ايماقتار • 20 قاڭتار، 2020

دوستىق ۇيلەرىندە ەرىكتىلەر قوزعالىسىنىڭ ورتالىقتارى اشىلدى

29 رەتكورسەتىلدى

رەسپۋبليكا بويىنشا دوستىق ۇيلەرىنىڭ بازاسىندا قازاقستان حالقى اسسامبلەياسىنىڭ ۆولونتەرلەر قوزعالىسىنىڭ ورتالىقتارى اشىلدى.

ورتالىقتار قىزمەتىنىڭ بىرىڭعاي فورماتىن ۇيىمداستىرۋ ماقساتىندا 2020 جىلى 4 باعىت بويىنشا ءتيىستى تۇجىرىمداما ازىرلەندى: الەۋمەتتىك، ءبىلىم بەرۋ، سپورت جانە مەدياتسيا. وسىعان بايلانىستى، وبلىسىمىزدا اعىمداعى جىلدىڭ 24 قاڭتاردا ۆولونتەرلىك قىزمەتتىڭ ماقساتتارى مەن مىندەتتەرىن تۇسىندىرە وتىرىپ، قازاقستان حالقى اسسامبلەياسى عيماراتىندا ورتالىقتىڭ اشىلۋىنا بايلانىستى اشىق ەسىك كۇنىن وتكىزۋدى جوسپارلاۋدا. سونىمەن قاتار، ۆولونتەرلەر جىلى اياسىندا وتكىزىلەتىن ءىس-شارالار اسسامبلەيانىڭ 25 جىلدىعىمەن يدەيالىق ۇشتاستىرىلۋى جانە قازاقستاندىق قوعامدا بىرلىك پەن كەلىسىمدى ودان ءارى نىعايتۋعا باعىتتالۋى ءتيىس ەكەنىن ەسكەرۋىمىز قاجەت.

قحا ۆولونتەرلىك قوزعالىسىنىڭ نەگىزگى باعىتتارىنا تولىعىراق توقتالىپ وتەتىن بولساق، ولار -

1) «بىرلىك» – الەۋمەتتىك (الەۋمەتتىك باعدارلامالار اياسىنداعى قوعامدىق-بۇقارالىق ءىس-شارالار ۇيىمداستىرۋ جانە قاتىسۋ، مۇقتاجدارعا، مۇمكىندىگى شەكتەۋلى ادامدارعا كومەك كورسەتۋ، دۇلەي ءزىلزالالار مەن اپاتتاردىڭ قۇرباندارىنا كومەك كورسەتۋ، تاريحي رۋحاني جانە ساۋلەتتىك قۇندىلىقتاردى جانە ت.ب. قورعاۋ جانە قالپىنا كەلتىرۋ);

2) ء«بىلىم» – ءبىلىم بەرۋ ء(تۇرلى پاندەر بويىنشا تەگىن ساباقتار ۇيىمداستىرۋ، دوستىق ۇيلەرىندە تىلدەردى وقىتۋ، جەتەكشى مامانداردان بيزنەس ترەنينگتەر، تسيفرلىق ساۋاتتىلىق داعدىلارى، وقۋشىلاردى كاسىبي باعدارلاۋ بويىنشا جۇمىس، جوعارى وقۋ ورىندارىنا ءتۇسۋ كەزىندە ءبىرىنشى كۋرس تالاپكەرلەرىنە كومەك كورسەتۋ، تالىمگەرلىك ينستيتۋتىن پوپۋلياريزاتسيالاۋ جانە ت.ب.);

3) «تاربيە» – سپورتتىق (ازاماتتىق ۇستانىمدى قالىپتاستىرۋ، پاتريوتيزمگە تاربيەلەۋ، ەل وڭىرلەرىندە دەنە شىنىقتىرۋ مەن سپورتتى دامىتۋ جانە ت.ب.)

4) «كەلىسىم» – مەدياتسيا (داۋلار مەن جانجالداردى شەشۋ، قوعامعا الەۋمەتتىك مىندەتتەردى شەشۋدە كومەك كورسەتۋ. باستى ماقسات - ءتۇرلى الەۋمەتتىك باستامالار مەن جوبالاردى ىسكە اسىرۋ ءۇشىن ازاماتتىق اتسالىسۋدىڭ بىرىڭعاي الاڭىن قۇرۋ.

قازىرگى تاڭدا ماڭعىستاۋ وبلىسى قحا جانىنداعى «جاڭعىرۋ جولى» وڭىرلىك شتابىندا 300 دەن استام جاس بار، ساۋالناما جۇرگىزۋ ارقىلى جاستاردىڭ باسىم بولىگى ۆولونتەرلىك قىزمەتكە قارسى ەمەستىگىن ءبىلدىردى. ۆولونتەرلەردىڭ جاسىنا ەشقانداي توسقاۋىل بولماۋىنا بايلانىستى الداعى ۋاقىتتا دا ەرىكتىلەر سانى ارتا تۇسەدى دەپ كۇتىلۋدە.

سوڭعى جاڭالىقتار

ۇقساس جاڭالىقتار