ايماقتاردان جينالعان مۇمكىندىگى شەكتەۋلى جاستار 10 كۇن بويى نۇر-سۇلتاندا الەۋمەتتىك جارناما ءوندىرىسى بويىنشا وقىتۋدان ءوتتى. جوبانىڭ ماقساتى - بۇكىل قازاقستانداعى ەرەكشە قاجەتتىلىككە يە جاستاردى وقىتۋ ارقىلى الەۋمەتتىك جارناما وندىرۋشىلەردىڭ ايماقتىق جەلىسىن دامىتۋ. مەديا-جوبا ايماقتارداعى ءتۇرلى الەۋمەتتىك توپتاردىڭ قاتىناسى مەن ءوزارا ارەكەتى, ەكولوگيا, ءبىلىم بەرۋ الەۋمەتتىك جەلىلەر مەن تسيفرلىق ارنالار ارقىلى ەرەكشە قاجەتتىلىككە يە بالالار ءۇشىن جۇمىس پەن دەمالىسقا نازار اۋدارۋعا شاقىرادى.
ەلوردادا بولاشاق مەدياشىلار الەۋمەتتىك جارنامانى جاساۋ مەن ونى عالامتور جەلىسىندە تاراتۋدىڭ قىر-سىرىن مەڭگەرۋدى ۇيرەندى. وقۋ اياقتالعان سوڭ, جاتتىقتىرۋشىلار جارتى جىل بويى مەكتەپ تۇلەكتەرىنە كونسۋلتاتسيا بەرۋلەرىن جالعاستىرادى دەپ كۇتىلۋدە. جوبا ۇيىمداستىرۋشىلارى ايماقتارداعى جاستارعا ءوز بىلىمدەرىن جۇيەلى بەرۋ ءۇشىن جوبانىڭ 10 تابىستى قاتىسۋشىلارىن وقىتۋعا نيەتتى.
ەسكە سالا كەتەيىك, دارىندى جاستاردى ىرىكتەۋ 2019 جىلى 8-9 قاراشادا اقتاۋ قالاسىندا باستالدى. ودان سوڭ مەديا-جاتتىقتىرۋشىلار اتىراۋ مەن پەتروپاۆل قالالارىنا اتتانعان بولاتىن. سونىڭ ناتيجەسى بويىنشا قازاقستاننىڭ باتىس جانە سولتۇستىك ايماقتارىنان ىرىكتەۋدەن وتكەن 15-30 جاستاعى ەرەكشە قاجەتتىلىككە يە 20 قاتىسۋشى جوبانىڭ ەكىنشى كەزەڭىنە نۇر-سۇلتانعا كەلدى.
