قوعام • 21 قاڭتار، 2020

ەۇۋ ستۋدەنتتەرى ءبىرىنشى بولىپ جوعارى شاكىرتاقى الدى

39 رەتكورسەتىلدى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى ءبىرىنشى بولىپ جوعارى شاكىرتاقى الدى. بۇل تۋرالى جوعارى وقۋ ورنىنىڭ ءباسپاسوز قىزمەتى حابارلادى.

 

قازاقستان پرەزيدەنتى قاسىم-جومارت توقاەۆ جاستار جىلىنىڭ جابىلۋ سالتاناتىندا 2020 جىلدىڭ قاڭتار ايىنان باستاپ ستۋدەنتتەرگە، ماگيسترانتتارعا جانە دوكتورانتتارعا شاكىرتاقىنىڭ 25% -عا ارتاتىنىن جاريالاعان بولاتىن.

ۋنيۆەرسيتەتتىڭ 14 677 ستۋدەنتى جاڭا جوعارىلاتىلعان تولەمدەردى ءبىرىنشى بولىپ الدى (سايكەسىنشە، باكالاۆرياتتا وقيتىن ستۋدەنتتەر سانى - 10 275، ماگيستراتۋرا - 2795، دوكتورانتۋرا - 997).

باكالاۆريات ستۋدەنتتەرىنە ارنالعان شاكىرتاقى 20 949 تەڭگەدەن 26 186 تەڭگەگە، ماگيسترلىك باعدارلامالار 53 530 تەڭگەدەن 66 913 تەڭگەگە، دوكتورانتۋرا 81 998 تەڭگەدەن 102 498 تەڭگەگە دەيىن ءوستى.

قازىرگى كۇنى ەۋرازيا ۇلتتىق ۋنيۆەرسيتەتىندە 20 مىڭداي ستۋدەنت وقىسا، ولاردىڭ 70 پايىزى مەملەكەتتىك ءبىلىم گرانتى يەگەرلەرى.

سونداي-اق، 2019 جىلدىڭ قىركۇيەك ايىنان باستاپ پروفەسسور-وقىتۋشىلار قۇرامىنىڭ جالاقىسى 50 پايىزدان جوعارى، ال عىلىمي كىتاپحانا قىزمەتكەرلەرىنىڭ جالاقىسى 20%-عا كوتەرىلگەنىن اتاپ وتكەن ءجون.

ال اكىمشىلىك جانە سالا قىزمەتكەرلەرىنىڭ جالاقىسىن بيىلعى جىلدىڭ 1 قاڭتارىنان 20%-عا ارتتىرۋ كوزدەلۋدە.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار