«ادالدىق الاڭى» ۇرانىن ۇستانعان ناۋقان قارجى مينيسترلىگى قىزىمەتىنىڭ اشىقتىقتىعىن ناسيحاتتاۋ, تۇرعىنداردى مازالاعان سۇراقتارعا جەدەل جاۋاپ بەرۋ ماقساتىندا ۇيىمداستىرىلدى.
ەستەرىڭىزدە بولسا, 2020 جىلعى 1 قاڭتاردان باستاپ «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكس كۇشىنە ەنگەن بولاتىن. اتالعان قۇجاتتا مىندەتتى تولەمدەرگە قاتىستى كوپتەگەن وزگەرىس ەنگىزىلدى.
ماسەلەن, 2020 جىلدىڭ 1 قاڭتارىنان باستاپ تالاپ قويۋدىڭ ەسكىرۋ مەرزىمى ءۇش جىلدى قۇرايدى.
زاڭ جوباسىنا ەنگىزىلگەن تۇزەتۋگە سايكەس, 2020 جىلعى 1 قاڭتارعا دەيىن تۋىنداعان تالاپ قويۋدىڭ ەسكىرۋ مەرزىمى بەس جىلدى قۇرايدى. سونداي-اق ميكرو جانە شاعىن بيزنەس كومپانيالارىن ءۇش جىل مەرزىمگە كىرىستەن سالىق تولەۋدەن بوساتىلماق.
2020 جىلدىڭ 1 قاڭتارىنان باستاپ جۇمىسكەر ەڭبەگىن پايدالانبايتىن, جەكە كاسىپكەرلىكپەن اينالىساتىندار پاتەنت قولدانۋعا مۇمكىندىك بەرىلمەك.
2020 جىلدىڭ 1 قاڭتارىنان باستاپ بىرىڭعاي جەر سالىعى نەگىزىڭدە شارۋا نەمەسە شارۋا قوجالىقتارى ءۇشىن بجس ستاۆكاسى كىرىستىڭ 0,5% پايىزىن قۇرايدى.
ونلاين-بكم قولدانۋ تالاپتارى جالپى پايدالانۋداعى تەلەكوممۋنيكاتسيا جەلىلەرى جوق ايماقتاردا ءوز قىزمەتىن جۇزەگە اسىراتىن بيزنەس سۋبەكتىلەرىنە تاراتىلمايدى.
سونىمەن قاتار 2020 جىلدىڭ 1 قاڭتارىنان باستاپ ويىندارعا سالىناتىن قوسىمشا سالىق جويىلادى.
