قوعام • 21 قاڭتار، 2020

تالانتتى جاستارعا بەرىلگەن مۇمكىندىك

18 رەتكورسەتىلدى

پرەزيدەنت باستاماسى قازاقستاننىڭ تالانتتى جاستارى ءۇشىن ۇلكەن مۇمكىندىك بەرەدى. وسى جوباعا قاتىسۋ ارقىلى جاستار بىلىمدەرىمەن، تاجىريبەلەرىمەن ءوزارا باق سىنادى.

پرەزيدەنتتىك كادر رەزەرۆىنە وتۋگە 13 مىڭ جاس ءوتىنىم بەرسە، ونىڭ ىشىندە 7 مىڭ ادام بايقاۋعا قاتىسىپ، 300 ادام «جۇزدەن جۇيرىك، مىڭنان تۇلپار» شىقتى. رەزەرۆكە كىرگەن وسى 300 جاس الداعى ۋاقىت­تا ءوز الەۋەتىن كورسەتە وتىرىپ، ەلىمىزدىڭ قارقىندى دامۋى ءۇشىن ۇلەس قوسۋعا بىرەگەي مۇمكىندىك الدى. شىن مانىندە كادر رەزەرۆى جاستار ءۇشىن الەۋمەتتىك ليفتىگە اينالدى.

بايقاۋ وتە ءادىل ءارى تازا ءوتتى. باستاپقى 1-2-كەزەڭدەر كۇردەلى بولدى. جالپى بارلىق 7 كەزەڭنىڭ ءوز ەرەكشەلىكتەرى انىق بايقالىپ تۇردى. ماسەلەن اڭگىمەلەسۋ كەزىن­دەگى داۋىس بەرۋ تاجىريبەسىمەن العاش رەت تانىس بولدىم. شەتەلدە ءبىلىم السام دا مۇنداي اڭگىمەلەسۋ كەزىندەگى داۋىس بەرۋدىڭ سول ساتتە ونلاين ءوتۋىن ءبىرىنشى رەت كوردىم. اڭگىمەلەسۋ اياقتالعان كەزدە كوميسسيا مۇشەلەرى بىردەن باعالارىن بەرىپ، ناتيجەسى دايىن تۇردى. جالپى بايقاۋدىڭ ءاربىر كەزەڭى ۇلكەن دايىندىقتى قاجەت ەتتى. ياعني ءاربىر كانديداتقا ءبىلىمىن، تا­جى­ريبەسىن كورسەتۋگە بارلىق مۇم­كىندىك جاسالدى.

كونكۋرس ناتيجەسى شىققاننان كەيىن-اق رەزەرۆكە كىرگەن جاستار­عا مينيسترلىكتەردەن، جەرگىلىكتى اتقارۋشى ورگانداردان، «قازاقستان تەمىر جولى» سىندى ۇلتتىق كومپانيالاردان لاۋازىمدى قىزمەت ۇسىنعاندار بار. مۇنىڭ ءوزى جاس­تارعا مەملەكەتتىك قولداۋدىڭ بار ەكەندىگىن كورسەتەدى.

 

ەركەبۇلان بورانباەۆ،

پرەزيدەنتتىك جاستار كادر رەزەرۆى مۇشەسى،  يندۋستريا جانە ينفراقۇرىلىمدىق دامۋ مينيسترلىگى كوپجاقتى ينۆەستيتسيالىق ىنتىماقتاستىق باسقارماسىنىڭ باسشىسى

 

 

سوڭعى جاڭالىقتار

ۇقساس جاڭالىقتار