ايماقتار • 20 قاڭتار، 2020

ماڭعىستاۋ وبلىسىندا 305 بوبەكجاي مەن 154 مەكتەپ جۇمىس ىستەپ تۇر

59 رەتكورسەتىلدى

- قازىرگى ۋاقىتتا ءبىزدىڭ وڭىرىمىزدە مەملەكەتتىك جانە جەكە مەنشىكتەگىسىن قوسا العاندا 3-6 جاس ارالىعىنداعى 36 مىڭ 500 بالانى قامتيتىن 305 بوبەكجاي بار. ونىڭ ىشىندەگى 30 مەكتەپكە دەيىنگى ءبىلىم بەرۋ نىسانى وتكەن جىلى اشىلدى. ناتيجەسىندە ماڭعىستاۋلىق بۇلدىرشىندەردى بالاباقشامەن قامتۋ ءجۇز پايىزعا جەتكەنىن كورىپ وتىرمىز. مەملەكەتتىك باعدارلامالارعا سايكەس ەندى تۇرعىنداردى بالاباقشامەن قامتۋ 1-6 جاستان باستالاتىنى بەلگىلى،  - دەدى قوعامدىق كوممۋنيكاتسيالار ورتالىعىندا وتكەن بريفينگتە وبلىستىق ءبىلىم باسقارماسىنىڭ باسشىسى اسقار سەيداليەۆ.

ورتا بىلىمگە قاتىستى كەلتىرىلگەن رەسمي مالىمەتتەرگە كەلسەك، قازىرگى ۋاقىتتا ءوڭىر بويىنشا جەكە، كەشكى، ورتا جانە جالپى ءبىلىم بەرۋ، ارنايى وقىتۋ نىساندارىن قوسا العاندا باس-اياعى 154 مەكتەپ بار. ولاردا 150 مىڭ وقۋشى وقيدى. 2019 جىلى ەكى مەكتەپكە 320 ورىندىق قوسىمشا وقۋ عيماراتى جالعانىپ، قولدانىسقا بەرىلگەن.

وزەكتىلىگىن ءالى دە جويماي تۇرعان ماسەلە - ءۇش اۋىسىمدىلىق. وسى ساناتتاعى ءبىلىم بەرۋ نىساندارىنىڭ سانى 2018 جىلى التى مەكتەپ بولعان بولسا، 2019 جىلى توعىزعا جەتتى. «ناقتىلاۋ جۇمىستارى اياقتالعان سوڭ بۇل كورسەتكىش بيىل دا ءوسۋى مۇمكىن دەگەن بولجام بار. بۇعان جىل ساناپ اتامەكەنىنە ورالعان قانداستارىمىزدىڭ سانى مەن تابيعي بالا تۋدىڭ ارتۋى سەبەپ» دەيدى ماماندار.

- وسى جىلعا جوسپار بويىنشا ءۇش مەكتەپتىڭ قۇرىلىسىن اياقتايمىز. ولار تۇپقاراعان اۋدانىنىڭ اقشۇقىر ەلدى مەكەنىندە، مۇنايلى اۋدانىنداعى باتىر سەلوسىندا جانە اقتاۋدىڭ 34-ءشى شاعىن اۋدانىندا بوي كوتەرۋدە. سونداي-اق الداعى بەس جىلدا سالىنۋى ءتيىس 18 مەكتەپ پەن 5 ورتا ءبىلىم بەرۋ مەكەمەسىنە قوسىمشا وقۋ ورتالىعىنىڭ جوبالىق-سمەتالىق قۇجاتتارىن دايىنداپ جاتىرمىز. بۇل جوبالار مەملەكەت تاراپىنان قارجىلاندىرۋمەن جۇزەگە اسادى، - دەدى اسقار ءابي ۇلى.

ءبىلىم باسقارماسى باسشىسىنىڭ سوزىنشە، 2020 جىلى تاعى التى جەكە مەكتەپ سالۋ جوسپاردا تۇر. بۇل جوبالار قۇجاتىندا اقتاۋ قالاسى مەن مۇنايلى اۋدانىندا جۇزەگە اسۋى دەپ كورسەتىلدى. بۇدان باسقا مەملەكەتتىك-جەكەشەلىك ارىپتەستىك نەگىزىندە وبلىس ورتالىعىندا ەكى بىردەي ورتا ءبىلىم نىسانى مەن توعىز بالاباقشا قۇرىلىسىن باستاۋ كۇن تارتىبىنە قويىلعان.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار