇسكەن. قازىر جول مەكەمەسىنىڭ جۇمىسشىلارى مەن ارنايى تەحنيكا جۇمىلدىرىلىپ، قاردان تازارتۋ جۇمىستارى جۇرگىزىلىپ جاتىر.

ايتا كەتۋ كەرەك، قۇتقارۋشىلار بۇعان دەيىن وڭىردە قار كوشكىنى قاۋپى جوعارى ەكەندىگىن ەسكەرتىپ، تۇرعىنداردى ساق بولۋعا شاقىرعان.

سونداي-اق 23 قانتاردا شىعىس قازاقستان وبلىسىندا كەي جەرلەردە بۇرقاسىن، كوكتايعاق كۇتىلەدى. وڭتۇستىكتەن، وڭتۇستىك-باتىستان سوعاتىن جەلدىڭ كۇشى كەي جەرلەردە 15-20، ەكپىنى 23-28 م/س جەتەدى.

وسكەمەن قالاسىندا 23 قانتاردا بۇرقاسىن كۇتىلەدى. وڭتۇستىكتەن، وڭتۇستىك-باتىستان سوعاتىن جەلدىڭ ەكپىنى 15-20 م/س جەتەدى.

سەمەيدە 23 قانتاردا بۇرقاسىن كۇتىلەدى. وڭتۇستىكتەن، وڭتۇستىك-باتىستان سوعاتىن جەلدىڭ ەكپىنى 15-20 م/س جەتەدى.

سوڭعى جاڭالىقتار

ۇقساس جاڭالىقتار