ساياسات • 21 قاڭتار، 2020

مەملەكەتتىك قىزمەت سالاسىنا تىڭ سەرپىن بەرەدى

23 رەتكورسەتىلدى

پرەزيدەنتتىڭ كادرلىق رەزەرۆى باعدارلاماسىنىڭ ءمانى ەرەكشە. بۇل باستاما جاستارعا دا، مەملەكەتكە دە قولايلى. ويتكەنى مەملەكەتتىك قىزمەتكە كەلگەن جاستار، جاڭا بۋىن جۇيەگە قانداي دا ءبىر جاڭالىق ەنگىزەتىنى بەلگىلى.

اسىرەسە جەكە سەكتور تۇرعىسى­نان العاندا تىڭ سەرپىن بەرمەك. ماسە­لەن كادرلىق رەزەرۆكە ەنگەن جاس­تار­دىڭ 30 پايىزعا جۋىعى جەكە سەك­توردا، حالىقارالىق كومپانيا­لاردا جۇمىس ىستەگەن نەمەسە ءالى كۇنگە دەيىن سوندا جۇمىس ىستەيدى. ال­­دا-جالدا ولار مەملەكەتتىك قىز­مەتكە كەلىپ جاتسا، تاجىريبەسى مەن بىلىكتىلىگىن ەلىمىزدىڭ ەرتەڭىنە جۇمساپ، حالقىمىزدىڭ بولاشاعى جولىندا تەر توكپەك.

ال جاستارعا كەلسەك، باعدارلا­مانىڭ ولارعا دا پايدالى ەكەنى انىق. ياعني ءبىز جەكە يدەيالارىمىزدى ۇسىنىپ، تاجىريبەمىزبەن بولىسۋگە زور مۇمكىندىك الدىق. سونداي-اق باستامانى «الەۋمەتتىك ليفت» رەتىندە دە قاراستىرۋعا بولادى. جوعارى لاۋازىمعا جەتۋ ءۇشىن مەملەكەتتىك قىزمەتتە ەڭبەك ءوتىلى قاجەت. ال كادرلىق رەزەرۆ ارقىلى بىردەن باسقارۋشىلىق لاۋازىمعا تاعايىندالۋعا جاعداي جاسالعان. وسى ارقىلى سالاعا قانداي دا ءبىر وزگەرىس ەنگىزۋگە مۇمكىندىك تۋادى. بۇل رەزەرۆكە ەنگەن جاستاردىڭ الداعى جۇمىس مانسابىنا وڭ ىقپال ەتەتىنى انىق.

پرەزيدەنتتىڭ كادرلىق رەزەر­ۆى­نە سىناق بارىسى التى كەزەڭنەن تۇردى. ونىڭ تورتەۋى ونلاين رە­جىمدە جۇرگىزىلدى. ەكەۋىندە ساراپ­شىلارمەن بەتپە-بەت كەزدەسىپ، اڭگىمەلەستىك. بۇل – بۇرىن-سوڭدى بولماعان تاجىريبە دەپ ويلايمىن. ويتكەنى مەملەكەتتىك باس­قارۋ اكادەمياسى، سونداي-اق Talantiz، SHL دەگەن دۇنيەجۇزىنە ءمالىم كومپانيالاردىڭ جيناعان ادىستەمەسىن پايدالانىپ، وسىنداي وبەكتيۆتى تۇردە باعالاۋ وتە ءتيىمدى بولعانى انىق. سىناق كە­زىن­دە مەن ءۇشىن SHL تاراپىنان ازىر­لەنگەن سۇراقتار وڭايعا سوقق­ان ­جوق. ويتكەنى ولارعا مۇقيات ازىر­لەنۋ قاجەت. سونىمەن قاتار ءبىر مينۋت ىشىندە سۇراققا جاۋاپ بەرۋ دە جەڭىل تاپسىرما ەمەس. الايدا وسىنداي قيىندىققا قاراماستان، ءبارىن ءساتتى تاپسىرىپ شىقتىم.

