پارلامەنت • 22 قاڭتار، 2020

ءماجىلىس بىرقاتار راتيفيكاتسيالىق زاڭ جوباcىن ماقۇلدادى

24 رەتكورسەتىلدى

بۇگىن پالاتا سپيكەرى نۇرلان نىعماتۋليننىڭ توراعالىعىمەن ءماجىلىستىڭ كەزەكتى جالپى وتىرىسى ءوتىپ، دەپۋتاتتار برازيليامەن ادامداردى ۇستاپ بەرۋ، سونىمەن بىرگە، اتالعان ەلمەن قىلمىستىق ىستەر بويىنشا ءوزارا قۇقىقتىق كومەك تۋرالى شارتتاردى ماقۇلدادى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

العاشقى شارتتا ەكى ەلدىڭ قۇزىرەتتى ورگاندارىنىڭ ۇستاپ بەرۋ ماسەلەلەرى بويىنشا ءوزارا ءىس-قيمىل جاساۋ ماسەلەلەرى رەگلامەنتتەلەدى. قۇجاتتا ۇستاپ بەرۋ شارتتارى، ۇستاپ بەرۋدەن باس تارتۋ نەگىزدەرى، ءوز ازاماتىنا قاتىستى قىلمىستىق قۋدالاۋدى جۇزەگە اسىرۋ ءۇشىن قاجەتتى شارالاردى قولدانۋ تۋرالى، ادامدى ءۇشىنشى مەملەكەتكە ۇستاپ بەرۋ شارتتارى، ۇستاپ بەرىلەتىن ادام قۇقىقتارىنىڭ كەپىلدىكتەرى تولىق ايقىندالعان.

سونىمەن قاتار كۇزەتپەن قاماۋدا ۋاقىتشا ۇستاۋ، بەرۋدى جانە ۋاقىتشا ۇستاپ بەرۋدى كەيىنگە قالدىرۋ، ۇستاپ بەرىلگەن ادامدى ترانزيتتەۋ شارتتارى بەلگىلەنگەن. قوس مەملەكەتتىڭ ۇستاپ بەرۋ ماسەلەلەرىندە تىكەلەي ءوزارا ءىس-قيمىل جاسايتىن قۇزىرەتتى ورگاندارى كورسەتىلگەن. شىعىستار جانە ءوزارا ەسەپ ايىرىسۋ ءتارتىبى دە شارت بويىنشا ەسكەرىلگەن. ال كەلەسى شارتتا تاراپتار قىلمىستار ءۇشىن تەرگەپ-تەكسەرۋگە نەمەسە قىلمىستىق قۋدالاۋعا بايلانىستى قولدانىلاتىن كەز كەلگەن شارالاردى قوسا العاندا، قىلمىستىق ىستەرگە بايلانىستى ءوزارا قۇقىقتىق كومەك كورسەتەدى.

ەكى ەلدىڭ قۇزىرەتتى ورگاندارىنىڭ ءوزارا ءىس-قيمىل جاساۋ ماسەلەلەرى رەگلامەنتتەلەدى. قۇجاتتا كورسەتىلەتىن كومەكتىڭ تىزبەسى، كومەكتەن باس تارتۋ نەگىزدەرى، قۇپيالىلىق تۋرالى شارتتار جانە كومەك كورسەتۋ ارقىلى الىنعان مالىمەتتەر مەن دالەلدەمەلەردى پايدالانۋداعى شەكتەۋلەر، ەكى تاراپتىڭ اۋماعىندا دالەلدەمەلەر الۋ ەگجەي-تەگجەيلى ايقىندالعان.

سونداي-اق جالپى وتىرىستا تسيفرلىق تەحنولوگيالاردى رەتتەۋ ماسەلەلەرى بويىنشا، «2012 جىلعى 3 مامىردا ليۋكسەمبۋرگتە قول قويىلعان حاتتامامەن ەنگىزىلگەن وزگەرىستەردى ەسكەرە وتىرىپ، 2008 جىلعى 26 ماۋسىمدا استانادا قول قويىلعان قازاقستان رەسپۋبليكاسىنىڭ ۇكىمەتى مەن ليۋكسەمبۋرگ ۇلى گەرتسوگتىگىنىڭ ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسياعا تولىقتىرۋ ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوبالارىن جۇمىسقا الىندى. جانە ەاەو كەدەندىك اۋماعىنا اكەلىنگەن تاۋارلاردى قاداعالاپ وتىرۋ تەتىگى تۋرالى كەلىسىمدى راتيفيكاتسيالاۋ تۋرالى، ەاەو مەن قىتاي حالىق رەسپۋبليكاسىنىڭ كەدەندىك شەكارالارى ارقىلى وتكىزىلەتىن حالىقارالىق تاسىمالدىعى تاۋارلار مەن كولىك قۇرالدارى جونىندە اقپارات الماسۋ تۋرالى كەلىسىمدى راتيفيكاتسيالاۋ تۋرالى زاڭ جوبالارى بويىنشا قورىتىندى ازىرلەۋ مەرزىمى بەكىتىلدى.

جالپى وتىرىس سوڭىندا بىرقاتار دەپۋتاتتار قۇزىرەتتى ورگاندارعا دەپۋتاتتىق ساۋالدار جولدادى.

سوڭعى جاڭالىقتار

ۇقساس جاڭالىقتار