قوعام • 22 قاڭتار، 2020

بالالىق شاقتىڭ كورمەسى

11 رەتكورسەتىلدى

سۋرەتشى-گرافيك، كوركەمدەۋشى كۇلاش تورەباەۆانىڭ ەسىمى بۇگىندە الىس-جاقىن شەتەلدەرگە ءمالىم. ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ «ساۋلەت جانە ديزاين» كافەدراسىندا ستۋدەنتتەرگە ءتالىم بەرىپ جۇرگەن شىعارماشىل تۇلعا سۋرەت سالۋعا بالا كەزىنەن ىنتىق بولعانىن ايتادى.

اباي اتىنداعى قازاق پەداگوگيكالىق ينستيتۋتىنىڭ كوركەم-گرافيكالىق ونەر فاكۋلتەتىن، س.گ.ستروگانوۆ اتىنداعى ماسكەۋ مەملەكەتتىك كوركەم-ونەركاسىپ اكادەمياسىن بىتىرگەن كاسىبي مامان بەينەلەۋ ونەرىنىڭ ۆ.ي. انتوششەنكو-ولەنەۆ سىندى شەبەرلەرىنەن ءتالىم العان.

جاقىندا مەملەكەتتىك ورتالىق مۋزەيدە وتكەن «بالالىق شاقتىڭ ساتتەرى» تاقىرىبىنا ارنالعان كورمەدە كۇلاش تورەباەۆانىڭ ءارتۇرلى جانرداعى «اجەم  ايتتى»، «ۇلكەن اجە»، «ناۋرىز. قوناقتا»، ت.ب. سۋرەتتەر توپتاسى قويىلدى. كۇلاش تورەباەۆانىڭ شىعارماشىلىعىندا ەتنوگرافيالىق تاقىرىپتاردىڭ ورنى بولەك. سۋرەتشىنىڭ جۇمىستارى «قازاقستان رەسپۋبليكاسىنىڭ تاۋەلسىزدىگىنىڭ 20 جىلدىعىنا ارنالعان كونكۋرستىق شىعارمالار» جانە «مەرەيتوي پاليتراسى» جيناعىنا ەنگەن. ك.تورەباەۆا شىعارماشىلىعىنىڭ تاعى ءبىر قىرى قابىرعالاردى سۋرەتتەۋ، ۆيتراجدار جاساۋ، ۇلتتىق كادەسىيلاردى ازىرلەۋمەن ايشىقتالادى. سۋرەتشىنىڭ سونداي-اق زاماناۋي باعىتتاعى شەبەرلىك-ساباقتارى ۇلكەن سۇرانىسقا يە.

1

كورمەنىڭ تاعى ءبىر ەرەكشەلىگى مۇندا كۇلاش تورەباەۆانىڭ قىزى جاننانىڭ تۋىندىلارى ونەر زالىنان ورىن الدى. بالالىق شاعىنان شىعارماشىلىق ورتادا وسكەن جاس دارىن يەسىنىڭ اينالاعا دەگەن نازىك ءارى كوركەم تالعامى اناسىنان دارىعان. ت.جۇرگەنوۆ اتىنداعى «گرافيكالىق ديزاين» فاكۋلتەتىندە ءبىلىم العان جاننا ونەرگە ىنتالى جانداردى «اراپوۆانىڭ ديزاين-ستۋدياسىندا» سۋرەت الەمىنىڭ ەرەكشەلىكتەرىن مەڭگەرۋگە باۋلىسا، قازىرگى كەزدە شىعارماشىلىعىن تۇركيادا جالعاستىرۋدا. كەسكىندەمە، گرافيكا، ۆيتراج جانە قابىرعا سۋرەتتەرىن سالۋمەن اينالىساتىن سۋرەتشى قالالىق، رەسپۋبليكالىق جانە حالىقارالىق كورمەلەردىڭ تۇراقتى قاتىسۋشىسى.

بۇگىندە ەڭبەكتەرى ەلىمىزبەن قاتار رەسەي، تۇركيا، يزرايل جانە اقش-تىڭ جەكە كوللەكتسيالارىندا ورنالاسقان سۋرەتشىلەردىڭ شىعارماشىلىعىنا ارنالعان كورمەنى كاسىبي ماماندار جوعارى باعالاسا، بوياۋلار الەمىندەگى ادەمى كورىنىستى  قالا تۇرعىندارى اسقان سۇيىسپەنشىلىكپەن قابىلدادى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار