تالاپتى جەتەر مۇراتقا

– پرەزيدەنتتىك جاستار كادر رە­زەر­­ۆىنە مۇشەلىككە ءوتۋ ءۇشىن نەندەي سىننان ءوتتىڭىز؟

– Pkrezerv.kz سايتىندا پرە­زيدەنت­تىك جاستار كادر رەزەرۆىنە ءوتى­نىش قا­بىل­داناتىنىن ەستىگەن سوڭ، با­عىم­دى سىناپ كورۋگە بەل بايلادىم. تىر­كەلىپ، ءوتىنىش بەردىم. ءوتىنىش قا­بىل­دانعان سوڭ، قاتىسۋشى 5 ىرىكتەۋ كەزەڭىنەن ءوتۋى كەرەك ەكەن. العاشقى 4 كەزەڭ ونلاين-رەجىمدە جۇرگىزىلدى. كان­دي­داتتاردىڭ قابىلەتتەرىن تەستى­لەۋ، تەس­تىلەۋدى ۆەريفيكاتسيالاۋ، جوبالار­دى ۇسىنۋ جانە ەسسە جازۋ. جوبا ۇسىنۋ كەزەڭىن­دە ءوز سالامىز بويىنشا ءتۇيىنى تارقا­ماعان ماسەلەنىڭ وڭ شەشىمىن تابۋ جولىن قاراستىردىق. ال جوبام جەر­گىلىكتى قامتۋ ماسەلەسىنە قا­تىس­تى ەدى.

– قولعا العان جوباڭىز نەنى كوز­دەي­­دى؟

– ول كەزدە مۇناي جانە گاز اقپا­رات­تىق تالداۋ ورتالىعى باسشىسىنىڭ ورىنباسارى، ساراپشى بولدىم. ەستە­رىڭىزدە بولسا، بىلتىر قىر­كۇيەكتە پرەزيدەنت ق.توقاەۆ اتى­راۋ قالاسىنا جۇمىس ساپارىمەن كە­لىپ، ءىرى مەكەمەلەردىڭ جابدىق ساتىپ الۋ، جۇمىسقا قىزمەتكەرلەردى قا­بىلداۋ ىسىندەگى قازاقستاندىق كا­سىپ­كەرلەر مەن ازاماتتاردىڭ ۇلەسى كوپ بولۋىنا قاتىستى ماسەلە كوتەر­گەن بولاتىن. سول ساپارىندا مەم­لە­كەت باسشىسى تengizchevroil، «قار­اشى­عاناق پەترولەۋم» سىندى ءىرى كومپانيالاردىڭ باسشىلىق قىزمەتىندە قازاقستاندىق ازاماتتار بولۋى كەرەكتىگىن العا تارتتى. مىنە، پرەزيدەنتتىڭ وسى باستاماسىن جۇ­زە­گە اسىرۋعا قاتىستى جول كارتاسى ەسەبىندە جوبانى قولعا الدىم. ۇسىن­عان جوبام دا سول بولدى.

– ءوزىڭ تاڭداعان سالادا قول جەت­كىز­گەن تابىستارىڭنىڭ بىرىنە توق­تا­لىپ وتسەڭ.

– 2010 جىلى رەسەيدە مۇناي سالا­سىن­داعى كومپانيادا قىزمەت ەتتىم. كومپانيانىڭ سول كەزدەگى شەشىلمەي جۇرگەن ماسەلەسى – وندىرىلەتىن مۇناي­دىڭ ايلىق جوسپارىن شىعارۋ بولدى. مۇناي كولەمى دۇرىس ەسەپتەلمەگەن، كوپ نە بولماسا از بولعان جاعدايدا كومپانيا اۋقىمدى ايىپپۇل تولەۋگە ماج­بۇرلەنەتىن ەدى. كوپ جاعدايدا قولمەن ساناۋعا تۋرا كەلدى. سول كەزدە ءبىز ارنايى جۇمىس توبىن قۇرىپ، اقش، ۇلىبريتانيا، نيدەرلاند ەلدە­رىنەن كەلگەن جانە جەرگىلىكتى رەسەي­لىك ماماندارمەن بىرلەسە وتىرىپ، مۇناي كولەمىن ەسەپتەۋدىڭ تولىق تسيكلدى مو­دە­لىن جاساپ شىعاردىق. ناتي­جە­سىن­دە، كومپانيا 15 جىلدا العاش رەت ايىپپۇلدان ارىلعان بولاتىن.

– جاستار كادر رەزەرۆىنە مۇشە­لىك­كە وتكەن كەزدە قانداي سەزىمدە بول­دىڭىز؟

– ارينە قۋانىشىمدا شەك بول­مادى. قۋانىشپەن قاتار، ءوز مۇم­كىن­دىگىمە، قابىلەت-قارىمىما دەگەن سەنىم­دىلىك پايدا بولدى. جوعارىدا ايتقا­نىمداي، پرەزيدەنتتىك جاستار كادر رەزەرۆىنە مۇشەلىككە ءوتىنىش بەرگەن كەزدە مۇناي جانە گاز اقپاراتتىق تال­داۋ ورتالىعى باسشىسىنىڭ ورىنباسارى بولسام، ءۇش ايعا سوزىلعان ىرىك­تەۋ كەزەڭى بارىسىندا ەنەرگەتيكا مينيس­ترلىگىنە قاراستى جەر قويناۋىن پايدالانۋ دەپارتامەنتىنىڭ ديرەكتورى بولىپ تاعايىندالدىم. ال ەندى پرەزيدەنتتىك جاستار كادر رەزەرۆى قۇرا­مىنا قابىلدانعاننان كەيىن 17 قاڭ­تاردان باستاپ اتىراۋ وبلىسى اكى­مىنىڭ ورىنباسارى لاۋازىمىنا تا­عايىن­دالدىم.

– الداعى ماقساتىڭىز قانداي؟

– ەندىگى ارمان-مۇراتىم تۋعان حال­قىما ابىرويمەن قىزمەت ەتىپ، وزىمە ارتىلعان سەنىمدى اقتاي ءبىلۋ. بۇعان دەيىن جيعان تاجىريبەمدى، العان ءبىلىمىمدى ەل يگىلىگى جولىندا جۇمساۋعا با­رىمدى سالامىن.

– اڭگىمەڭىزگە راحمەت.

اڭگىمەلەسكەن

راۋان قابيدولدا،

«Egemen Qazaqstan»