پارلامەنت • 20 قاڭتار، 2020

ماجىلىستە بالا قۇقىقتارىن قورعاۋ فۋنكتسيالارىن جۇزەگە اسىراتىن ۇيىمداردىڭ ماسەلەلەرى تالقىلاندى

40 رەت كورسەتىلدى

بۇگىن ماجىلىستە زاڭناما جانە سوت-قۇقىقتىق رەفورما كوميتەتى ۇلىبريتانيا ەلشىلىگى جانە قازاقستانداعى بۇۇ (يۋنيسەف) بالالار قورىنىڭ قولداۋىمەن مەملەكەتتىك ورگاندارى وكىلدەرىمەن ساراپتامالىق كەزدەسۋى ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

وندا قازاقستاندا قيىن ومىرلىك جاعدايعا تۇسكەن بالالار مەن وتباسىلار ءۇشىن كورسەتىلەتىن قىزمەتتەردى دامىتۋ سالاسىنداعى رەفورمالار جانە مەديتسينالىق-الەۋمەتتىك ەسەپتى ءساتتى جۇزەگە اسىرۋ بويىنشا پراكتيكالىق شارالار تالقىلاندى. زاڭ دەپۋتاتتارمەن ۇسىنىلعان جانە مەملەكەت باسشىسى 2019 جىلعى 1 ساۋىردە وعان قول قويعان.

زاڭ قىلمىستىق، قىلمىستىق-پروتسەستىك، ازاماتتىق پروتسەستىك كودەكستەرىنە، اكىمشىلىك قۇقىق بۇزۋشىلىقتار تۋرالى، حالىق دەنساۋلىعى مەن دەنساۋلىق ساقتاۋ جۇيەسى تۋرالى، نەكە جانە وتباسى تۋرالى كودەكستەرىنە تۇزەتۋلەر ەنگىزدى. بۇل زاڭ «مەديتسينالىق-الەۋمەتتىك ەسەپ» اتتى بالالاردى قورعاۋ جۇيەسىنىڭ جاڭا تەتىگىن بەكىتتى. ول قيىن ومىرلىك جاعدايداعى بالالارعا مەديتسينالىق، پسيحولوگيالىق، الەۋمەتتىك، بەيىمدەۋشىلىك جانە رەابيليتاتسيالىق كومەكتى كورسەتۋ ءۇشىن جەرگىلىكتى اتقارۋشى ورگاندارىمەن جۇرگىزىلەدى.

كەزدەسۋ بارىسىندا كوميتەت توراعاسى نۇرلان ءابدىروۆ بۇۇ (يۋنيسەف) بالالار قورىنا جانە ۇلىبريتانيا ەلشىلىگىنە زاڭ شىعارۋ بارىسىندا دەپۋتاتتارعا كورسەتىلەتىن كومەك ءۇشىن العىسىن ايتا وتىرىپ، زاڭنامانى جەتىلدىرۋدە ودان ءارى ىنتىماقتىستىققا ءۇمىتىن ءبىلدىردى. كوميتەت حاتشىسى سۆەتلانا بىچكوۆا زاڭدى جۇزەگە اسىرۋ مونيتورينگى بارىسىندا انىقتالعان جانە شەشۋگە ءتيىستى ماسەلەلەر تۋرالى حابارلادى.

كەزدەسۋ قاتىسۋشىلارى ارنايى الەۋمەتتىك قىزمەتتەردى كورسەتۋ سالاسىنداعى مامانداردىڭ ۇنەمى كاسىبي دايىندىعىن وقۋ ورىندارى نەمەسە ءار سالالىق مينيسترلىكتە وقىتۋ ارقىلى قامتاماسىز ەتۋ، كورسەتىلەتىن قىزمەتتەردىڭ ساپاسىنا مونيتورينگ جانە تەكسەرۋ تەتىكتەرىن ەنگىزۋ، ءاربىر مينيسترلىكتە الەۋمەتتىك قىزمەتتەر تۋرالى دەرەكتەردى باسقارۋ جۇيەسىن دامىتۋ ماڭىزدىلىعىن اتاپ ءوتتى.

سوڭعى جاڭالىقتار

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار