الەم • 20 قاڭتار، 2020

بيىل «قارالى قاڭتار» وقيعاسىنا 30 جىل تولدى

926 رەتكورسەتىلدى

وسىدان 30 جىل بۇرىن، 1990 جىلدىڭ 19-نان 20-قاڭتارىنا قاراعان ءتۇنى، كسرو باسشىلىعىنىڭ نۇسقاۋى بويىنشا باكۋگە اسكەرلەر جىبەرىلىپ، بەيبىت تۇرعىندارعا وق اتىلدى. سالدارىنان 134 بەيبىت تۇرعىن قازا تاۋىپ، 700-دەن استام ادام جاراقات الدى. 

اسكەرلەر ەنگىزىلگەننەن كەيىن وپپوزيتسيانىڭ بەلسەندى مۇشەلەرىنە قارسى رەپرەسسيا باستالدى. الايدا، سوعان قاراماستان، 22 قاڭتاردا 1 ميلليونعا جۋىق ادام اسكەري ارەكەتتىڭ قۇرباندارىمەن قوشتاسۋعا قاتىستى. بۇل وقيعالار ءازىربايجان تاريحىنا «قارالى قاڭتار» اتاۋىمەن ەندى.

وسى الماعايىپ قيىن كۇندەردە، ءتونىپ تۇرعان قاۋىپ-قاتەرگە قاراماستان، ازەربايجان حالقىنىڭ ۇلتتىق كوشباسشىسى گەيدار اليەۆ ماسكەۋدەگى ءازىربايجاننىڭ تۇراقتى وكىلدىگىندە بولىپ، ءباسپاسوز كونفەرەنتسياسىن ۇيىمداستىردى، وندا ول ازەربايجان حالقىنا قارسى جاسالعان قىلمىستار ءۇشىن كسرو باسشىلىعىنا نارازىلىق ءبىلدىردى.

سول قاندى وقيعالاردان كەيىن كوپتەگەن جىلدار وتسە دە، ءازىربايجان حالقى بۇل قورقىنىشتى ءتۇندى ءاردايىم ەسكە الادى. 20 قاڭتار كۇنتىزبەگە ۇلتتىق ازا تۇتۋ كۇنى رەتىندە ماڭگى جازىلدى.

كەڭەس اسكەرلەرىنىڭ 20 قاڭتار كۇنى باكۋ قالاسىندا جاساعان قىلمىسى ازەربايجان حالقىنا قارسى عانا ەمەس، كۇللى ادامزاتقا قارسى جاسالعان ارەكەت بولدى.

ايتا كەتەيىك، «20 قاڭتار» – ازەربايجان تاريحىندا قايعىلى كۇن بولۋمەن قاتار، ەرلىكتىڭ جىلناماسىنا ەنۋىمەن دە ەرەكشە. ازەربايجان حالقى قىسىمعا ۇشىراسا دا ءوزىنىڭ تاريحي ەرلىك داستۇرىنە ادال ەكەندىگىن، وتاننىڭ ازاتتىعى مەن تاۋەلسىزدىگى جولىندا ەڭ قيىن سىناقتارعا توتەپ بەرىپ، شەيىت بولۋعا دايىن ەكەنىن بۇكىل الەمگە پاش ەتتى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار