قازاقستان • 20 قاڭتار، 2020

قۇرىلىس ماۋسىمىنا دايىندىق جۇمىستارى ءجۇرىپ جاتىر

29 رەتكورسەتىلدى

ەلىمىزدە اۆتوموبيل جولدارى سالاسىندا جوبالاردى ىسكە اسىرىپ جاتقان كومپانيالار وسى جىلدىڭ ساۋىرىنە دەيىن قۇرىلىس قاجەتتىلىكتەرىنىڭ جىلدىق قورىنىڭ 70% دايىنداۋعا مىندەتتى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

جالپىلاي العاندا، 2020 جىلى اۆتوموبيل جولدارىنىڭ 4 مىڭ شاقىرىمى قۇرىلىس جۇمىستارىمەن قامتىلادى دەپ جوسپارلانۋدا. بۇل ماقساتتارعا جولشىلارعا شاقپاقتاستاردىڭ 27 ملن تونناسى، تەمىر-بەتوندى بۇيىمداردىڭ 50،5 مىڭ تەكشە مەترى، تسەمەنتتىڭ 644 مىڭ تونناسى مەن جانار-جاعارماي ماتەريالدارىنىڭ 400 مىڭ تونناسى قاجەت.

وبلىستىق جانە اۋداندىق ماڭىزى بار اۆتوموبيل جولدارىن، سونداي-اق، ەل قالالارىنداعى كوشەلەردى جوندەۋدى  قوسا العاندا، مامانداردىڭ ەسەپتەۋىنشە،  جول جابىندىسىن سالۋعا ارنالعان نەگىزگى ماتەريال – بيتۋمنىڭ 984 مىڭ تونناسى كەرەك. وسىلايشا، رەسپۋبليكالىق جولدار جەلىسىنە بيتۋمنىڭ 524 مىڭ تونناسى، جەرگىلىكتى جولدارعا – 460 مىڭ تونناسى قاجەت. قۇرىلىس ماۋسىمىنا قازىرگى تاڭدا دايىندىق جۇمىستارى قارقىندى تۇردە جۇرگىزىلىپ جاتىر. جول كومپانيالارى ماتەريالداردى دايىنداۋ جۇمىستارىن قاتاڭ تۇردە كەستەگە سايكەس جۇرگىزبەك نيەتتە.

ايتا كەتەيىك، قۇرىلىس ماۋسىمىنىڭ قىزعان شاعىندا ىسكە اسىرىلاتىن جوبالارعا جول-قۇرىلىس تەحنيكاسىنىڭ 10 مىڭ بىرىلىگىن، 77 ۋاتقىش قوندىرعىلاردى، 57 بەتون جانە 87 اسفالت-بەتوندى وندىرەتىن زاۋىتتى جۇمىلدىرۋ جوسپارلانعان. جالپىلاي العاندا، 2020 جىلى اۆتوموبيل جولدارى سالاسىندا شامامەن 100 مىڭ ادام ەڭبەك ەتپەك.

سوڭعى جاڭالىقتار

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار