قازاقستان • 20 قاڭتار، 2020

اۋىل شارۋاشىلىعى مينيسترلىگى مال ەكسپورتىن توقتاتتى

43 رەتكورسەتىلدى

ءتىرى مالدىڭ جاپپاي ەكسپورتى ەت ونىمدەرى باعاسىنىڭ وسۋىنە نەگىز بولدى. سونىمەن قاتار قالىپتاسقان جاعداي قازاقستاندىق ەت وڭدەۋ كاسىپورىندارى مەن بورداقىلاۋ الاڭدارىنىڭ جۇكتەمەسىنىڭ تومەندەۋىنە الىپ كەلدى. ورتاشا العاندا 2019 جىلى قازاقستاندىق ەت وڭدەۋ كاسىپورىندارى ءوز قۋاتىن تولىق پايدالانا الماعان. ولاردىڭ تولىق جۇمىس ىستەمەۋىنىڭ نەگىزگى سەبەبى ءتىرى مالدىڭ جاپپاي ەكسپورتىنىڭ سالدارىنان شيكىزات تاپشىلىعى بولدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

وتكەن جىلى قازاقستاننان شەتەلگە 156 مىڭ باس ءىرى قارا مال شىعارىلدى. بۇل رەتتە باسىم كوپشىلىگى – 121،6 مىڭ باس نەمەسە 78%-ى وزبەكستان رەسپۋبليكاسىنا، تاعى 14% -ى ارمەنيا ەلىنە ەكسپورتتالعان.
 
سونداي-اق ەلدەن 264 مىڭ باس قوي شىعارىلعان، ونىڭ جارتىسىنان استامى انالىق باس. ۇساق ءمۇيىزدى مالدىڭ باسىم بولىگىن، ياعني 200 مىڭنان استامى (76%) وزبەكستان مەملەكەتىنە، 21،5 مىڭ باس (8،1%) رەسەي فەدەراتسياسىنا، 18 مىڭ باس (6،7%) ءازىربايجان، شامامەن 12 مىڭ باس (4،5%) يران ەلىنە تاسىمالدانعان.
 
اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنا سايكەس قر اشم قايتا وڭدەلگەن ءونىم ەكسپورتىن 2،5 ەسەگە ارتتىرۋ مىندەتى تۇر.  وسىعان بايلانىستى، بورداقىلاۋ الاڭدارى مەن ەت كومبيناتتارىنىڭ وتىنىشتەرىنە سايكەس اۋىل شارۋاشىلىعى جانە قارجى مينيسترلىكتەرىنىڭ 2019 جىلعى 21 قازانداعى «اۋىل شارۋاشىلىعى جانۋارلارىن شىعارۋداعى كەيبىر ماسەلەلەرى تۋرالى» بىرلەسكەن بۇيرىعىنا وزگەرىستەر ەنگىزۋ تۋرالى شەشىم قابىلداندى. ايتا كەتسەك، اتالمىش بۇيرىق تەك انالىق مال باسىنىڭ ەكسپورتىن ۋاقىتشا شەكتەيتىن. بۇل وزگەرىستەر بارلىق ءىرى قارا مال مەن ۇساق ءمۇيىزدى مالدىڭ جىنىستىق-جاستىق توپتارى بويىنشا تىرىدەي باسىن وزگە ەلدەرگە شىعارۋعا (ەكسپورتتاۋعا) تولىق تىيىم سالادى.
 
ماڭىزدى قۇجاتتىڭ جوباسى سالالىق ساراپتاما ۇيىمدارىمەن جانە وبلىس اكىمدىكتەرىمەن كەلىسىلىپ، «اتامەكەن» ۇكپ وڭ قورىتىندىسى الىندى جانە سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ ماقۇلداۋى الىندى. قازىرگى ۋاقىتتا مۇددەلى مەملەكەتتىك ورگاندارىمەن كەلىسىم جاسالۋدا.
 
اتالعان بۇيرىققا وزگەرىستەر ەنگىزۋ تاياۋداعى جىلدارى قازاقستاندىق مال باسىن ساقتاپ  ۇلعايتۋعا، وتاندىق ەت كومبيناتتارىن قولايلى باعامەن ساپالى شيكىزاتپەن قامتاماسىز ەتۋگە جانە دايىن وڭدەلگەن ءونىمنىڭ ءوندىرىسى مەن ەكسپورتىن ارتتىرۋعا مۇمكىندىك بەرەدى.
سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار