قوعام • 20 قاڭتار، 2020

حالىققا ادال قىزمەت ەتۋ – مىندەتىمىز - پرەزيدەنتتىك جاستار كادر رەزەرۆىنىڭ مۇشەسى

29 رەتكورسەتىلدى

مەملەكەت باسشىسى قاسىم-جومارت توقاەۆ اقوردا رەزيدەنتسياسىندا پرەزيدەنتتىك جاستار كادر رەزەرۆىنە ەنگەن 300 اداممەن كەزدەسكەندە، اراسىندا مەن دە بولدىم. ماڭىزى زور، ماقساتى ايقىن جۇزدەسۋدە قازاقستان پرەزيدەنتى مەملەكەتتىك اپپارات جۇمىسىنا جاڭا ادىستەردى ەنگىزۋ ماسەلەسىن العا تارتىپ، «بارلىق جاڭالىقتىڭ ورتاق ماقساتى – حالىققا جاقىن بولۋ. شىن مانىندە، ءبىز مەملەكەت قىزمەتىنىڭ سەرۆيستىك مودەلى جايىندا اڭگىمە قوزعاپ وتىرمىز. قازاقستانعا قوعامنىڭ تالاپ-تىلەگىنە دۇرىس، ءتيىمدى جانە ادىلەتتى جاۋاپ بەرەتىن مەملەكەتتىك باسقارۋدىڭ جاڭا ۇلگىسى كەرەك»، دەگەن ەدى. بۇل ەڭ الدىمەن جاۋاپكەرشىلىك جۇگىنىڭ سالماعىن اڭعارتسا كەرەك.

پرەزيدەنتتىك جاستار كادر رەزەرۆىنە مۇشەلىككە قابىلدانۋعا ىرىكتەۋدەن وتكەنىمىزبەن قاتار، بىزگە بىلىكتىلىگىمىزدى، جۇمىس داعدىلارىمىزدى، تۇلعالىق قاسيەتتەرىمىزدى جوعارىلاتۋعا قاتىستى ءتۇرلى كەڭەستەر بەرىلدى. بۇل كەڭەستەر كاسىبيلىگىمىزدى شىڭداپ، جۇمىسىمىزدى جۇيەلەندىرۋگە ۇيىتقى بولدى.

پرەزيدەنتتىك جاستار كادر رەزەرۆى دەگەنىمىز نە؟ ول – بىلىكتى مامانداردىڭ ءبىلىمىن شىڭداپ، ماقسات-مۇراتتارىن، تىڭ يدەيالارىن ءىس جۇزىنە اسىرۋعا مۇم­كىندىك بەرەتىن باستاما. وعان كوزىم جەتتى. ءوز باسىم مەملەكەتتىك قىزمەت سالاسىندا ون ەكى جىلعا جۋىق قىزمەت اتقاردىم. ەڭبەك جولىمدى اكىمدىكتە جەتەكشى مامان رەتىندە باستاپ، بىرنەشە جىلدان كەيىن باسقارما باسشىسى لاۋازىمىنا دەيىن جوعارىلادىم. ەرىنبەي ەڭبەك ەتىپ، تاباندىلىقپەن تەر توكتىم. ەندىگى كۇنى بۇل جوبا قىزمەتتىك باسپالداعىمدا ودان ءارى جوعارىلاۋىما، جاۋاپكەرشىلىك جۇگىن ارقالاپ، حالقىما ادال قىزمەت ەتۋگە جول اشتى. الماتى قالاسىنداعى تۇركسىب اۋدانىنىڭ اكىمى بولىپ تاعايىندالدىم.

اۋدان تۇرعىندارىنا مەنى الماتى قالاسىنىڭ اكىمى باقىتجان ساعىنتاەۆ تانىستىرىپ، اق جول تىلەدى. سول ۇدەدەن شىعىپ، ءۇمىتتى اقتاۋعا بارىمدى سالماقپىن. ماعان سەنىپ تاپسىرىلعان اۋدان تۇرعىندارىنىڭ تاعدىرىنا ءاتۇستى قاراماي، كەرىسىنشە ولاردىڭ ءال-اۋقاتىن ارتتىرۋدى كوزدەيمىن. الەۋمەتتىك ماسەلەردى شەشۋدى الدىڭعى ورىنعا قويىپ، جانعا جايلى، كوڭىلگە قولايلى ءومىر سۇرۋلەرىنە ۇلەسىمدى قوسسام
دەيمىن.

مەملەكەت باسشىسىنىڭ پرەزي­دەنت­تىك جاستار كادر رەزەرۆى مۇشەلەرىمەن جۇزدەسۋىندە «قازاقستان ازاماتتارى شەنەۋنىكتەردى قوعامعا قاتىستى بار­لىق شەشىمدەردى بيلىك دالىزدەرىندە قابىلدايتىن قانداي دا ءبىر تاڭداۋلى توپ رەتىندە قاراماۋى كەرەك. شەنەۋنىكتەر قولجەتىمدى بولۋى قاجەت. مەملەكەتتىك قىزمەتشى حالىقتىڭ ورتاسىندا حالىق ءۇشىن جۇمىس ىستەيتىن حالىقتىڭ ءبىر بولىگى دەۋدەن ەش جالىقپايمىن!» دەگەن ءسوزى جادىمدا جاتتالىپ قالدى. پرە­زيدەنتىمىزدىڭ «مەملەكەتتىك قىزمەتشى حالىقتىڭ ورتاسىندا حالىق ءۇشىن جۇمىس ىستەيتىن حالىقتىڭ ءبىر بولىگى» دەۋى مەنىڭ ومىرلىك ۇستانىمىما اينالدى دەسەم دە بولادى.

ءار ادامنىڭ ومىرلىك جولى، ۇستانىمى بولادى. «ومىردە ەكى نارسەنى تاڭداۋدا قاتەلەسپە. ءبىرىنشىسى – جار تاڭداۋدا، ەكىنشىسى – ماماندىق تاڭداۋدا» دەيدى دانا حالقىمىز. ماماندىق تاڭداۋدان قاتەلەسپەدىم. سەبەبى ەلىڭە ادال ەڭبەك ەتىپ، تۋعان حالقىڭنىڭ دامۋى، العا باسۋى جولىندا تاباندىلىقپەن ءتور توگۋدەن اسقان ابىروي جوق!

 

باقىتجان اقجاروۆ،

پرەزيدەنتتىك جاستار كادر رەزەرۆىنىڭ مۇشەسى، الماتى قالاسىنداعى تۇركسىب اۋدانىنىڭ اكىمى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار