ايماقتار • 20 قاڭتار، 2020

وڭداسىن ورازالين «Nur Otan» پارتياسىندا تۇرعىندارمەن قوعامدىق قابىلداۋ وتكىزدى

36 رەتكورسەتىلدى

وتكەن جۇمادا اقتوبە وبلىسىنىڭ اكىمى وڭداسىن ورازالين ازاماتتاردى قابىلداپ، ماسەلەلەرىن تىڭدادى.

اقتوبە قالاسىنىڭ تۇرعىنى 2-توپتاعى مۇگەدەك مايرا ەلماعامبەتوۆا  تۇرعىن ءۇي كەزەگىنىڭ  جىلجىمايتىنىن ايتىپ شاعىمداندى. ءۇي كەزەگىندە 2009 جىلدان باستاپ تۇرعان اقتوبەلىك ازاماتقا باسپانا  كەزەگى بويىنشا ءۇي  2021 جىلى بەرىلەتىندىگى ءتۇسىندىرىلدى. «ارينە، مەن ءۇشىن وبلىستاعى باسپاناسىز جۇرگەن ءاربىر  ازاماتتىڭ ءۇيلى بولعانى، الەۋمەتتىك جاعدايىنىڭ دۇرىس بولعانى ماڭىزدى. دەگەنمەن زاڭ اياسىنان اتتاپ الدىڭىزدا كەزەكتە تۇرعان  ادامداردان وتە المايتىنىڭىز انىق. مۇگەدەك  ازاماتتار اراسىنداعى كەزەگىڭىز 173-ءى بولۋىنا بايلانىستى، باسپانا كەلەسى جىلى بەرىلەدى»،- دەپ اتاپ ءوتتى وڭداسىن ورازالين.

سونىمەن قاتار، وبلىس اكىمى «Nur Otan» پارتياسىنىڭ اقتوبە وبلىستىق فيليالى توراعاسىنىڭ ءبىرىنشى ورىنباسارى ەربول داناعۇلوۆ پەن  جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى بۇلبۇل وراققىزىنا مۇمكىندىگى شەكتەۋلى ازاماتقا كورسەتىلەتىن كومەك ءتۇرىن ارتتىرىپ، مەملەكەت تاراپىنان بارىنشا قولداۋ كورسەتۋدى تاپسىردى.

اقتوبە قالاسىنىڭ تۇرعىنى  جانبولاتبەك ماراتوۆ  ۇوس ارداگەرى اكەسىنە كوشە اتاۋىن بەرۋدى سۇرادى. تىلدەردى دامىتۋ باسقارماسىنىڭ باسشىسى كوشە اتتارىن بەرۋگە قاتىستى تالاپتاردىڭ ەرەجەسىن ءتۇسىندىردى.

مۇگەدەك بالا اسىراپ وتىرعان كوپبالالى اقتوبەلىك انا مايرا اليەۆا  ءوزىنىڭ جۇمىسسىز وتىرعانىن جانە جولداسىنىڭ جالاقىسى كۇن كورىسكە جەتپەيتىندىگىن ايتتى. سونداي-اق، 2013 جىلى تۋىلعان ۇلىنىڭ نەۆرولوگيالىق اۋرۋىنا بايلانىستى قۇجاتتار ازىرلەۋگە كومەك كورسەتۋدى سۇرادى. ءوڭىر باسشىسى ەكى  بىردەي مۇگەدەك بالالارى بار وتباسىعا تەز ارادا كومەك كورسەتۋ  كەرەكتىگىن ايتتى. سال اۋرۋىنا  شالدىققان قىزى قالاداعى وڭالتۋ ورتالىقتارىندا ەم الۋى،  جانە جولداسى مەن وزىنە جۇمىستار ۇسىنىلدى.

الداعى ۋاقىتتا اتالعان ۇسىنىستار مايرا اليەۆانى قاناعاتتاندىرسا ءبىر وتباسى جۇمىسپەن قامتىلىپ، اۋرۋ بالالارى ارنايى ورتالىقتاردا ەم الاتىن بولادى. قابىلداۋعا كەلگەن ايمان سەكسەنوۆا «Eco Network» جوباسىن ۇسىندى. كاسىپورىن قالدىقتارىن سۇرىپتاۋ مادەنيەتىن ەنگىزۋ تۋرالى ۇسىنىسىنا قولداۋ كورسەتۋدى سۇرادى. ال، كاسىپكەر حالى ۇلى ساعاندىقوۆ كونديتەرلىك فابريكاسىن قايتا قۇرۋعا كومەك سۇرادى.

ايماق باسشىسى وڭداسىن ورازالين قابىلداۋعا  جازىلعان 13 ازاماتتىڭ ماسەلەلەرىن مۇقيات تىڭداپ، بارلىعىنا تولىققاندى جاۋاپ بەردى. جانە قالا اكىمى ماۆر ابدۋللينگە، «Nur Otan» پارتياسىنىڭ اقتوبە وبلىستىق فيليالى توراعاسىنىڭ ءبىرىنشى ورىنباسارى ەربول داناعۇلوۆقا ازاماتتاردىڭ  ارىز-شاعىمدارى مەن ۇسىنىستارىنىڭ ورىندالۋىن قامتاماسىز ەتۋدى جانە جان- جاقتى زەردەلەۋدى تاپسىردى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار