ايماقتار • 19 قاڭتار، 2020

قىزىلوردادا اقبوكەن اتقان «وحوتزووپروم» مەكەمەسىنىڭ 3 قىزمەتكەرى ۇستالدى

31 رەتكورسەتىلدى

«براكونەر» جەدەل الدىن الۋ ءىس-شاراسى بارىسىندا قارماقشى اۋداندىق پوليتسيا ءبولىمى ۋچاسكەلىك پوليتسيا ينسپەكتورلارى مەن «وحوتزووپروم» رمقك وكىلدەرىنىڭ بىرلەسكەن رەيدى بارىسىندا قارماقشى اۋدانىنان 15 شاقىرىم جەردە ورنالاسقان «تىشقانتام» ۋچاسكەسىندە  «لاند كرۋزەر لح76» ماركالى اۆتوكولىگى توقتاتىلدى. تەكسەرە كەلگەندە كولىكتىڭ «وحوتزووپروم» رمقك مەكەمەسىنە تيەسىلى ەكەندىگى انىقتالدى، ونداعى 3 ادام دا سول مەكەمە قىزمەتكەرلەرى بولىپ شىقتى. بۇل تۋرالى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.          

اۆتوكولىكتەردى سىرتتاي قاراۋ كەزىندە ارتقى بامپەردەن قان ىزدەرى بايقالىپ، پوليتسيا قىزمەتكەرلەرى جۇرگىزۋشىدەن  جۇك سالعىشتى اشۋدى تالاپ ەتكەن.

بىراق اۆتوكولىك جۇرگىزۋشىسى مەن ونىڭ جانىنداعى 2 ادام پوليتسەيلەردىڭ تالاپتارىنا باعىنۋدان باس تارتىپ، وقيعا ورنىنان قاشىپ كەتەدى. پوليتسيا قىزمەتكەرلەرى كوپ كەشىكپەي كولىكتى «وحوتزووپروم» تۇراعىنان تاپتى.  

ونى تەكسەرۋ بارىسىندا سالوننان 1 دانا تەگىس ۇڭعىلى قارۋ، پىشاق جانە پروجەكتور  زاتتاي دالەلدەمە رەتىندە الىندى. سونىمەن قاتار، اۆتوكولىكتىڭ ارتقى جۇك سالعىشىنان اقبوكەننىڭ ەتى تابىلدى.

ۇستالعانداردىڭ ءبىرى ۋاقىتشا ۇستاۋ يزولياتورىنا قاماۋعا الىندى، ال قالعاندارىنا قاتىستى بۇلتارتپاۋ شاراسىن قولدانۋ ماسەلەسى شەشىلۋدە.

قازىرگى تاڭدا اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 339-بابى 2-بولىگىنىڭ 2،4-تارماقتارى بويىنشا  سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار