سىبايلاس جەمقورلىققا قارسى كۇرەستى مەم­لە­كەتتىك قىزمەت سالاسىنداعى زاڭسىزدىقتاردى اش­كە­رە­لەپ، جۇيەنى نيەتى بۇزىلعان شەنەۋنىكتەردەن تازالاۋ دا وڭاي شارۋا ەمەس. ول ءۇشىن ۇزاق زەرتتەۋ، ساراپتاۋمەن قاتار ار مەن زاڭ الدىنداعى جاۋاپكەرشىلىكتى سەزىنۋ العا شىعۋى ءتيىس. ايماقتارداعى جۇمىس بارى­سىندا سىبايلاس جەمقورلىققا قارسى كۇرەس اگەنت­تى­گىنىڭ قىزمەتكەرلەرى وسى ۇستانىمدى باسشىلىققا الا­دى. ناتيجەسىندە، شەنەۋنىكتەر اراسىنداعى زاڭ بۇزۋشىلىق فاكتىلەرى ءجيى انىقتالۋدا. ناقتى ايت­قان­دا، 2019 جىلى الماتى وبلىسىنىڭ سىبايلاس جەم­قورلىققا قارسى كۇرەس قىزمەتى 141 قىلمىسقا قا­تىسى بار دەرەك تىركەگەن ەكەن. ونىڭ ىشىندە 101 ءىس جەم­قورلىققا قاتىستى قوزعالعان. ياعني، سىبايلاس جەم­قورلىققا قاتىستى كۇدىككە ءىلىنۋ دەرەگى بار­لىق قى­لمىستىق ىستەردىڭ 71،6 پايىز قۇراپ وتىر. اتاپ ايتقاندا، وتكەن جىل بويى 81 پارا الۋ وقيعاسى اش­كەرەلەنىپ، قىزمەت بابىن اسىرا پاي­دا­لا­نۋدىڭ 11 دەرەگى انىقتالعان. ناتيجەسىندە، جەكەلەگەن تۇلعاعا قاتىستى 63 قىلمىستىق ءىس اشىلىپ، 43 ادام سوت­تالعان. جاۋاپقا تارتىلعان قىزمەتكەرلەر اراسىندا 6 وبلىستىق دەڭگەيدەگى باسشى، 5 ورتا سانات­تاعى لاۋازىمدى تۇلعا بار. بۇگىنگە دەيىن 87 ءىس سوتقا جىبەرىلىپتى. سونداي-اق شەنەۋنىكتەر تاراپىنان شاعىن جانە ورتا بيزنەس نىساندارىنا قىسىم جاساۋ ازايماي وتىرعان كورىنەدى. ءدال وسىنداي ماز­مۇن­داعى 17 شاعىم قابىلدانىپ، 13 لاۋازىم يەسى جاۋاپ­كەرشىلىككە تارتىلعان. 35 كاسىپكەردىڭ قۇقى قورعال­دى.

ايتپاقشى، وبلىستاعى سىبايلاس جەمقورلىق دەرەكتەرى ءجيى بايقالاتىن قىزمەتتەردىڭ كوشىن اكىمدىك قىزمەتكەرلەرى باستاپ تۇرعانى وكىنىشتى. وتكەن جىلدىڭ 11 ايىندا شەنەۋنىكتەردىڭ پارا الۋىنا قاتىستى 26 وقيعا انىقتالعان. جەر قا­تى­ناس­­تارى ءبولىمىنىڭ قىزمەتكەرلەرى دە اكىم­دىك وكىل­­دە­رىنەن قالىسپاپتى. ولارعا قاتىستى 2019 جىلدىڭ جەل­توقسان ايىنا دەيىن 12 دەرەك تىركەلگەن. ال جا­قىندا الماتى وبلىستىق دەپار­تا­مەنتىنىڭ ماماندارى جۇرگىزگەن زەرتتەۋ بويىنشا تال­دى­قور­عان قالاسى اكىمدىگىنىڭ تۇرعىن-ءۇي كوممۋنالدى شارۋا­شى­لىعى ءبولىمى جەمقورلىققا بەيىم ورتا رەتىندە باعالانعان. بۇل تۋرالى سىبايلاس جەم­قور­لىققا قارسى كۇرەس اگەنتتىگى الماتى وبلىستىق دەپار­تا­مەن­­تى باسشىسىنىڭ ءبىرىنشى ورىنباسارى جاندوس جۇما­باەۆ مالىمدەدى.

– مەملەكەتتىك قىزمەتكەرلەر اراسىنداعى جەم­قور­لىق تاۋەكەلىن انىقتاۋ بويىنشا ارنايى مونيتورينگ جۇرگىزگەن بولاتىنبىز. ونىڭ ناتيجەسىنە ساراپ­تاما جاساعاندا بىرقاتار ماسەلە بارى بەلگىلى بولدى. تالدىقورعان قالاسى بويىنشا ايتار بولساق، تۇر­عىن-ءۇي كوممۋنالدى شارۋاشىلىعى ءبولىمىنىڭ جۇمى­سىنا جاسالعان زەرتتەۋ بۇل ورتاداداعى جەم­قور­لىق تاۋەكەلىنىڭ 9 دەرەگىن انىقتادى، – دەيدى جاندوس جۇمابەكوۆ.

ساراپتاما ناتيجەسىندە تالدىقورعان قالالىق تۇرعىن-ءۇي كوممۋنالدى شارۋاشىلىعى ءبولىمى قىزمەتكەرلەرى تاراپىنان قۇقىق بۇزۋشىلىققا ءجيى جول بەرىلەتىندىگى ايقىندالعان ەكەن. ونىڭ ىشىندە باسپانا كەزەگىنە قاتىستى شاعىمدانۋشىلار كوپ. ءبولىم قىزمەتكەرلەرىنىڭ تۇرعىن ءۇي كەزەگىن زاڭسىز وز­گەرتۋ، مەملەكەتتىك تۇرعىن ءۇي قورىنان ءۇي الۋ ەرە­جەسىن ورەسكەل بۇزۋ، قاراپايىم تۇرعىنداردىڭ كە­پىل­دى قۇقىعىن اياقاستى ەتۋ، مەملەكەتتىك قىزمەت كور­سەتۋ تالابىنا سايكەس ارىز-شاعىمداردى قاراۋ ءتارتىبىن ساقتاماۋ سياقتى ايىپتارى كوزگە ۇرىپ تۇر ەكەن. ايتپاقشى، قازىر ارنايى ورگان قىزمەتكەرلەرى تۇرعىن ءۇي قورىنان بەرىلگەن قىز­مەت­تىك پاتەرلەردىڭ زاڭدىلىعىن دا تەكسەرۋگە كىرى­سىپ­تى. وعان كوممۋنالدىق مەنشىكتەگى پاتەرلەردە زاڭ­دى يەلەرىنىڭ قونىستانباعانى جانە ولاردىڭ كوم­­مەرتسيا­لىق ماقساتتا جالعا بەرىلەتىنى جايلى تۇر­عىندار تاراپىنان تۇسكەن ارىز-شاعىم نەگىز بو­لىپ وتىر ەكەن.

جالپى، جەتىسۋ وڭىرىندەگى شەنەۋنىكتەردىڭ جۇمى­سى­نا قاتىستى سىن باس پروكۋراتۋراعا قاراستى قۇقىق­تىق ستاتيستيكا جانە ارنايى ەسەپكە الۋ كو­مي­تەتى تاراپىنان دا ايتىلعان. وسى كوميتەتتىڭ الماتى وبلىسى بويىنشا باسقارماسى ماماندارى مالىمدەگەندەي، 2019 جىلدىڭ 9 ايىندا تۇرعىندارعا تيىسىنشە قىزمەت كورسەتۋ ەرەجەسىن بۇزعان 24 اكىمدىك مامانىنا قاتىستى قۇقىقتىق حاتتاما تولتىرىلعان. بۇل بويىنشا 40 مەملەكەتتىك قىزمەتشى تارتىپتىك جاۋاپكەرشىلىككە تارتىلعان. ال تۇرعىنداردىڭ مەملەكەتتىك قىزمەت الۋعا قاتىستى قۇقىعى باسپانا كەزەگى مەن جەر تەلىمىنە قاتىستى ءجيى بۇزىلادى ەكەن. بىلتىر وبلىس تۇرعىندارىنان ارناۋلى قىزمەت الۋعا قاتىستى 70 مىڭنان استام ءوتىنىش تۇسسە، ونىڭ ىشىنەن 174 ءوتىنىشتىڭ قارالۋ مەرزىمى مەن ورىندالۋىنا قاتىستى شەشىم شىعارىلۋى قاساقانا شەگەرىلىپ، ۋاقىتىن سوزۋ دەرەگى انىقتالعان.

الماتى وبلىسى