ايماقتار • 20 قاڭتار، 2020

ولكەتانۋ ورەندەردىڭ ورەسىن وسىرەدى

18 رەتكورسەتىلدى

باتىس قازاقستان وبلىستىق تىلدەردى دامىتۋ باسقارماسى مۇرىندىق بولعان «تۋعان ولكە – تۇنعان تاريح» اتتى عىلىمي-زەرتتەۋ جوباسى بايقاۋى مارەگە جەتتى. ءبىلىم مەن ىزدەنىس جارىسىنا وبلىستىڭ بارلىق اۋداندارىنان 7-8 سىنىپ وقۋشىلارى قاتىسقان بولاتىن.

– بايقاۋدىڭ باستى ماقساتى – ەلباسىمىزدىڭ « ۇلى دالا­نىڭ جەتى قىرى» جانە «بولا­شاق­قا باعدار: رۋحاني جاڭعىرۋ» ماقالالارى اياسىندا جاس زەرت­تەۋ­شىلەردىڭ نازارىن ءوزىنىڭ تۋعان ولكەسىنە، اۋىل مەن قالا تاريحىنا اۋدارۋ بولاتىن. وسىلايشا، ءوز ولكەسىن ەرەكشە سۇيەتىن، ونىڭ وتكەنىمەن ماقتاناتىن پاتريوتتاردى تاربيەلەۋ، ءبىلىم الۋ­شى­لاردىڭ عىلىمي ويلاۋ جانە زەرتتەۋ قابىلەتتەرىن دامىتۋ دا باستى نازاردا بولدى. بايقاۋعا مەكتەپ وقۋشىلارى بەلسەنە قاتىستى. ءسويتىپ قورىتىندى سىنعا وب­لىس­تىڭ 9 اۋدانى جانە ورال قالا­سىنىڭ ءبىلىم مەكەمەلەرىنەن 23 ۇمىت­كەر قاتىستى، – دەيدى وسى باي­قاۋدى ۇيىمداستىرۋشى تىلدەردى دامىتۋ باسقارماسىنىڭ جاۋاپتى قىزمەتكەرى زامزاگۇل عابباسوۆا.

ورتا بۋىن مەكتەپ وقۋ­شى­لا­رى­نىڭ بالاڭ جۇمىستارى بولسا دا بايقاۋعا ورال قالا­سىن­داعى جوعارى وقۋ ورىندارى­نىڭ پروفەسسور-وقىتۋشى­لارى قازىلىق ەتتى. تاريح عىلىم­­دا­رى­نىڭ كانديداتتارى، باقتىلى بورانباەۆا مەن الفيا بايبولسىنوۆا، في­لو­لوگيا عىلىمدارىنان
PhD دوكتور ايداربەك اقبو­لا­توۆ جاس زەرت­تەۋشىلەردىڭ انىق­تا­­ما­لىق ادە­بيەتتەرىمەن جۇ­مىس­تا­نۋداعى بىلىگى مەن داع­دى­سىن، قورىتۋ تاجى­ريبەسىن، جا­زۋ شەبەر­لى­گىن، تۋعان ولكە تا­ري­­حىنىڭ اقپاراتتىق-تالداۋ ما­­تەريالدارى جۇيەسىن قۇرۋ جانە جۇرگىزۋدەگى ىز­دە­­نىسىن لايىقتى باعالا-
دى.

– وقۋشىلارعا ولاردىڭ جە­تەكشىلەرى، ۇستازدارى بارىنشا كومەكتەسكەنى بايقالادى. باي­قاۋعا كەلىپ تۇسكەن جۇمىس­تار­دىڭ كوپشىلىگى ونوماستيكا تاقى­رىبىنا، جەر اتاۋلارىنىڭ تاريحىنا ارنالعان ەكەن. شيپالى ءالجان سور تۋرالى، كونە قۇلپى­تاس­تار تاريحى حاقىندا زەرتتەۋ جاساعان وقۋشى­لار دا بار. ارينە بۇل بالعىن زەرت­تەۋشىلەردىڭ تىر­­ناقالدى تۋىندىلارى عوي. ولارعا ساتتىلىك تىلەيمىز، – دەيدى ما­حامبەت وتەمىس ۇلى اتىنداعى باتىس قازاق­ستان مەملەكەتتىك ۋني­ۆەر­سيتە­تىنىڭ دوتسەنتى، تاريح عى­لىم­دا­رىنىڭ كانديداتى الفيا سابىر­عا­ليقىزى.

سونىمەن ءبىلىم مەن تانىم باي­گەسىنىڭ باس جۇلدەسىن قارا­توبە اۋدانىنداعى الاكول نەگىزگى مەكتەبىنىڭ 8-سىنىپ وقۋشىسى ۇل­پان سۇلتانعاليەۆا جەڭىپ الدى. ءبىرىنشى ورىن تەرەكتى اۋدا­­نىن­داعى دولين جالپى ورتا ءبى­لىم بەرەتىن مەكتەبىنىڭ 8-سىنىپ وقۋشىسى سايدا كابىشەۆاعا بۇيىرسا، ەكى ەكىنشى ورىندى بايتەرەك اۋدانىنداعى كامەن جالپى ورتا ءبىلىم بەرەتىن مەك­تەپ­تىڭ 7-سىنىپ وقۋشىسى داريا سترەبكوۆا مەن ءبورلى اۋدا­نىنداعى اقبۇلاق مەكتەپ-بالا­باقشا كەشەنىنىڭ 7-سىنىپ وقۋ­شىسى داياننا توقتاسىن يە­لەن­دى. ءۇش ءۇشىنشى جۇلدەنى
اق­جاي­ىق اۋدانىنداعى عابدوللا ماحام­بەتوۆ اتىنداعى ورتا جال­پى ءبىلىم بەرەتىن مەكتەپتىڭ 8-سىنىپ وقۋشىسى ديليارا سارسەنعاليەۆا، قازتالوۆ اۋدا­نىنداعى اقپاتەر ورتا جالپى ءبىلىم بەرەتىن مەكتەپتىڭ 7-سىنىپ وقۋشىسى ادەمى ايتقالي جانە ورال قالاسىنداعى №35 مەكتەپ-ليتسەيىنىڭ 8-سىنىپ وقۋشىسى كسەنيا دوليا ءبولىستى. ال سى­رىم اۋدانىندا ۆ.ي.شۋبين اتىن­داعى ورتا مەكتەبىنىڭ 8-سىنىپ وقۋشىسى اسىلاي تۇياقوۆا مەن ورال قالاسىنداعى №42 «اق­نيەت» گيمنازياسىنىڭ 8-سىنىپ وقۋشىسى شالقىما ءجۇنىس ارنايى سىيلىققا يە بولدى.

بايقاۋدىڭ بارلىق جەڭىم­پازى ارنايى ديپلوممەن، باعالى سىيلىقتارمەن ماراپاتتالدى.

 

باتىس قازاقستان وبلىسى

 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار