ايماقتار • 22 قاڭتار، 2020

بارلاۋشىلار اراسىندا وقۋ-جاتتىعۋ ءوتىپ جاتىر

34 رەتكورسەتىلدى

بارلاۋشىلار اتىراۋ، اقتوبە جانە ماڭعىستاۋ وبلىستارىنداعى 4 پوليگوندا جاۋىنگەرلىك دايارلىعىن ارتتىرىپ جاتىر. بۇل جايىندا قولباسشىلىقتىڭ ءباسپاسوز قىزمەتى حابارلادى.

دالالىق شىعۋ تۇراقتى ورىننان جورىققا شىعۋدان باستالدى. اسكەري قىزمەتشىلەر جاۋىنگەرلىك مىندەتتەرىن ورىنداۋعا «قاراباتان»، «بەكەت اتا»، «ويماشا» جانە «ەسەت باتىر» پوليگوندارىنا شىقتى. قاشىقتىقتىڭ جارتىسىن تەحنيكامەن وتسە، قالعانىن - تولىق جابدىق پەن كيىم-كەشەكتە ءجۇرىپ ءوتتى.

كومانديرلەر ءبارىن ويلاستىرعان. مارش كەزىندە بارلاۋشىلاردى قۇرىلعان توسقاۋىل مەن زاقىمدالعان ايماق سەكىلدى سىناقتار كۇتىپ تۇردى. باستى ماقسات – اسكەري بارلاۋشىلارعا بوساڭسىتپاۋ، شىدامدىلىق مەن باتىلدىقتارىن تەكسەرۋ.

- دالالىق شىعۋ – بۇل جاس اسكەريلەرگە سۇراپىل پوليگوندىق جاعداي مەن العاشقى تاجىريبەلىك وقۋلار بولىپ تابىلاتىن جوسپارلى ءىس-شارا. ۇيرەنىپ قالعان اسكەريلەرگە جيىن وزدەرىنىڭ جاۋىنگەرلىك جانە دەنە دايىندىقتارىنىڭ دەڭگەيىن قالىپتا ۇستاۋعا كومەكتەسەدى. ال وفيتسەرلەر بولسا شەشىم قابىلداۋ، ماقساتتى ايقىنداۋ جانە ولاردىڭ ورىندالۋىن تالاپ ەتۋ سەكىلدى كوماندالىق داعدىلاردى جەتىلدىرەدى، - دەدى اسكەري ءبولىم كومانديرى، پودپولكوۆنيك ەسبولات نۇرەكەشەۆ.

تاجىريبە بارىسىندا قويىلعان مىندەتتەردى تولىققاندى ورىنداۋ ءۇشىن الدىن الا قۇرىلعان شاتىرلى لاگەر، شارۋاشىلىق جابدىقتالىم پۋنكتى، دالالىق اسحانا جۇمىس ىستەيدى، ال بارلاۋشىلار جورىق جاعدايدا ءومىر ءسۇرىپ جانە مىندەتتەرىمەن اينالىسادى.

ءۇش اپتا كەزىندە تاجىريبەلى وفيتسەر-نۇسقاۋشىلار مىڭداعان اسكەري بارلاۋشىمەن ءتۇرلى تاۋلىك ۋاقىتىندا قارۋ-جاراق، اسكەري جانە 100 ارنايى تەحنيكانى پايدالانا وتىرىپ، 100-دەن استام ساعات تاجىريبەلىك جانە تەوريالىق ساباقتارىن وتكىزەدى.

جيىن بارىسىندا اسكەري قىزمەتشىلەر بارلاۋ شولعىنداردىڭ قۇرامىندا شارتتى قارسىلاستىڭ بايلانىسىن ىستەن شىعارۋ، تورۋىلداۋ مەن شابۋىل جاساۋ تاكتيكاسى، بارلاۋ-ىزدەۋ جۇمىستارى مەن بارلاۋ، ناۆيگاتسيا، بايلانىس پەن باقىلاۋ جابدىقتارىنىڭ قازىرگى زامانعى تۇرلەرىمەن تانىستىرىلادى. ساباقتار بارىسىندا وق اتۋ دايارلىعىنىڭ جاڭا جاتتىعۋلارعا باستى نازار اۋدارىلادى.

- دالالىق شىعۋ جاعدايىندا ماتەريال جىلدام ءارى جاقسى ۇعىنۋعا بولادى. سونىمەن بىرگە، بىرگە قىزمەت اتقارعان كەزدە ءبىز ءبىر-ءبىرىمىزدى جاقسى تاني الامىز، باۋىرلاستىعىمىز ارتىپ، كىممەن بارلاۋعا شىعاتىنىمىزدى بىلەمىز، - دەپ بارلاۋ روتاسىنىڭ كومانديرى، كاپيتان قۋانىش ابۋتاليپوۆ اتاپ ءوتتى.

بارلاۋشىلاردىڭ دالالىق جيىنى بارلاۋ بولىمشەلەرىمەن باقىلاۋ ساباقتارى مەن تاكتيكالىق-ارنايى وقۋ-جاتتىعۋلار وتكىزۋىمەن اياقتالادى.

بارلاۋ بولىمشەسى – بۇل ءوزىن-ءوزى قامتاماسىز ەتەتىن توپ. جاۋىنگەرلىك تاپسىرمانى ورىنداۋ كەزىندە قارسىلاستىڭ تىلىندا بولا تۇرا بارلاۋشىلار وبەكتىلەردى مينالاۋدى، تانىس ەمەس جەردە كارتامەن جۇمىس ىستەۋدى، راديوستانسانى قۇرىپ جانە ءوز ادامدارىمەن بايلانىس ورناتۋدى، كەرەك جاعدايدا جارالانعان جولداسىنا العاشقى مەديتسينالىق كومەك كورسەتۋدى بىلۋلەرى كەرەك. سوندىقتان جيىن بارىسىندا تاكتيكالىق، ارنايى-تاكتيكالىق، وق اتۋ، ينجەنەرلىك دايارلىقتىڭ تاجىريبەلىك جانە باقىلاۋ جاتتىعۋلارى وتكىزىلەدى.

سوڭعى جاڭالىقتار

ۇقساس جاڭالىقتار