ايماقتار • 18 قاڭتار، 2020

ءبىز جاقتا قارلى بوران بۇرقىراپ تۇر، فارحات تا دومبىراسىن جۇلقىلاپ تۇر...

2469 رەتكورسەتىلدى

كوكپەكتى اۋدانىندا ءتىپتى، ءبىر جارىم، ەكى مەترگە جۋىق قار جاۋعانىن ايعاقتايتىن ۆيدەولار تاراپ جاتىر.    

شىعىستا كەشەدەن بەرى قار تولاستاماي تۇر. 17 قاڭتاردا وبلىستىڭ بىرنەشە باعىتىندا جولدار جابىلىپ، 200-دەن استام تەحنيكا قار قۇرساۋىنان قۇتقارىلدى. وبلىستىق توتەنشە جاعدايلار دەپارتامەنتى ماماندارىنىڭ حابارلاۋىنشا، اسىرەسە ءوڭىردىڭ گلۋبوكوە، شەمونايحا، بورودۋليحا اۋداندارىنا قار قالىڭ تۇسكەن. ال بۇگىن الەۋمەتتىك جەلىلەردە كوكپەكتى اۋدانىندا ءتىپتى، ءبىر جارىم، ەكى مەترگە جۋىق قار جاۋعانىن ايعاقتايتىن ۆيدەولار تاراپ جاتىر.    

كوك

كوكپەكتىلىك ايتىسكەر اقىن فارحات مارات ۇلىنىڭ قالىڭ قاردىڭ ورتاسىندا، قولىنا دومبىراسىن الىپ ايتقان:

ءبىز جاقتا قارلى بوران بۇرقىراپ تۇر،

فارحات تا دومبىراسىن جۇلقىلاپ تۇر.

اكيماتتىڭ وڭ قولى ماعجان قايدا،

ءبىز جاققا جىبەرسەڭشى ءبىر تراكتور، ايحاي-احوۋ، - دەگەن ءازىل-شىنى ارالاس ءبىر شۋماق ولەڭى كوكپەكتىنىڭ بۇرقاسىنىنداي لەزدە ۋاتساپ جەلىسى ەل اراسىنا تاراۋدا.   

ءبىز ۇيالى تەلەفون ارقىلى بەلشەسىنەن قارعا باتقان اقىن فارحات مارات ۇلىنا حابارلاسىپ، ءمان-جايدى بىلدىك. «قار كەشە تۇنىمەن توقتاۋسىز جاۋدى. بۇگىن كۇندىز سايابىرسىپ، قازىر قايتادان قار جاۋا باستادى. ۇيلەردىڭ اۋلالارىن، توبەسىنە دەيىن قالىڭ قار باسىپ تاستادى. كولىكتەر جۇرمەي جاتىر. جولاۋشىلار كوكپەكتىدە جولدىڭ اشىلعانىن كۇتىپ وتىر. تەحنيكالار قاردى تازالاپ ۇلگەرە الماي جاتىر. ءبىر بايقاعانىمىز، قار كوكپەكتىنىڭ ءوز باسىندا قالىڭ جاۋعان. اۋدان سىرتىنداعى اۋىلداردا مۇنداي قار جوق» دەيدى ول

شىعىس قازاقستان وبلىسى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار