ەكونوميكا • 21 قاڭتار، 2020

ساپالى ءبىلىم العان ستۋدەنت – سۇرانىسقا ساي مامان

16 رەتكورسەتىلدى

مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا ارناعان جولداۋىندا ءبىلىم بەرۋ سالاسىنىڭ بولاشاعىنا قاتىستى وزەكتى ماسەلە كوتەرىلگەن بولاتىن.

جەتىسۋ ولكەسىندەگى ەڭ ىرگەلى وقۋ ورنى رەتىندە ءبىز پرەزيدەنت جول­دا­ۋ­ىن­دا ايتىلعان ءبىلىم بەرۋ ساپاسىن جاقسارتۋ ماسەلەسىنە ايرىق­شا ءمان بەرۋدەمىز. جولداۋدىڭ «الەۋ­مەتتىك جاڭعىرۋدىڭ جاڭا كەزەڭى» بولىمىندە ءبىلىم سالاسىنىڭ بۇگىنگى جانە ەرتەڭگى الەۋەتى تالدانعان. الەۋمەتتىك سالا ەل دامۋىنا ىقپال ەتەتىن قوعامنىڭ ەڭ ۇلكەن بولشەگى. ال ءبىلىم بەرۋ سول الەۋ­مەتتىك سالانىڭ كۇرەتامىرى ىسپەت­تى. پرەزيدەنتتىڭ جوعارى وقۋ ورىن­دارىنا قاتىستى ايتقان سىن-ەسكەرتپەسىن ورىندى دەپ سانايمىن. بۇل رەتتە پرەزيدەنت: ء«وز تۇلەكتەرىن جۇمىسپەن قامتۋ جاعىنان ەلىمىزدەگى جوعارى وقۋ ورىندارىنىڭ جارتىسى عانا 60 پايىزدىق دەڭگەيگە قول جەتكىزىپ وتىر»، دەدى. تۇلەكتەردى جۇ­مىس­پەن قامتۋ سول وقۋ ورنىنداعى ءبىلىم ساپاسىنىڭ كورسەتكىشى ەكەنىن ەسكەرسەك، پرەزيدەنت كوتەرىپ وتىرعان ماسەلە وتە ماڭىزدى ءارى ەلىمىزدىڭ دامۋىنا تىكەلەي اسەر ەتەدى. ءبىلىم ساپاسىن ارتتىرۋ مەن تۇلەكتەردى جۇمىسپەن قامتۋ ماقساتىندا ءى.جانسۇگىروۆ اتىنداعى جەتىسۋ مەملەكەتتىك ۋني­ۆەر­سيتەتى كەشەندى جۇمىس اتقارىپ كەلەدى. الماتى وبلىسى اگرارلىق ايماق بولعاندىقتان، وڭىرگە قاجەتتى مامان­دىقتاردى زەردەلەپ، الداعى 4 جىلدا قانداي ماماندار دايارلاۋ قاجەت، قانداي ءبىلىم باعدارلامالارىنا باسىمدىق بەرۋ كەرەك ەكەنىن انىقتاپ، سول بويىنشا وقۋ باعدارلاماسىن جاساۋدى قولعا الدىق. سونىمەن قا­تار، جىل بويى وبلىستاعى بارلىق مەكەمەلەرمەن تىعىز بايلانىس جاساپ، بوس ورىنداردى انىقتايمىز. ول بويىنشا تۇلەكتەرگە ماعلۇمات بەرىپ، مەكەمە باسشىلارىمەن كەزدەسۋ ۇيىمداستىرامىز. ءوز بىلىمگەرلەرىن تۇراقتى جۇمىسپەن قامتۋ ماقساتىندا جەتىسۋ ۋنيۆەرسيتەتى جاڭا باستاما­نى قولعا الدى. بۇل باستاما بويىن­شا، ەگەر ستۋدەنت وندىرىستىك تاجىريبەدەن وتۋگە بارعان مەكەمەدە ءوزىنىڭ ءبىلىمى مەن قابىلەتىن دالەلدەپ، جۇمىسقا ورنالاسۋعا مۇمكىندىك تۋسا، بىلىمگەرگە سوڭعى كۋرستى قاشىقتىقتان وقۋعا مۇمكىندىك بەرەمىز. بۇل ءادىس ءوز كەزەگىندە، تۇلەكتى جۇمىسپەن قامتىپ قانا قويماي، ءوز كاسىبى بويىنشا تا­جىريبە جيناۋىنا جول اشادى. سونى­مەن قاتار ۋنيۆەرسيتەت «بوس ور­ىن­دار جارمەڭكەسىن» وتكىزۋ، كاسىپ­ورىن­­نىڭ سۇرانىسى بويىنشا مامان دايار­لاۋ، ۆاكانتتىق ورىندار بازاسىن قۇرۋ، «ديپلوممەن – اۋىلعا!» باعدارلاماسىنا قاتىسۋ ارقىلى تۇلەك­تەردى جۇمىسپەن قامتىپ كەلەدى. ماسەلەن، بىلتىر ۋنيۆەرسيتەتتى بىتىرگەن 781 تۇلەكتىڭ 78 پايىزى جۇمىسقا ورنالاسسا، بيىلعى كورسەتكىش ودان دا جوعارى بولىپ وتىر.

ءبىلىم سالاسىنداعى تاعى ءبىر وزەكتى ماسەلە – اۋىلدىق جەرلەردەگى بى­لىك­تى پەداگوگ كادرلاردىڭ تاپشى­لى­عى. ءبىزدىڭ ۋنيۆەرسيتەتتىڭ نەگىز­گى باعىتى – الماتى وبلىسى مەك­تەپ­تەرىنە مۇعالىمدەر دايارلاۋ. وبلىس مەكتەپتەرىنە قاجەتتى ءپان مۇعا­لىم­دە­رى­نىڭ مونيتورينگىن جۇرگىزە وتىرىپ، سول نەگىزدە پەداگوگ كادرلاردى ازىرلەۋ. بيىل پەداگوگيكالىق ماماندىقتار بويىنشا 654 تۇلەك باكالاۆر دارەجەسىن الدى. ولاردىڭ باسىم بولىگى جەتىسۋ ءوڭىرىنىڭ مەكتەپتەرىنە جۇمىسقا ورنالاستى. دەي تۇرعانمەن فيزيكا، ماتەماتيكا، ورىس ءتىلى، اعىلشىن ءتىلى مۇعالىمدەرى ءالى دە جەتىسپەي جاتىر. جولداۋدا كورسەتىلگەن «ديپلوممەن – اۋىلعا!» باعدارلاماسىنىڭ اياسىن كەڭەيتۋ بويىنشا دا جۇمىستى جاڭا دەڭگەيدە ۇيىمداستىرۋدى كوزدەپ وتىرمىز. سونداي-اق از قامتىلعان جانە كوپ بالالى وتباسىلاردى قولداۋ ماسەلەسىنە دە ەرەكشە كوڭىل اۋدارامىز. ماسەلەن، بيىل ۋنيۆەرسيتەتكە بارلىق گرانت ءتۇرىن قوسقاندا 456 ستۋ­دەنت وقۋعا ءتۇستى. ونىڭ ىشىندە رەس­پۋب­ليكا­لىق بيۋدجەت ەسەبىنەن 165 گرانت، جەر­گىلىكتى بيۋدجەت قاراجاتىنان 79 ءبىلىم بەرۋ گرانتى كوپ بالالى جانە از قام­تىلعان وتباسى بالالارىنا، جەتىم، جارتىلاي جەتىم، مۇگەدەك نەمەسە اتا-اناسى مۇگەدەك جاستارعا بەرىلدى. سونداي-اق جەرگىلىكتى بيۋدجەت ەسەبىنەن جال­پى كونكۋرس نەگىزىندە 74 ءبىلىم بەرۋ گران­تى ءبولىندى.

مەملەكەت باسشىسىنىڭ بيىلعى جولداۋىندا ايتىلعان «مەن ەل تاع­دى­رى­نا جانى اشيتىن ءاربىر ازاماتقا زور سەنىم ارتامىن» دەگەن ءسوزى ەلىمىزدىڭ ءار سالاسىندا تىزگىن ۇستاعان ازاماتتارعا زور جاۋاپكەرشىلىك ارتادى. ال ءبىلىم سالاسىنىڭ دامۋىنا نەگىز بولاتىن –  ساپالى مامان. سول سەبەپتى ەلىمىزدىڭ دامۋىنا ءار قىزمەتكەر سانالى تۇردە ۇلەس قوسۋى قاجەت.

 

قۋات بايمىرزاەۆ،

ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى، گەوگرافيا عىلىمدارىنىڭ دوكتورى، پروفەسسور

 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار