قوعام • 20 قاڭتار، 2020

Yessenov ۋنيۆەرسيتەتىندە «Service learning» ورتالىعى جۇمىس جۇرگىزۋدە

38 رەتكورسەتىلدى

Yessenov ۋنيۆەرسيتەتىندە بىلتىرعى وقۋ جىلىنان ءوز قىزمەتىن «قازاقستان حالقى اسسامبلەياسى» كافەدراسىنىڭ جانىنان باستاعان يننوۆاتسيالىق، وقۋ ادىستەمىلىك – «Service learning» (قوعامعا قىزمەت) ورتالىعى قازىرگى تاڭدا وبلىس بويىنشا اۋقىمدىق جۇمىستار جۇرگىزىلۋدە.

ش.ەسەنوۆ اتىنداعى كمتيۋ – كاسىپكەرلىك جانە الەۋمەتتىك جاۋاپتى ۋنيۆەرسيتەت دەپ ءوزىن پوزيتسيالايدى.

- ءبىزدىڭ ۋنيۆەرسيتەتتىڭ ەڭ باستى قۇندىلىقتارىنىڭ ءبىرى: اشىقتىق، ىقىلاستىلىق. كرەاتيۆتىلىك، ياعني قوعامدىق جاۋاپكەرشىلىك، قوعامعا قىزمەت ەتۋ بولىپ سانالادى. سوندىقتان 2018 جىلى 1 قىركۇيەكتەن باستاپ «Service learning» (قوعامعا قىزمەت) ورتالىعى قازاقستانداعى جوو اراسىندا العاشقىلاردىڭ ءبىرى بولىپ ۋنيۆەرسيتەتىمىزدىڭ وقۋ باعدارلاماسىنا ەنگىزىلگەن بولاتىن، - دەدى ۋنيۆەرسيتەتتىڭ «قوعامعا قىزمەت» ورتالىعىنىڭ ۇيلەستىرۋشىسى مىرجاقىپ باعدات ۇلى.

2019 جىلدىڭ ءساۋىر ايىندا پرەزيدەنت ق.ك. توقاەۆ ۋنيۆەرسيتەتكە كەلگەن ساپارىندا، «Service learning» ورتالىعىنىڭ قوعامنىڭ دامۋىنا، الەۋمەتتىك ماسەلەلەردى شەشۋدەگى ورنىنىڭ ماڭىزدىلىعىنا جوعارى باعا بەرگەن  بولاتىن. جوبانىڭ بەلسەندىلىگى 7 اپتاعا سوزىلادى. تاڭداعان جوبا الەۋمەتتىك قىزمەت سالاسىمەن، ياعني الەۋمەتتىك ۇيىمدارمەن بايلانىستى بولادى.

قازىرگى تاڭدا 150 دەن استام الەۋمەتتىك جوبالار جۇرگىزىلىپ، ۋنيۆەرسيتەت 23-تەن استام الەۋمەتتىك ۇيىمدارمەن، الەۋمەتتىك ينستيتۋتتارمەن قارىم-قاتىناس ورناتتى، قازىرگى تاڭدا اياسىن كەڭەيتۋ جۇمىستارى جونىندە بايلانىستار جۇرگىزىلىپ جاتىر.

«Service learning» ءپانى  - قازاقستان قوعامىنا تاڭداۋ جاعدايىندا ءوز بەتىنشە شەشىم قابىلدايتىن، ىنتىماقتاستىققا قابىلەتتى، ۇتقىر، نەگىزگى ۇستانىمىمەن ەرەكشەلەنەتىن، ەلدىڭ تاعدىرى ءۇشىن، ونىڭ الەۋمەتتىك ەكونوميكالىق وركەندەۋى ءۇشىن جاۋاپكەرشىلىك سەزىمىنە يە، باستاماشىل كاسىبي مامانداردىڭ شىعۋىنا ىقپالىن تيگىزەدى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار