اقمولا وبلىسىنىڭ سىبايلاس جەمقورلىققا قارسى قىزمەتىمەن بۇرىن «اقمولا وبلىسىنىڭ اۋىل شارۋاشىلىعى باسقارماسى» مم ەگىن شاۋارشىلىعى جانە استىق نارىعىن رەتتەۋ ءبولىمىنىڭ باسشىسى ە.ج.بەكتۇروۆقا قاتىستى سىبايلاس جەمقورلىق قىلمىسىن جاساعانى ءۇشىن تەرگەۋ جۇرگىزىلگەن.
ول «اگروفيرما جەر 888» جشس وكىلىنەن 2017-2021 جىلدارعا ارنالعان قر اگروونەركاسىپتىك كەشەنىن دامىتۋ مەملەكەتتىك باعدارلاماسى شەڭبەرىندە سۋبسيديا بەرۋ ماسەلەسىن وڭ شەشكەنى ءۇشىن 1 ملن تەڭگە كولەمىندە اقشا قاراجاتىن الداۋ جولىمەن يەمدەندى دەگەن كۇدىككە ىلىنگەن بولاتىن.
«اعىمداعى جىلدىڭ 20 قاڭتارىندا كوكشەتاۋ قالالىق سوتىنىڭ ۇكىمىمەن ە.ج.بەكتۇروۆ الاياقتىق جاساعانى ءۇشىن كىنالى دەپ تانىلىپ, وعان 3 ملن تەڭگە كولەمىندە ايىپپۇل سالىندى جانە مەملەكەتتىك قىزمەتتە لاۋازىم يەلەنۋ قۇقىعىنان ايىرىلدى» دەلىنگەن حابارلامادا.