وتكەن اپتادا رەزەرۆكە ەنگەن جاستار مەملەكەت باسشىسى قاسىم-جومارت توقاەۆپەن كەز­دەستى. اتالعان جيىننان كوپ نارسە ءتۇيىپ شىقتىم. ماسەلەن پرە­زيدەنتىمىز «بۇگىنگى جاس بۋىننىڭ، سونىڭ ىشىندە سىزدەر دە بيلىككە كەلەتىن ۋاقىت الىس ەمەس. سىزدەر مەملەكەتتى باسقارۋ تىزگىنىن الۋعا دايىن بولىپ، ءتيىستى ءبىلىم مەن بىلىكتى مەڭگەرۋلەرىڭىز قاجەت. جاستارىمىز ەل دامۋىنىڭ جاڭا تاريحي كەزەڭىنە دايىن بولۋى كەرەك. ءبىلىم مەن بىلىك ورشىلدىك­تەن بيىك تۇرۋى ءتيىس. جاڭارۋ ۇدەرى­سى – ىشكى ساياساتتاعى باسىم باعىتتاردىڭ ءبىرى. كادر رەزەرۆىن جاساقتاۋ جۇمىستارى مۇنىمەن توقتاپ قالمايدى، جالعاسا بەرەدى. ونىڭ قاتارىنا ىنتالى جانە لايىقتى جاستار كىرەدى. الداعى كەزەڭدە ءححى عاسىردىڭ تابىس­تى مەملەكەتىن قۇرۋعا دايىن كاسىپ­كەرلەردىڭ، عالىمداردىڭ، مادەنيەت قايراتكەرلەرىنىڭ، يننو­ۆاتورلاردىڭ جانە باسقا دا تالانتتى جاستاردىڭ جاڭا بۋىنىنا بەلسەندى قولداۋ كورسەتەمىز. ءتۇر­لى سالاعا جاۋاپكەرشىلىكتى الۋدان، قالىپتان تىس جانە ءتيىمدى شە­شىمدەر قابىلداۋدان قورىق­پايتىن جاڭا فورماتسياداعى باس­قار­ۋشىلار توبى قاجەت»، دەدى.

مەملەكەت باسشىسىنىڭ سوزىنەن تۇيگەنىم، پرەزيدەنتتىڭ كادرلىق رە­زەرۆى جوباسى ءبىر رەتتىك قانا ج­وبا ەمەس. جالپى بۇكىل ساياسي جۇ­يەنى، مەملەكەتتىك قىزمەتتى وز­گەر­­ت­ەتىن جوبالاردىڭ لەگى عانا. ون­­داي وزگەرىستەر ءالى دە بولادى. بۇل – وزگەرىستەردىڭ باسى عانا. سون­­د­ىقتان وسىنداي وزگەرىستەردىڭ بول­­عانىن، رەفورمالار جاساۋدى قول­­داي­مىن. ويتكەنى رەزەرۆكە ەنگەن جاس­تاردىڭ ارقايسى ءوز سالا­لارىن­دا قانداي دا ءبىر يدەيالار مەن وز­گەرىستەر ەنگىزۋگە سەپتىگىن تيگىزەدى.

جالپى، زامانداستارىما ايتاتىن كەڭەسىم بار. وسىنداي «الەۋ­مەتتىك ءليفتى» سانالاتىن جوبا­لاردىڭ سانى جىلدان-جىلعا ارتىپ كەلەدى. ياعني جاستار­دا قازىرگى زاماندا وتە كوپ مۇمكىن­دىك بار. سولار­دى جىبەرىپ الماۋعا كەڭەس بە­رەمىن. كەز كەلگەن جوبا­عا قا­تى­سىپ، ءوز كۇشىڭىزدى سىناعى­ڭىز كەلسە، بىلىكتىلىگىڭىز بەن ءبىلى­مى­ڭىز­دى بايقاپ كورۋدى كوزدەسەڭىز، جوبا­لارعا مىندەتتى تۇردە قاتىسۋ كەرەك. مۇنداي قادام سىزگە جاقسى اسەر تيگىزەتىنى انىق. ءتىپتى ىرىكتەۋ­دەن وتە الماساڭىز دا، كوكجيەگىڭىز كەڭەيەدى.

مەملەكەت باسشىسى جاستارمەن كەزدەسۋىندە «ابايدىڭ «تولىق ادام» تۇجىرىمى ءومىرىمىزدىڭ كەز كەل­گەن سالاسىندا، مەملەكەتتى باس­قارۋ مەن ءبىلىم جۇيەسىندە، بيز­نەس پەن وتباسى ينستيتۋتتارىن­دا نەگىزگى تۇعىرعا اينالۋى كەرەك. مۇنىڭ ءبارى ينتەللەكتۋالدى ۇلت قالىپتاستىرۋ ءۇشىن قاجەت. اباي­دى ءوز زامانىنداعى ىسكەرلىك­تىڭ ۇيىت­قىسى دەۋگە بولادى. ءبىز ەلدىك مۇد­دەگە قاتىستى ءاربىر ىسىمىز­دە ۇلى اقىننىڭ ەڭبەكتەرىنە جۇگىنۋى­مىز كەرەك. بۇل – جاڭعىرۋ جولىن­داعى اسا ماڭىزدى قادام. حالقى­مىز، اسى­رەسە، جاس بۋىن ابايدىڭ سارا جو­لىن جالعاۋعا باسا ءمان بەرۋى ءتيىس» دەپ اتاپ كورسەتتى. ەن­دەشە، ادام كاپيتالىن دامىتۋعا ارنال­عان وسىنداي مۇمكىندىكتەردىڭ جاسالعانى وتە ماڭىزدى ءارى جاقسى ءۇردىس.

 

ولجاس ساكەنوۆ،

پرەزيدەنتتىك جاستار كادر رەزەرۆى مۇشەسى، BTS Education كومپانياسىنىڭ كونسۋلتانتى

 

 

 

سوڭعى جاڭالىقتار

ۇقساس جاڭالىقتار