ايماقتار • 18 قاڭتار، 2020

اسكەري جاۋىنگەرلىك دايارلىق كەزەڭ باستالدى

257 رەتكورسەتىلدى

«باتىس» وڭىرلىك قولباسشىلىعىنىڭ اسكەري قىزمەتشىلەرى اسكەرلەردى وقىتۋدىڭ كەزەكتى كەزەڭى – بولىمشەلەردى، ەسەپتوپتاردى جانە ەكيپاجداردى دايىنداۋدى باستادى. بۇل تۋرالى باتىس وڭىرلىك قولباسشىلىعىنىڭ ءباسپاسوز قىزمەتى حابارلادى.

بولىمشەلەردى دايىنداۋ بويىنشا ساباقتار 13 قاڭتار مەن 7 شىلدە ارالىعىندا بولىمشە كومانديرلەرىنىڭ باسشىلىعىمەن وتەدى. وسى كەزەڭدە اسكەري قىزمەتشىلەر ماماندىق بويىنشا جەكە دايارلىق بارىسىندا العان كاسىبي داعدىلاردى ءار ءتۇرلى ۇرىس تۇرلەرىندە جانە جاۋىنگەرلىك جاعدايلارعا جاقىنداتقان جاعدايلاردا جەتىلدىرەدى.  

«وقىتۋ بارىسىندا نەگىزگى كۇش-جىگەر اسكەري قىزمەتشىلەردى بولىمشەلەر قۇرامىنداعى ءىس-قيمىلدارعا دايىنداۋعا جانە جەكە قۇرامنىڭ دالالىق ماشىقتارىن جەتىلدىرۋگە، سونداي-اق ۇرىستا شتاتتىق قارۋ-جاراق پەن اسكەري تەحنيكانى شەبەر جانە ءتيىمدى قولدانۋعا باعىتتالعان» دەپ اتاپ ءوتتى «باتىس» وڭىرلىك قولباسشىلىعى اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك جەڭىس مارالوۆ.

جاۋىنگەرلىك دايىندىقتىڭ وسى كەزەڭىندە اسكەري قىزمەتشىلەرمەن بارلىق ساباقتار بولىمشە قۇرامىندا ۇيلەسىمدى ءىس-قيمىلداردى اۆتوماتتاندىرۋعا باعىتتالعان. ساباقتار «بولىمشەنىڭ شابۋىلى مەن قوراعانىسى»، «بولىمشەنىڭ مارشى مەن جورىقتىق كۇزەتى» جانە «بولىمشەنىڭ بارلاۋى» سياقتى تاقىرىپتار بويىنشا وتەدى. سوڭعى كەزەڭدە بولىمشەلەردىڭ جاۋىنگەرلىك اتىستارىن وتكىزۋ باستالادى.

سوڭعى جاڭالىقتار

ۇقساس جاڭالىقتار