ايماقتار • 20 قاڭتار، 2020

ماڭعىستاۋدا الداعى بەس جىلدا 18 مەكتەپ سالىنادى دەپ جوسپارلانۋدا

116 رەتكورسەتىلدى

بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى ءبىلىم باسقارماسىنىڭ باسشىسى سەيداليەۆ اسقار ءابي ۇلى مالىمدەدى.

بۇگىنگى تاڭدا وبلىس بويىنشا 150 مىڭعا جۋىق وقۋشىنى قامتيتىن جەكە، كەشكى، ورتا ءبىلىم جانە جالپى ءبىلىم بەرەتىن سونداي-اق، ارنايى مۇمكىندىگى شەكتەۋلى بالالاردى وقىتاتىن مەكتەپتەردى قوسقاندا 154 مەكتەپ جۇمىس ىستەيدى. جىل سايىن كوشىپ كەلىپ جاتقان حالىقتىڭ كوپتىگىنەن، مەكتەپكە قابىلداناتىن بالا سانىنىڭ وسۋىنە بايلانىستى بۇگىندە ءۇش اۋىسىمداعى مەكتەپتەر ماسەلەسى وزەكتى بولىپ وتىر.

- وبلىس بويىنشا 2018 جىلى ولاردىڭ سانى 6 بولسا، 2019 جىلى 9 مەكتەپ كوبەيدى. وسى ماسەلەنى شەشۋ ماقساتىندا وتكەن جىلى اقتاۋ قالاسىندا 2 مەكتەپتىڭ جانىنان 320 ورىندى قامتيتىن قوسىمشا اشىلدى. ارنايى جۇرگىزگەن ساناقتىڭ ناتيجەسىندە الداعى 5 جىلدىقتا 72 مىڭعا جۋىق وقۋشى مەكتەپ تابالدىرىعىن اتتايدى دەپ كۇتىلۋدە. جىل سايىن 19 مىڭعا تارتا ءبۇلدىرشىن ءبىرىنشى سىنىپقا قابىلدانۋدا. الداعى ۋاقىتتا 3 مەكتەپتىڭ قۇرىلىسىن اياقتاپ جانە جەكە كاسىپكەرلەردىڭ قاراجاتى ەسەبىنەن تاعى 6 مەكتەپتىڭ قۇرىلىسىن باستاۋ جوسپارعا ەنگىزىلگەن، - دەدى ماڭعىستاۋ وبلىسى ءبىلىم باسقارماسى باسشىسى.

مەملەكەتتىك جەكەمەنشىك ارىپتەستىك مەحانيزمى اياسىندا اقتاۋ قالاسىندا 2 مەكتەپ پەن 9 بالاباقشانىڭ قۇجاتتارى ازىرلەنىپ، سالىنادى دەپ كۇتىلۋدە.

وبلىس بويىنشا مەكتەپتەردىڭ بەينەباقىلاۋ كامەرالارى جاڭارتىلىپ، اجەتحانالارىن ىشكە كوشىرۋ ماسەلەسى شەشىلمەك.

وسى ورايدا اۋداندارداعى 53 مەكتەپتىڭ اجەتحانالارىن ىشكە كوشىرۋ جۇمىستارى قىركۇيەك ايىنا دەيىن اياقتالماق. جانە دە 30 كۇندىك دەرەكتەر ساقتالاتىن باقىلاۋ كامەرالارى بارلىق تالاپتارعا سايكەس جابدىقتالىپ، ورناتىلاتىن بولادى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار